Azaya 54:11 - Yálá laawoo hɛɓɛ (dc)

¹¹ Yɛ́i kɛ ə́ mąąwɛliɛ, diɛ ə́ hviɛ hviɛ tɔɔ, ə́ kpəlaɓomun və kɛi hɔlɔɓo, Gáá pai ə́ kɔ́wɔ vilɛn gwɛniɠaa kɛi a kwɛni mąąpɛ̨ɛ̨ɠaa, gɛ́ ə́ kɔ́wɔ hvilɛn Kúwɔ́-kwɛni mɛ̨i,

Yálá laawoo hɛɓɛ

¹¹ Yɛ́i kɛ ə́ mąąwɛliɛ, diɛ ə́ hviɛ hviɛ tɔɔ, ə́ kpəlaɓomun və kɛi hɔlɔɓo, Gáá pai ə́ kɔ́wɔ vilɛn gwɛniɠaa kɛi a kwɛni mąąpɛ̨ɛ̨ɠaa, gɛ́ ə́ kɔ́wɔ hvilɛn Kúwɔ́-kwɛni mɛ̨i,

Bible

¹¹ Yâwɛɛ a m̀ôi ǹyɛɛi, “Óo Zerusâlɛŋ taa-leei, yái pɔ̂ri mâa fé yɛ̂, íkɛ mɔ̃lɛi, nyii núu da fé naa é íŋa-nɛnɛi, ŋa pâi íkpôŋ seêi sãai kɛ̂i a kɔni sɔ̃ɔ kpanaŋɔɔ-ŋa.

Azaya 54:11 ပူးပေါင်းရင်းမြစ်များ

Tɔɔɓɛlaa dɔlɔɔ 5:17

«Ə́ kili kaa ɉu, yɛ́ kɛ, ną́n Davidə hvo pɛli li pɛlɛ́ tɔɔi Yai-Laa ɓa, yai a nwɔ Yálá; mąąhɔlɔɓo, ɲowoɠaa ŋɛ̨i kɛ gwɛlɛ, di kɛi kɔ́ hee mą a yələ kəlee. Kɛlaa, ə mą kɛ tii, Yai-Laa ə ɲee tɛɛ ɲowoɠaa diɛ, ə di too gɔwɔ mu.

Tɔɔɓɛlaa dɔlɔɔ 6:30

Bɛlɛ́ ɉu pələ nɔi ɓa da ɲɛnɛ̨ɛ̨ pələ, ə hɛni yá hiɛ nąą kəlee.

Kɔlɔnikɔ Maa-ŋuŋ 29:2

Ŋą́ą́ tɔɔ kpɔ a nwąnąi, ŋą́ą́ Ną́mu Yálá nwɔ pɛlɛ́i tɔɔ hɛnŋąą ŋąąkpɔn; hɛni, a yii mąąnɛ̨ɛ̨ a hɛni, wali, a yii mąąnɛ̨ɛ̨ a wali, ɓala kwɛli, a yii mąąnɛ̨ɛ̨ a ɓala kwɛli, wulu, a yii mąąnɛ̨ɛ̨ a wulu, kwɛli kpəlee, a yii mąąnɛ̨ɛ̨ a kwɛli kpəlee; kuwɔ-kwɛni lɛlɛɛɠaa: onisə. Kwɛni lɛlɛɛ huwu tamąą, daɠaa tɛɠiɛɛ, kwɛni kwɛlɛɛ huwu tamąą; ŋą́ą́ ɉɛnŋąą tii kwɛli kpɔ kɛnɛ̨.

Kɔlɔnikɔ Veerɛi 3:6

Ə mąą yili a kuwɔ-kwɛni lɛlɛɛɠaa, ɉɛnii tii ə kɛ a Parwaimə hɛni.

Zôo 28:16

Ofirə hɛni lɛlɛ yee hvo həli li bɔ, ə mą nwɔ̨nɔ̨ kɛ onisə kwɛni da kúwɔ́-kwɛni.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Lɛɛ gbɔwɔ ɓa 2:23

Kwɛlan damąą kulaa ɉu, Eziptə tɔɔmun ə haa. Kɛlaa ə mą kɛ tii, Israɛlə lonnii di kɛli lɔ mɔ̨nɔ̨ mįi nuwɔlaa hu, diɛ wɔlɔ. Di wɔlɔ woo ə həli Yálá ɓa.

Lɛɛ gbɔwɔ ɓa 24:10

Di Israɛlə nwɔ Yálái kaa, gɔwɔ mu ə kɛi lən yɛ da diamąn pɛlɛ laa, dɛɠiɛ yɛ yələkɔlɔn.

Lɛɛ gbɔwɔ ɓa 3:2

Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Wɛli 5:14

Ɲee miliin gaa yɛ hɛni kwɛli a kɛ nu yee ɓa. Mąą puɔ a yái kwɛni kwɛlɛɛ. Gbini yɛ kpɔlu yɛ hə́lə́ ɲin, daa safirə kwɛni pɛlɛ gɔlɔ ɓa.

Azaya 14:32

Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Azaya 49:14

Siɔn ə kɛi kɛ diɛ: «Yai-Laa aa ɲee kulɔ mú, Ną́mu aa lɛ̨ą mą́ą́.»

Azaya 51:21

'Ə́ wəli tɔɔ kani mɛ̨nįi ŋɛ̨i ɓa mąąwɛli nɛ̨ɛ̨nu, ə́ ɓo yɛ lɔɔ-hon, ɛlɛɛ yaan hvo lɔɔ kpələ li.

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Azaya 54:12

gáá pai ə́ mąąkpɛ pɛlɛ́ɠaa tɔɔi a hɛni, gɛ́ ə́ wɔ kponŋąąi kɛ a kwɛnii a lən, gɛ́ ə́ mąątinɛ̨n gɛ́ doo gee hu a kwɛnii da ɉaɠa a yɛlɛ.

Azaya 54:6

Mąąhɔlɔɓo, ə́ kaa yɛ nɛ̨ɛ̨nui nu hvo mą, mąąwɛliɛ, Yai-Laa kaa pənəi yɛ ə́ təli, yɛ kɛ diɛ: «Nu hva pɛli gili kulɔi nąŋą yələ nɛ̨ɛ̨nu hu.»

Azaya 60:15

Yɛ́i tii kɛ daa ɓo yɛ́, daa ə́ too, ə́ wɛli kpɛɛ nuą diɛ, nu hvo kɛ yɛ́, gáá pai ə́ kɛi a ɲɛ̨i pɔ̨nɔ̨ hɛn, yələ kəlee mɛ̨nį, ŋį́ ə́ kɛ a kwɛlan gəlee nwɔ kwəinɛ̨ɛ̨.

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Izikiɛ 1:26

Ɲələkɔlɔn tii kɛ di nwun mɛ̨i yili mɛ̨i pələ, kwɛni huwu lɛlɛɛ ta ə kɛ laa; ə ɓo yɛ tɔɔ kpəli gɛ pələ, dɔɔ kpəlin gulɔ mąą mɛ̨i, nu kulɔ mąą ə kɛ laa ɲɛ̨ilai ə ɓo yɛ nu, ə ɓo kpɔ ɲələi pələ ləɠə-ləɠə.

Izikiɛ 10:1

Dulɔ kpinįn tii kɛ mąąkpɛ malakaɠaa nwun mɛ̨i, ŋą́ nąą kaa, hɛn da ə kɛ laa yɛ Kúwɔ́-kwɛni kɛ pələ; hɛn da ə ɓo yɛ tɔɔkpəlin gɛ pələ.

Mise 7:11

Ɲələi di kaa pai pənəi diɛ ə́ mąąkpɛ hįįɠaa tɔɔ la, mąą yələ, da ə́ wɔ lɔi ɲɛ̨n gulɔ bulu.

Maafîu 8:24

Di lɛɛ lɔ lii, tulɔ hvaŋą ta ə muhəɠə; gələn yɛ gɛ takpa-takpa, ya yɛ tɛ ɉu; nąąlɔwai Jesus ə kɛi yii.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.