Azaya 55:7 - Yálá laawoo hɛɓɛ (dc)

⁷ Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Yálá laawoo hɛɓɛ

⁷ Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Bible

⁷ Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Azaya 55:7 ပူးပေါင်းရင်းမြစ်များ

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 15:4

Kɛlaa, di kɛɛ mąąwɛli mɛ̨nį hui, di pənə di pa Yai-Laa Israɛlə nwɔ pɔ, di ɲɛ̨ilaa kwɛli, ɛlɛɛ, ə gbɔwɔ lɛɛ laa di gaa.

Kɔlɔnikɔ Veerɛi 30:6

Gilɛhəɠə nuą di li a ɉɛɓɛ́i tɔɔmun ə bɛ̨ɛ̨ da nwɔ kalanɉonŋąą, di hiɛ la Israɛlə lɔi hu da Ɉuda lɔi hu nąą kəlee, di gɛ yɛ bələi tɔɔmun ə di tí la, diɛ kɛ mą: «Israɛlə lonnii, 'ka pənə ka pa Abrahamə, Isaakə da Israɛlə nwɔ Yálá Yai-Laa pɔ, yaa kpɛli a pənə ə pa ka pɔ, kaa ŋɛ̨i a nu kpəli woloi aa kulɔ Asiri tɔɔɓɛlaa yee wolo.

Kɔlɔnikɔ Veerɛi 33:13

ə wɔlɔ mą. Yai-Laa ə niilaa bɔ, ə nwəli tɔɔ nwɔ nɛ̨ɛ̨mąą woo ɓa, ə pənə ə pa a Manase Ɉerusalɛmə daa, əgɛ, ə nwɔɔ tɔɔlaai kɛ. Manase ə gɔlɔn yɛ kɛ, Yai-Laa ɓə gaa a Yálá.

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Zôo 22:23

Yá pənə yá pa Huwalawala Kəlee Nąmu pɔ, Yɛ́ mɛ̨nį ɲɔ̨n gəlee kulɔ ə́ túwɔ́ pələ hu, yá ə́ kpɔ hɔlɔɓo.

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Mąątɛ̨nɛ̨ 130:7

Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Mąątɛ̨nɛ̨ 66:18

Əli kɛ kiliŋąhiɛ ɲɔ̨nwɔ̨ɔ̨ ɓə kɛ gwə́i, Nąmu hvəli kɛ nwəli tɔɔ nwóó ɓa.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 21:12

Daa mąąkpɛmun yɛ mą: «Yələ kaa ɓɔi, kpinį yɛ nwɔ̨nɔ̨ pɛlɛ. Ka kɛ nwɔ̨nɔ̨ bɔ ka kɛɛ mąąnin gɛ, 'ka pənə ka pa.»

Azaya 31:6

Israɛlə lonnii, nui kaa ka pulu tɔɔ mą a ɉu kwɛa, ka pənə ka pa bɔ.

Azaya 32:7

Hvulumun nwɛi, gɛ mɛ̨nį kəlee a kɛ lɔ a hvulu, a mɛ̨nį ɲɔnŋaa kili tee gwəi, yɛ mąąwɛli nuą nwun na pili la a lɛɛ woo, ə mą kɛ a mąąwɛli nuąi tii, di wɔ tɛ̨ą mɛ̨nį li.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Woolaa 3:40

'Ká gu gu kpɔwɔ kpįnįi yíi pələ hu kpɛ a nɛlɛɛ, 'ká gu gu pulu tɔɔ ɲɔ̨nwɔ̨ɔ̨ ɓa, gu pa Yai-Laa pɔ.

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Zakari 8:17

'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Markə 7:21

Mąąhɔlɔɓo, nu lii hu ɓə kiliŋąhiɛ ɲɔ̨nwɔ̨ɔ̨ɠaa da kulɔ laa, yɛ nu tɔɔ a mɛ̨nį ɲɔ̨n gɛɛ, yɛ bələi: nwuɔ̨ kɛɛ kaa la, nu paa mɛ̨nįɠaa,

Markə 7:23

Mɛ̨nį ɲɔ̨n ŋąą tii gəlee da kulɔ nu nwɔ kiliŋąhiɛ hu, diɛ nu kɔ́hɔɓo.»

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 15:24

Hvó gaai, nón ŋɛ̨i, aa kɛ haa, aa pənə aa nwun; nwun na aa kɛ pili, ŋą́ą́ pənə ŋą́ą́ gaa. Diɛ kɛa mąą kwəinɛ̨ɛ̨ kulɔ.›

Lukə 7:47

Yili ɓə gaa mą, gáá moi yɛ́, nwɛlikɛmąą mɛ̨nį kɛnɛ̨i ŋɛ̨i nɛ̨ɛ̨nui ŋɛ̨i aa gɛ, yili a nɛ, yɛ nɛ̨ŋɛ̨n damąą tii aa gɛ, mąąhvaa aa lɛɛ. Kɛlaa, nui da mąąhvaalɛɛ tiikpə, wɛlikɛmąąlaa tiikpə lɔ ɓə a gɛ.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.