Azaya 56:12 - Yálá laawoo hɛɓɛ (dc)

¹² Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Yálá laawoo hɛɓɛ

¹² Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Bible

¹² Díkaa nɔ́ a lɔɔ kpele-ƃela tee-tee. Da kɛ̂ m̀ôi dîyɛɛi, ‘Kwaa ŋwã́ai kpanaŋ támaa kɔ́ri, kú gbele, kúlii é láa. Tínaa a pâi kɛ̂i a ǹɛ́lɛɛ é tɛ́ɛ sâa ma.’ ”

Azaya 56:12 ပူးပေါင်းရင်းမြစ်များ

Zôo 24:23

Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.

Mąątɛ̨nɛ̨ 10:6

A kɛ kɛi gbɔwɔ ɓa: «Gáá tɔɔni gbilin, ɲąąnwąnąą hva pɛli gáái kpɔ tanɔ̨n kpɛli.»

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Hanwon 23:35

Ə́ woo laa diɛ: Daa gɛ́lɛ, Kɛlaa, və́ ɲąą kaa li; daa ɉú lɔwa, gɔlɔ hvo gili kɔ́lɔn ni, mįnɛ̨ lɔwai ɓə gáá pai muhəɠəi la, ŋį́ li ŋį́ da kwɛli nwɔ̨nɔ̨?

Hanwon 27:1

'Hvó ə́ kpɔwɔ mąątɛ̨nɛ̨ tinąą mɛ̨nį hu, mąąhɔlɔɓo, mɛ̨nįi háákələi kaa pai naai yɛ́, hvó gɔlɔn.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Osia 4:11

Lɔɔ da wɛli mɛ̨nį daa di nwun ɉu lan.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.