Azaya 58:5 - Yálá laawoo hɛɓɛ (dc)

⁵ Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Yálá laawoo hɛɓɛ

⁵ Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Bible

⁵ Kà kɛ̀ sûŋ siɣêi, ka kákpîŋ mɔ̃̀lɛ. Ka luu sîa kâa, ká malôŋ tôo-maa sêɣe tòo kâa, ká káŋuŋ ma pîlaŋ yɛ̂ɛ wúru-lâa. Nyíŋi ƃé kà dòli a suŋ siɣɛɛ́i? Ka gâai kà gɛ̀ tí, ńii a pâi lâai káyêei?

Azaya 58:5 ပူးပေါင်းရင်းမြစ်များ

Tɔɔɓɛlaa veelɛ 6:30

Ɓɛlɔwai tɔɔmun ə nɛ̨ɛ̨nui tii woo mɛ̨n na, ə mąą həɠə hu ɓɛla. Ɛlɛɛ, kɛi tii ə mo ɉįi kpoloon mɛ̨i yɛ tɛɛ, nuą di gaa, aa mąąwɛli həɠə too gwąną.

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Ɛsdrasə 10:6

Ɛsdrasə ə həɠə ɓɛi tii ə kɛ laa Yálá nwɔ pɛ́lɛ́i laaləi; ə li Ɛliasivə lon Yehohanan yəi bɛlɛ́n, lɔi ə mo laa, hvo kɔ̨nɔ̨n mįi, hvo ya kpələ. Mąąhɔlɔɓo, nuą ŋɛ̨i həɠə nuwɔ laa hu, ə kɛi di kɛ nɛ̨ŋɛ̨n mąą wɔlɔ ɓo.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Mąątɛ̨nɛ̨ 69:13

Nuąi heeni ɉįi la, di kɛi náá pələ ɓo, gɛ́ ɓo lɔ a lɔɔ kpələ nuą laa wələ woo.

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 16:31

Túwɔ́ yələ li ka yəi, gaa a hvįįtɔɔ hvóló, kaa hin nɔ la a lɔwai lɔpee gəlee. Yili kaa a yələ kəlee mɛ̨nį.

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Lukə 4:19

əgɛ, ŋą Yálá nwɔ mɛ̨inɛ̨ɛ̨ kɛ kwɛlan mąą mɛ̨nį laa həli nuą diɛ.»

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.