Azaya 55:4 - Yálá laawoo hɛɓɛ (dc)

⁴ Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Yálá laawoo hɛɓɛ

⁴ Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Bible

⁴ Ŋá gɛ̀ a sêre ǹɔii-ŋûŋ-ŋai mɛni ma, ŋá gɛ́ a nûa láa túɛ-nuu gɛ́ díteniŋ tɔ̀ɔ.

Azaya 55:4 ပူးပေါင်းရင်းမြစ်များ

Samia Veerɛi 22:44

Nwɔ́ nuąi da di kwɛli tee, yá nwún mąąkilɛ di yəi, Yá ɉéé lɔiɠaa nwun na. Ɉiin yiiɠaai di hvo gɔ́lɔn, da di mąą yɛɛ ɲéé mu.

Mąątɛ̨nɛ̨ 18:43

Ŋą́ di mąą pənə a munuun gbala, hvaŋą yɛ li a diɛ.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 43:12

Ɲą́ą́ ɓə ka ɓalo mɛ̨nį lɛɛ tɔwɔ gɛ́ mo, ɛlɛɛ gɛ́ dɛɛ; ɲą́ą́ ɓə gbɛa ɉukulɔ, ka pɔɔli hali ta hvəi, Yai-Laa yɛ nwɔ̨nɔ̨ diɛ: Kaa ɓə ɓaa a nwɔ kɛla, ɛlɛɛ ɲą́ą́n, ɲą́ą́ kpɔ ɓə a Yálá.

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Ɉaan 13:13

Ka kɛ kɛi mą́ą́ ‹Mąąkwɛli kɛmun› da ‹Ną́mu›, ka kɛ moi a nɛlɛɛ, mąąhɔlɔɓo, ɲą́ą́ ɓə.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ifisiɛŋ 5:24

Bələi lɔ Yálá ŋą kpɔn kaa la Kristə woo mu, nɛ̨ąą diɛ kpɛli, di mąąnɛ̨ɛ̨ di kɛ tii di hilɛni woo mu mɛ̨nį kəlee hu.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Timote dɔlɔɔ 6:13

Gáá ə́ tíi, Yálái a yɛnɛ̨ɛ̨ tɛɛ hɛn gəlee pɔ, ɲɛ̨i ɓa, da Jesus Kristə ɲɛ̨i ɓa, yai mąą kɛla hvaa ɓo Pɔnsə Pilatə lii la, laa na laa hu, gɛ́:

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ: