Azaya 53:2 - Yálá laawoo hɛɓɛ (dc)

² Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Yálá laawoo hɛɓɛ

² Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Bible

² Yâwɛɛ ƃé gɛ̀ ŋɔtíi kɛ́-nuui kɛ́ ƃûu ƃò yɛ̂ɛ sí-sɛŋ ƃé lɔii lɛ́lɛɛ ma. Gbɛtɛ-pêre fé kɛ́ ní sɛŋ nyii núu a gàa, ǹíi mu é síɣe m̀ɛni ma. Sɛŋ da fé kɛ́ ní m̀a nyíi a pɔ̂ri núu da líi kulâi.

Azaya 53:2 ပူးပေါင်းရင်းမြစ်များ

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 52:14

Gɛ pələ ə nuą mąąɲɔw, mąąhɔlɔɓo, ɲɛ̨ilai hvo kɛa kɛ kulɔ li nu ɓa, ɲɛ̨ilai ɉee pələ ɲɔ̨nwɔ̨ pələ ɓa.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Markə 6:3

Akɛti, Mari lon ŋɛ̨i a nwulu haɠa mun ya hvə li mɔ̨ɔ̨? Kɛlɛi nəɠəni ɓaa a: Ɉakə, Ɉosɛsə, Ɉudə da Simɔn? Akɛti, mąąhalani di hvo mɔ̨ɔ̨ ɓɛ ka gu lɔwai?» Di wɔ kiliŋąhiɛɠaa kɛ pələi tii ɓə gɛ di hvo laa na.

Markə 9:12

Ə di woo pulu pənə, yɛ diɛ: «Mąąnɛ̨ɛ̨ kpɔ Eli ə gbɛa pa, ə mɛ̨nįɠaa kəlee hee gbanɲą. Kɛlaa, lə mɛ̨nį ɓa, Yálá laawoo hɛɓɛ́ ə mo nwɔ̨nɔ̨, yɛ diɛ: ‹Nu Lon kaa pai mɔ̨nɔ̨ mį́i, nwɛli ə kpɛɛ nuą diɛ?›

Lukə 2:7

ə non dɔlɔɔ kaa a hulɔnu. Ə mąą kpinįn gɛ a həɠə, ə naa ɓɛi daatɛlɛɛɠaa di kɛi di laa mį́i laa. Mąąhɔlɔɓo, di hvo laai hɔlɔɓo nwɛ̨ąą laa pɛlɛ mu.

Lukə 9:58

Jesus yɛ mą: «Kɛlɛnŋąa lɔ wolo kaa di yəi, ə mą kɛ, nwɛ̨niɠaa taa kaa di yəi, kɛlaa, kɛɛnąą ta hvo kpɛli ɲą́ą́ ŋɛ̨i a Nu Lon ɲə́i, ɓɛi ŋą vįitɔɔlaa.»

Ɉaan 18:40

Di kəlee di tómą kpɔ a di woo kɛnɛ̨ɛ̨ diɛ mą: «Kpaa! Ya hvəə ku kaa bɔ. Barabasə ɓə ku kaa bɔ.» Yaan, Barabasə ŋɛ̨i di kɛi vaa ɓo, ə kɛ a too mɛ̨i kɛmun.

Ɉaan 19:5

Di kulɔ a Jesus ɲɛ̨nɛ̨ɛ̨, ɲąąlən gálán ɉeɛ nwun ma, mɛlɛkpɛɛmąą hələi tii yɛ ɓo gwaną. Pilatə yɛ diɛ: «Nu kpɔ ka.»

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Piɛrə dɔlɔɔ 2:14

yɛ ə kɛ a gbahalanąmą, yai ə ɉee ká nwun na, mɛ̨nį ɲɔ̨n ɉutɔɔ mɛ̨nį ɓa, yɛ mɛ̨nį lɛlɛɛ kɛ nuą mąątɛ̨nɛ̨.