Azaya 54:14 - Yálá laawoo hɛɓɛ (dc)

¹⁴ Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Yálá laawoo hɛɓɛ

¹⁴ Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Bible

¹⁴ Teniŋ-ƃô da tɔ̃yâ-laa da pâi gɛ̂i ká tɔɔ̂i é kpanaŋ. Núu da fé pâi ká lúanîi, kpaa máŋ é ká maa-yao. Mɛni mĩli-miliɛɛ da fé pâi kulâi káŋɛi é gɛ́ ká yao.

Azaya 54:14 ပူးပေါင်းရင်းမြစ်များ

Hanwon 3:24

Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Azaya 1:26

Ə́ wɔ kiti tee nuąi, ŋį́ di kɛ yɛ bələi wɔlɔ di kɛ la, a di haŋąą, nuąi da tɔɔ ə́ ɲɛ̨i tɔ́wɔ́, ŋį́ di kɛ yɛ bələi wɔlɔ di kɛ la, nąąlɔwai, da ə́ laa hee kɛa, diɛ mą «tələnmo taa» da «taa haŋąą.»

Azaya 1:27

Mɛ̨nį haŋąą kaa pai Siɔn taa nwun mąąɓoi, ɉu hee ɓo nuą di di pulu tɔɔ mɛ̨nį ɲɔ̨n ma, diɛ mɛ̨nį haŋąą kɛ.

Azaya 14:4

ya nwələi ŋɛ̨i too a Babilonə tɔɔmun naa, yɛ kɛ mą: Nuą mɔ̨nɔ̨ ɓomun tii nwɔ yɛnɛ̨ɛ̨ laa ə kulɔ pələ kɛ ləi yoo? Nwɔ ɲɛ̨itɛlaai ə kulɔ pələ kɛ ləi ɲəi yoo?

Azaya 16:4

Moabə nuąi di mąąkilɛi, di pɛli heei ə́ kɔ́wɔ mɛ̨i, 'kɛ a di mąąkilɛ pɛlɛ, nɔi hu kalamun ŋɛ̨i tɔwɔ. Nwɛ̨ą mɛ̨nį ə kpɛɛ, nɔi hu kalamun ə həɠə laa, nuąi hee ku mɛ̨i di kulɔi nɔi.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 26:2

Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Azaya 32:17

Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Azaya 33:18

Nui kɛi ə́ mąąɲɔw, ə́ kaa pai kɛi ə́ kiliŋąhiɛi mą, nui kɛi ə́ kɛ kóló mɛ̨i kaa, gaa mį? Nui kɛi ə́ pulu kaa ə wɔɔ? Nui kɛi ə́ wɔ taa walawalaɠaai mɛ̨i kaa gaa mį?

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:20

Nonnii mąą kaa pai wiɛi, yɛ bələi di kɛ la tɔlɔɔ. Nwɔ ɲąąkpɔnŋaai ə ɓo heeni nííla kpɔ tin tín, ɛlɛɛ gɛ́ hee mɔ̨nɔ̨ ɓo nuą kəlee hu.

Ɉeremi 31:23

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Ɓɛlɔwai gáá pai pənəi ŋį́ pa la a gɔ́ luwɔɠaa, mɛ̨nįi di kaa pai kɛi moi Ɉuda lɔi da nwɔ taɠaa di hu, ya ka: «Yai-Laa ə lúwɔ́ too yɛ́, tələnmo hee taa. Yee mąąhəɠɛɛ.»

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Zakari 9:8

Gáá pai kɛi tɔɔni nwɔ́ pɛlɛ́i kwɛlɛ, gɛ́ mąąkpɛ, nuąi da tɛ diɛ yɛɛ, di tɔwɔ, tɔɔmun da hva kɛa hee mɛ̨i lɔ tii, mąąhɔlɔɓo, ɲą́ą́ gbínįi ɓə pai kɛi ɲɛ̨́i kɛi mą.

Piɛrə veelɛ 3:13

Kɛlaa, gu wɛi, yɛ pələi ə mįnɛ̨ həɠə la, yɛ diɛ: Yələkɔlɔn nįnɛ̨ da lɔi nįnɛ̨ kaa pai, ɓɛi tələnmolaa kaa tɔɔlaa kɛi laa. Yili ɓə gu kaa mąąkpɔn ɉi.