Azaya 56:2 - Yálá laawoo hɛɓɛ (dc)

² Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Yálá laawoo hɛɓɛ

² Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Bible

² Ŋa pâi lûwa lâai diai dîa da Vii-tɔɔ-ɣelei mɛi kâai, dífa m̀aa tĩ̂a karai. Ŋa pâi lûwa lâai diai dîa díyee fé ŋwana-lɔ̂ɔ mɛni da kélee sui.”

Azaya 56:2 ပူးပေါင်းရင်းမြစ်များ

Nehemi 13:17

Ŋą́ haŋą Ɉuda nɔi kalanɉonŋąą diɛ, gɛ́ diɛ: «Lə mɛ̨nį ɲɔ̨n mə ŋɛ̨i ka káá gɔwɔ tɔɔi ɓɛi, ka túwɔ́ lɔwɔ ɓɛlɛkpɛɛ maa?

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Mąątɛ̨nɛ̨ 119:101

Ŋą́ nɛ̨ŋɛ̨n bələ kəlee mąąlaa, gɛ́ pɛli lɛɛi ə́ woo pulu.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Mąątɛ̨nɛ̨ 37:27

'Hvó kɛ ə́ kaa mɛ̨nį ɲɔ̨n gɛi, mɛ̨nį lɛlɛɛ kɛ; akɛtii, yá ə́ heei hɔlɔɓo a yələ kəlee mɛ̨nį.

Lɛɛ gbɔwɔ ɓa 20:10

Kɛlaa, voló mɛ̨ihveelɛ yələ, hvįįtɔɔ yələ li, Yai-Laa ə́ wɔ Yálái nwɔɔ li. 'Hva kólói lɔpee ta kɛ a mąą yələ, ə kɛ a yɛ́ kpinįi, ə kɛ a ə́ lon ɉulɔnu, ə kɛ a ə́ lon nɛ̨ɛ̨nu, ə kɛ a ə́ wɔ luwɔ hilɛ da ə́ wɔ luwɔ nɛ̨ą, da ə́ yəi taatɛlɛɛɠaa, ə mą kɛ nwɛ̨ąi gaa ə́ yəi bɛlɛ́n.

Lɛɛ gbɔwɔ ɓa 20:8

«'Ə́ kili lɛɛ vįitɔɔ yələ hu, Yálá nwɔɔ li.

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 16:17

Nu haŋąąɠaa kpaalə ɓaa, di di mąą kwɛa mɛ̨nį ɲɔ̨n ma. Mąąhɔlɔɓo, nu túwɔ́ pələ yɛlɛ kɛɛ a nu nwɔ yɛnɛ̨ɛ̨ mɛ̨i kaa.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 4:13

Mɛ̨nį ŋɛ̨i di ə́ kalan na, 'ɉon kpaan, 'hvó ə́ pulu tɔɔ mą. Gaa a ə́ wɔ yɛnɛ̨ɛ̨, ə́ yee kanąn mą.

Hanwon 4:27

'Hvə́ li ə́ ɓamįiyee hu, 'hvə́ li ə́ kɔ́ɓɛyee hu, 'Hvó ə́ kɔ́wɔ hvilɛn mɛ̨nį ɲɔ̨n ɉu.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Azaya 56:4

Mąąhɔlɔɓo, mɛ̨nįi Yai-Laa kaa moi ya ka: Gbɛtɛ kpuluwuluɠaa da kɛi nwɔ́ hvitɔɔ hvólóɠaai mąąhəɠə, di liiɓa ə ɓo a nííɓa mɛ̨nįɠaa kɛɛ, diɛ lɛɛ nwɔ́ mįnɛ̨i pulu,

Azaya 56:6

Nweąąi da kanąn Yai-Laa ɓa, di yee ə ɓo nwɔ kólóɠaai diɛ, diɛ naa wɛli la kɛ, diɛ di kpɔwɔ kɛ a nwɔ kóló kɛ nuą, nuąi kpɔ da vįitɔɔ yələ mąąhəɠə, di hva ɲali, ɛlɛɛ, diɛ lɛɛ nwɔ́ mįnɛ̨i pulu,

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Izikiɛ 20:12

Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Levetekɔ 19:30

'Ka nwɔ́ hvįįtɔɔ yələɠaa mąąwiɛ, ka nwɔ́ pɛ́lɛ́i mąąwiɛ. Ɲą́ą́ ɓə gáá a Yai-Laa.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Lukə 12:43

Nwun na nɛ̨ɛ̨mun mąą a yili mąą koló kɛmun, yai nąmu a pənə a pa, ə ɲee kaa gɛ koló ɓa.

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.