Azaya 55:1 - Yálá laawoo hɛɓɛ (dc)

¹ Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Yálá laawoo hɛɓɛ

¹ Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Bible

¹ Yâwɛɛ a m̀ôi ǹyɛɛi, “Ka pá, káai kélee kpele-wɛ̂li káa kâai. Yá káa ƃɛ́ kámɛni ma! Ka pá káai kélee sɛŋ-kao fé káyêei, ka pá ká mii-sãa yá ká m̀ii. Ka pá ká ŋwã̂ai da niŋa ŋíni-ya yá. Káfe pâi seŋ kâo kpɛɛ̂i dímɛni ma.

Azaya 55:1 ပူးပေါင်းရင်းမြစ်များ

Mąątɛ̨nɛ̨ 143:6

Gáá ɲə́ə́ hąŋąi ə́ pɔ pələ, ɲą́ą́ ka ɲɛ̨i ə́ lííla, yɛ lɔi ɉu aa kpala a yá wɛli.

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Hanwon 8:4

«Kaai ɓaa nu lonnii, kaa ɓə gáá ka təlii, Nu kəlee ɓə gáá dəlii.

Hanwon 9:1

Kili aa nwɔ pɛ́lɛ́i tɔɔ, aa dɔɔmu kɛ mą mɛ̨ihveelɛ.

Hanwon 9:5

«Ka pa ka nwɔ́ kɔ̨nɔ̨n mįi, nɔɔi ŋį́ bɛli, ka gbələ.

Wɛli 1:2

Nɛ̨́nɛ̨́ɓo, Nɛ̨́nɛ̨́ɓo kani, ə́ nį́í lɔ ɉu! Ə́ wɔ wɛlikɛmąą aa ɉón ə tɛɛ lɔɔ ɓa.

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Azaya 52:3

Mąąhɔlɔɓo, yii Yai-Laa kaa moi ya ka: Di ka tɛɛ a mɛ̨inɛ̨ɛ̨, da kɛi nwɔ̨nɔ̨ pa ka nwun mąąɓoi, wali mɛ̨nį hva kɛ ɉu.

Woolaa 5:4

Kwa kɛ ku ku wɔ yálɔwai ta kpələ hvo kɛli kwa ɲá a wali. Hvo kɛli kwa ku kpɔɔ kwɛi yiliɠaa tii yá, hvo tɛɠa lɔ bɛlɛ́n.

Izikiɛ 47:1

Ɉulɔnui tii ə pənə ə pa a ɲą́ą́ Yálá hee pɛlɛ́ laaləi pələ, yá ta ə kɛi kulɔ laa nɔi mu, ɓɛ pələi tii vóló a həɠə lai; mąąhɔlɔɓo Yálá hee pɛlɛ́ laa heɛi kɛ voló həɠəi pələ, ə lɛɛ ɲa ə kɛi yɛɛ Yálá hee pɛlɛ́ kooɓa, mamįiyee hu pələ; yɛ tɛɛ ɉaláá kulɔi pulu pələ.

Izikiɛ 47:9

A kɛ ti kɛa, huwɔi kpɔ a nɔw, di kaa pai di ɓuwuɓoi; diɛ ɓalo ɓɛi lɔpee ɲálee tii kaa pai tɛɛi laa. A kɛ ti, hɔ̨nwɔ̨lee kaa pai ɓuwuɓoi, mąąhɔlɔɓo, ɲá kaa pai həlii laa, ɛlɛɛ, gboloyá hu yá kaa pai nɛ̨ɛ̨i. Ɓɛi lɔpee ɲai tii kaa pai həlii laa, hɛnŋaa kaa pai ɓaloi laa.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Zakari 2:6

Gɛ́ mą: «Ə́ kaa lii mįnɛ̨?» Yɛ mą́ą́: «Gáá lii Ɉerusalɛmə kɔ́ɔn ɉii; gɛ́ ɲąąkɛnɛ̨ pələ, da goloon gwɛa pələ kaa.»

Zakari 9:15

Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Maafîu 10:8

'Ka li, ka ɲɔ̨n gɛ nuą kəlee kɔ́lɔi pono, 'ka haa nuą nwun, ka hvólóɲɔ̨n gɛ nuą kɔ́lɔi pono, ka di mąą həɠə, ka ɲį́nɛ̨nŋąą kpɛ nuą pulu. Bələi ka ɉɔlɔɓo la a mɛ̨inɛ̨ɛ̨, 'ka dɛɛ tii a mɛ̨inɛ̨ɛ̨.

Maafîu 13:44

«Yálá-taa tɔɔlaa kaa yɛ, hɛn gɔw yii noɔ tíi hu. Yii hulɔnu ta ə li, ə gaa, ə pənə ə mɛ̨i kpulu. Gwəi ə nɛ̨ɛ̨ kpɔ kɛnɛ̨, ə li ə ɲəi hɛn gəlee lɔwɔ́tɔɔ, ə pənə ə pa, ə díi tii ya la.»

Maafîu 26:29

Gáá moi kaa, ə həɠə háákələi ɓa, gwa kaa ni gu hvo kɛa pai viɲə yai ŋɛ̨i ta kpələi gee ɓa. Hvo kɛli gwa nįnɛ̨ kpələ nwɔ̨nɔ̨ gee ɓa Yálá-taa tɔɔlaa hu.»

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Gɛlaɠaa 8:20

Kɛlaa, Piɛrə ə nwoo ɲąąpənə yɛ mą: «Yɛ́, ká ə́ wɔ hɛn gɔw, ka nwun na ə pili. Gɛ mɛ̨nį, yáá ə́ kiliŋąhiɛ yɛ kɛ: Da Yálá nwɔ mɛ̨nįnɛ̨ɛ̨ yá a wali.

Lomaŋ 3:24

Kɛlaa, Yálá nwɔ mɛ̨inɛ̨ɛ̨ hu, aa di kɛ a tələnmo nuą yaa kpinįi ɲɛ̨i ɓa Jesus Kristə háálai, yai di nwun mąąɓo ə di kulɔ nɛ̨ŋɛ̨n ɲəi.

Korɛntə dɔlɔɔ 3:2

Ɲįnįyá ɓə ŋą́ dɔɔ ka la, və́ kɔ̨nɔ̨n nwalawala lɔ li ka la, mąąhɔlɔɓo, ka hvəli pɛli mįi. Ká hvo li pa nwɔ̨nɔ̨ kɛ pɛli mą háákələi.

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Rutə 4:1

Nąąlɔwai, Boozə ə li ə hee ɉįi la, ɓɛi da kɛ mɛ̨nį ɓo kɛi laa, ə lɛɛ laa heeni, nui ŋɛ̨i ə mąą mɛ̨nį ɓo Rutə ɓa, yɛ kɛ mą: «Yaa ɓə mąąnɛ̨ɛ̨ ə ə́ mąą mɛ̨nį ɲɛ̨i kulɔ,» yili yɛ pa tɛɛi. Boozə ə dəli, yɛ mą: «Mɛ̨i yɛ́ ɓə! 'Lɛɠɛ ɓɛ, ə́ heei kaa laa.» Yili ə pa, ə hee.