Azaya 57:7 - Yálá laawoo hɛɓɛ (dc)

⁷ Ya ə́ laa gbin bɛli yee tɔɔɠaa nwuɔ̨, nąą ɓə ya tɛ laa, yɛ́ hɛlaa kulɔ laa.

Yálá laawoo hɛɓɛ

⁷ Ya ə́ laa gbin bɛli yee tɔɔɠaa nwuɔ̨, nąą ɓə ya tɛ laa, yɛ́ hɛlaa kulɔ laa.

Bible

⁷ Ka lî ǹyée kpaya-kpayai tôŋ su ká sâla-ŋa kula naa, ká kɛ́ lɔ-pɔ̂rɔŋ kɛ̀ naa a ǹɛyâai.

Azaya 57:7 ပူးပေါင်းရင်းမြစ်များ

Azaya 57:3

Ka wɛi, 'ka lɛɠɛɓɛ, dɔlu kpɛ nɛ̨ɛ̨nu lonnii, wɛli hon ɉilɛnu, da wɛlikɛnɛ̨ɛ̨nu di lon.

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 3:2

Tinɛn dai ə́ ə́ ɲɛ̨i hee bələɠaa pɔ! Ə́ nąąɠaa kaa! Kɛɛnąą ta kaa mɔ̨ɔ̨ laa ɓɛi hvó túwɔ́ pələ ɲɔ̨n gulɔ li laa? Ə́ kɛi hee bələɠaa kwɛlɛ, yɛ́ nuą mąąkpɔn, yɛ bələi Arabə nuą da hee la nɔi pun ɉu. Yáá nɔi mąąliɓi a ə́ wɔ túwɔ́ pələ ɲɔ̨n, da ə́ yii pələ ɲɔ̨nwɔ̨ɔ̨.

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Izikiɛ 16:16

Ə́ ə́ mąą həɠəɠaa həɠə, yɛ́ ɉalə kɔ́iɠaa mąą yili la, yɛ́ túwɔ pələ ɲɔ̨nŋąą kulɔ ɉu, ɉuwu ta hvo ta kɛ li, ɛlɛɛ da hvo pai kɛi.

Izikiɛ 16:24

Ə́ haláá kulɔi tɔɔ, ə́ hali kɔ́i pɛli kwəli hą́ą́ kəlee ɓa.

Izikiɛ 16:25

Yáá haláá kulɔi pɛli pələ taŋan na kəlee ɓa, yɛ́ ə́ wɔ lɛlɛ mąąliɓi laa; yɛ́ ə́ kɔ́lɔ tɛɛ tɛɛ bələi nuą́ kəlee pɔ, yɛ́ ə́ wɔ túwɔ pələ ɲɔ̨n hu wiɛ la.

Izikiɛ 23:17

Yiliɠaai di pa bɔ, Babilonə nuą di pa nwɛli pɛlɛ́ mu, di mąą liɓi a di wɔ tuwɔ pələ ɲɔ̨n; mąą ə liɓi di mąą mɛ̨nį ɓa. Yili pulu di wɛli ə kpɛɛ mą kpɔ tɛ̨ɛ̨ tɛ̨ɛ̨.

Izikiɛ 23:41

Yili pulu ə́ laa gbin gɛnɛ̨ɛ ɲą, taɓali hviləŋąą gbin nií la, ɓɛi yaa kɛ nwɔ́ wulɔi da nwɔ́ lansan hee laa.

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.