Azaya 57:5 - Yálá laawoo hɛɓɛ (dc)

⁵ Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.

Yálá laawoo hɛɓɛ

⁵ Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.

Bible

⁵ Ká kɛ̀ nyiî a ǹɛyâai ôo wuru-ŋai mu ƃɛ́i ka káɣâla-pɔkɔɔŋ-ŋai fɛ̂li naai. Ka kɛ̂ kálônii kulâi naa a sâla gɔni-wôlo-ŋai su ǹyée-ŋai loai.

Azaya 57:5 ပူးပေါင်းရင်းမြစ်များ

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Tɔɔɓɛlaa veelɛ 17:10

Diɛ hali kɔ́iɠaa tɔɔ, diɛ wuluɠaa tɔɔ, diɛ haláá kulɔ mą, ɲeeɠaa kəlee nwuɔ̨, da wuluɠaai nąą ŋąąnɛ̨ɛ̨ mą di mu.

Tɔɔɓɛlaa veelɛ 17:7

Yili ə laa tii Israɛlə nuą diɛ, mąąhɔlɔɓo, di nɛ̨ŋɛ̨n ɉəɠə Yai-Laa di wɔ Yálái ɓa, yai di kulɔ Eziptə tɔɔmun ɲee mu luwɔlaa hu. Di kɛi kɛa kwɛli hvilɛn haliɠaa diɛ,

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Ɉeremi 17:2

Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 50:38

Gɔ kɔ́ ɓɔwa, ə hee nwɔ yaɠaai hu, daa kpala. Mąąhɔlɔɓo, aa lɛɛ a mąąnįnįn ɉaɠaa lɔi, a nu mąąnįnįn ɉaɠaaɠaai daa di kili kulɔ di yəi.

Ɉeremi 51:7

Babilonə ə kɛ Yai-Laa yəi yɛ hɛni gəgən, ə kɛi lɔi kəlee kɛ a lɔɔ hon, yɛnɛ̨ɛ̨ nuą di kɛi nwɔ lɔɔi kpələ, diɛ ɓowo la.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Izikiɛ 16:20

Ə́ ə́ lon ɉinąą, da ə́ lon nɛ̨ąą, a diɛi ti ə́ di káá mą́ą́; ə́ di həɠə yɛ di kɛ a haláá hɛn, mąąnįnįnŋą́ą́i ti diɛ. Dúwɔ pələ ɲɔ̨n gulaa tii hvo mɔ̨ɔ̨ kɛ ə́ lii hon?

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Lonon mo 25:6

Nąąlɔwai, Israɛlə hulɔnon da ə Madian nɛ̨ɛ̨non da həɠə, ə paa la nąn nonnii lɔwai, Moisə da Israɛlə nu kpulu kəlee ɲɛ̨i ɓa, ɓɛlɔwai di kɛi wɔlɔ la gee kaa kələ laaləi

Dutɛrɔnome 12:2

Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»