Azaya 57:6 - Yálá laawoo hɛɓɛ (dc)

⁶ Ɓoloon ɉu kwɛniɠaa, mąą lalaa kpɔlɔɔ kpɔlɔɔɠaa ɓə a ə́ liiɓa hɛn, ə́ wɛi li, diɛ kpɔ ɓaa a ə́ wɛi, a ə́ hɔlɔɓo hɛn! Diɛ ɓə ya di kɔ́ a lɔɔ, diɛ ɓə ya di kɔ́ a haláá hɛnŋąą! Ŋį́ pɛli nííɓa mɛ̨nį kaai ləi mɛ̨nįi tii hu?

Yálá laawoo hɛɓɛ

⁶ Ɓoloon ɉu kwɛniɠaa, mąą lalaa kpɔlɔɔ kpɔlɔɔɠaa ɓə a ə́ liiɓa hɛn, ə́ wɛi li, diɛ kpɔ ɓaa a ə́ wɛi, a ə́ hɔlɔɓo hɛn! Diɛ ɓə ya di kɔ́ a lɔɔ, diɛ ɓə ya di kɔ́ a haláá hɛnŋąą! Ŋį́ pɛli nííɓa mɛ̨nį kaai ləi mɛ̨nįi tii hu?

Bible

⁶ Ka kɔni-ŋa sàa, ká díkɛ a káɣâla-ŋa, ká kɛ́ dífɛ̀li. Ka kɛ̂ ŋ̀wã̂ai sama-sãa da mii-sãa sama sãa tɛɛ̂i dípɔ. Ká lâai la kátûa-pere sãŋ-ŋai ŋí ƃɛlɛ káa ŋ́goi a gɛ́ɛ ńii é kɛ́ a ǹáa káyêei?

Azaya 57:6 ပူးပေါင်းရင်းမြစ်များ

Azaya 65:11

Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 3:9

Nwɔ wɛli hon bələ a nąą mąą walawala, ə nɔi kɔ́hɔɓo. Yɛ li yɛ kwɛli hvilɛn kwɛniɠaa da wuluɠaa diɛ.

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 5:29

Yai-Laa yɛ diɛ: Mɛ̨ni kɛ pələ a kɛ tii, a kɛ tii, vá mɔ̨ɔ̨ di hutɔɔ? Ŋą́ nwą́ną kulɔ nu huwu taaləi tii ɓa!

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Ɉeremi 9:9

Nwɔ́lɔ woo kaa tɔɔi ɲeeɠaa ton na. Gɛ́ nwóó laa ɓɛi daatɛlɛɛɠaa di di laa mį́i laa, ɲɛa kɔ́ɔɠaa hu. Mąąhɔlɔɓo, daa gɛɛnąąɠaa tii kələn, nu ta hva kɛa tɛɛ laa. Nwɛniɠaa-o, daatɛlɛɛɠaa, gəlee daa pu, hɛn da hvo laa.

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!