Azaya 58:11 - Yálá laawoo hɛɓɛ (dc)

¹¹ Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Yálá laawoo hɛɓɛ

¹¹ Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Bible

¹¹ Ŋa pâi kámɛi kâai, ŋá kánîa sãa kélee tɛ́ɛ kápɔ. Ŋa pâi gɛ̂i kákɔlɔi ponoɔɔ kákponôi kpanaŋɔɔ. Ka pâi kɛ̂i yɛ̂ɛ ya-lêe kɔlɛ sua su si-sãa, ká ƃò yɛ̂ɛ ya-ɣɛ̂li nyíi va wɔ́lɔ kpalai.

Azaya 58:11 ပူးပေါင်းရင်းမြစ်များ

Zôo 5:20

Pulu tooi lɔwai, a ə́ nwun mąąkɔ̨nwɔ̨ haa yəi, yɛ ə́ nwun mąąkɔ̨nwɔ̨ kɔ́ kɔ́ ɓɔwa yəi.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Mąątɛ̨nɛ̨ 107:9

Mąąhɔlɔɓo, ə yá tɔɔ kpələ wɛli həɠə mun na, ə pulumun gɔ́ a kɔ̨nɔ̨n kpɔ kɛnɛ̨.

Mąątɛ̨nɛ̨ 25:9

Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Mąątɛ̨nɛ̨ 33:19

A di kulɔ haa yəi, yɛ di laa hɔn mo yɛnɛ̨ɛ̨ a pulu yələɠaa.

Mąątɛ̨nɛ̨ 37:19

Di ɲɛ̨i mąą hvo pai luwui a mɔ̨nɔ̨ yələ, pulu a too, da pilɛ.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Mąątɛ̨nɛ̨ 73:24

Yɛ́ li a ɲą́ą́ ɓɛi ə́ kɛ bɔ, yili pulu, ə́ kaa pai ɉə́i mąąwiɛ pulu.

Mąątɛ̨nɛ̨ 84:7

Tɛɛi di kɛi mo kpələ wɛli lɔi hu, di nąą mąą pənə a yá nwun gulɔ lɔi. Dulɔ tolooɠaai pu mą, di lúwɔ́ gboloon naa mɛ̨i.

Mąątɛ̨nɛ̨ 92:14

Ɉinŋąąi mɔ̨ɔ̨ Yai-Laa yəi bɛlɛ́n, yɛ kɛnɛ̨ gu wɔ Yálái yəi gwəlii.

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.

Hanwon 13:4

Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.

Hanwon 3:8

Yili ɓə a ə́ kɔ́lɔi pɔ̨nɔ̨, ɛlɛɛ, ə ə́ kɔ́wɠaa huwalawala.

Wɛli 4:15

Gaa a nɔw yɛa yáton, a tɛɛ yá lon nwun gulɔi, yii a həɠə Liban.

Azaya 27:3

Ɲą́ą́, Yai-Laa, ɲą́ą́ ɓə ɲɛ̨́i kɛi mą, gɛ́ ya pu mą a yələ kəlee; ŋą́ yíi mąą kpɛi, gɛ́ túwɔ́ ɉu, ə gɛ nu hvo pa nəi lɔ laa.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 44:4

Di kaa pai kɛi tɛi, yɛ kala tiliin a kɛ yá kwɛlɛ, yɛ bɔ̨ɔ̨i tɔɔni yá kwɛlɛ.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Ɉeremi 17:8

Gaa yɛ wului dɔɔ ya kwɛlɛ, ɉamu yɛ li ɲá lii ɓa, hvóló hva ɓɔ ɉu, naa tɛlin ŋąą lɔ a yələ kəlee. Hvóló ə mą hɔɔ kwɛlan dɔ̨nɔ̨ yee mu, hva mɛ̨nį ta kɛ mą, dɛlin gaa lɔ ɉu a yələ kəlee. Má hva kpɛɛ ɉu.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 36:35

Di kaa pai kɛi diɛ; nɔi ŋɛ̨i ta di gala, aa kɛ yɛ Yálá-taa nɔw yɛa. Daaɠaai kɛ a taa kpoloonŋaa, daa kɛ di pu, daa kɛ di wolo, daa di mąąkpɛ hįįɠaa too, nu ə ɓo di hu.

Osia 13:5

Ɲą́ą́ nwɛ́i, ŋį́ ə́ kɔ́lɔn nɔi pun ɉu, nwəleen nɔi tii hu.

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 7:38

Nui a laa ná yɛ bələi Yálá laawoo ə mo la a kɛ a yɛnɛ̨ɛ̨ hva kpɛɛ yalee nwun gulɔi.»

Dutɛrɔnome 15:4

Kɛlaa mąą hvo nɛ̨ɛ̨li yeehowolo mun və kɛ ka pɔɔli, núwɔ́i Yai-Laa kaa pai dooi kaa nɔi tii gaa pai dɛɛi ka pɔ a ka wɔɔ ɉu, núwɔ́i tii kɛnɛ̨i.

Tɛsalonikə dɔlɔɔ 3:11

Yálá kpinįi, gu Ną́n, ɛlɛɛ, gu Ną́mu Jesus di pələ kulɔ a kuɔ, ku pa ká pɔ.