Azaya 55:9 - Yálá laawoo hɛɓɛ (dc)

⁹ Bələi lɔ yələkɔlɔn mąą kwɛaa la lɔi ɓa, bələ lɔ ɓə nwɔ́ pələɠaai mąą kwɛaa la ka yii pələɠaai diɛ, ɛlɛɛ, gwə́i kiliɠaa mąą kwɛaa lɔ tii ka kwəi kiliɠaa diɛ.

Yálá laawoo hɛɓɛ

⁹ Bələi lɔ yələkɔlɔn mąą kwɛaa la lɔi ɓa, bələ lɔ ɓə nwɔ́ pələɠaai mąą kwɛaa la ka yii pələɠaai diɛ, ɛlɛɛ, gwə́i kiliɠaa mąą kwɛaa lɔ tii ka kwəi kiliɠaa diɛ.

Bible

⁹ Berei nɔ́ ŋ̀ele-kɔ̂lɔŋ káa la ǹɔii mɛi-pere póŋ-poŋ, bere nɔ́ ƃé ŋákili ŋa-sîa-ŋai da ŋámɛni ŋá káai káa la káwɔ̂-ŋai mɛi-pere.

Azaya 55:9 ပူးပေါင်းရင်းမြစ်များ

Samia Veerɛi 7:19

Kɛlaa, nwɔ́ Yálá, yili tikpəi Ə́ ɲɛ̨i mu. Hvó gaai, yáá wɔlɔ Ə́ woo kwɛlɛ, Ə́ nwɔɔ tímun ŋą pɛlɛ́i ɓa a ɉukwɛa. Yai-Laa nwɔ́ Yálá! Yáá ɉón bələ kɛ yɛ ŋą́ kɛ a nui mąą mɛ̨nį nwąnąą nu kəlee ɓa.

Mąątɛ̨nɛ̨ 103:11

Bələi lɔ yələkɔlɔn nwɔ heeɓolaa kaa la lɔi ɓa, bələ lɔ ɓə nwɔ wɛlikɛmąąlaa kɛ̨nɛ̨ la ɲɔw mąą nuą diɛ.

Mąątɛ̨nɛ̨ 36:5

A kɛ ɲəi gbin ɲą, mɛ̨nį ɲɔ̨n nɔ ɓə gɛ gili a too gwəi, ganąnŋąą pələ ɲɔ̨nwɔ̨ɔ̨ ɓa a wəlii kpɔlɔlaa; hva gɛ hvo ɲee kulɔ mɛ̨nį ɲɔ̨n ɉu.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Mąątɛ̨nɛ̨ 89:2

Gáá kɛi lɔ Yai-Laa nwɔ mɛ̨inɛ̨ɛ̨ɠaa tooi a wələ a yələ kəlee, gɛ ə́ wɔ tɛ̨ą mɛ̨nį hukulɔ a kwɛlan gəlee.

Mąątɛ̨nɛ̨ 92:6

Ə́ kɛ mɛ̨nįɠaa kpɛa kpɛai tai, Yai-Laa! Ɛlɛɛ, ə́ kwəi kili kpon ɉukwɛa pələ, nu hva pɛli gɔlɔn ɉi.

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.