Azaya 58:3 - Yálá laawoo hɛɓɛ (dc)

³ «Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Yálá laawoo hɛɓɛ

³ «Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Bible

³ Da kɛ̀ m̀ôi dîyɛɛi, “Kwa kɛ̀ sûŋ siɣêi, Yâwɛɛ fé zu kɔ́lɔŋ lé mɛni ma? Kwa puru siɣêi ǹyaŋ vé ŋ̀óli tɔɔ̂i kûa lé mɛni ma?” Yâwɛɛ è m̀o dîa ǹyɛɛi, “Dɔ̃yâi ƃa kà kɛ̀ sûŋ siɣêi, ka kɛ̂ kánîa mɛni-ŋa kɛ̂i, ká kɛ́ diai lûaŋ da kɛ̂ tíi kɛ̂i kâai.

Azaya 58:3 ပူးပေါင်းရင်းမြစ်များ

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Nehemi 5:7

Ŋą́ gaa, gɛ́ diɛ, mą nɛɛ ŋį́ haŋą kalanɉonŋąą da ɲɛ̨itɔwɔ nuą diɛ. Yili ɓə gɛ, ŋį́ mo diɛ, gɛ́ diɛ: «Tiɲɛ̨ wiaa ka ŋɛ̨i ka káá ɉeei ka kee nwuɔ̨.» Yili pulu, ŋį́ di kəlee di təli ŋąąkpɔn kɛnɛ̨ ɓa.

Zôo 34:9

Ə mo yɛ diɛ: «Nu hva pɛli hɛn da hɔlɔɓoi, yii a pɛli gɛi, yɛ Yálá kwəinɛ̨ɛ̨.»

Mąątɛ̨nɛ̨ 69:10

A tɛ̨ą, ə́ wɔ pɛlɛ́i mąą tolo aa lɔ ɉú kɛnɛ̨, di kaa ə́ lalan ɉi, di wɔ lalan nwoo yɛ həli mą́ą́.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 16:31

Túwɔ́ yələ li ka yəi, gaa a hvįįtɔɔ hvóló, kaa hin nɔ la a lɔwai lɔpee gəlee. Yili kaa a yələ kəlee mɛ̨nį.

Levetekɔ 23:27

«Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Malasi 3:14

Mɛ̨nįi ka kɛ moi ya ka, káá kɛ mą: «Nu kɛɛ tíi Yálá ɓa kaa lɔ a kpɛli kɛɛ. Dɔnŋąąi ə ɉee, kwaa yiliɠaa hon, ɛlɛɛ, kuɔ mąąwɛli hee ɓo, ə gɛ, Yai-Laa Mɛ̨nį Kəlee ŋą Hééɓomun, ə ɲɛ̨i lɛlɛɛ hee kuɔ. Kɛlaa, tɔlɔ lɔpee ta hvo kulɔ li ɉu, hvo həli kuɔ.

Lonon mo 23:4

Yálá ə pa Balaamə pɔ, Balaamə yɛ mą: «Ŋą́ą́ mo daa haláá kulɔi mɛ̨ihveelɛ pɛli, daa nįŋɛ̨ hilɛ tɛi tɛi da ɓɛlaa hilɛ tɛi tɛi kulɔ a haláá, dɛi tɛi mɛ̨i.»

Lukə 15:29

Kɛlaa, non ə nwoo pulu pənə yɛ mą: ‹Ə́ wəli tɔɔ, aa kɛ a kwɛlan damąą, gɛ́ koló kɛ yɛ́, və́ ta ə́ woo pili li. Kɛlaa yaamun, hvo takpɛli ɓolu lon dɛɛ li bɔ́, kwa mɛ́laa ku hvo mį́į́ a kwəinɛ̨ɛ̨.