Azaya 52:4 - Yálá laawoo hɛɓɛ (dc)

⁴ Mąąhɔlɔɓo, yii kpɔ Ną́mu Yai-Laa kaa moi ya Ka: Gɔɔ tɔɔi lɔwai, Eziptə ɓə nwɔ nu huwui ə li laa mąąkilɛ pələi, ɲąąkpɛɛi lɔwai, Asiri ɓə kɛa naa nɔ̨nwɔ̨ ɓo.

Yálá laawoo hɛɓɛ

⁴ Mąąhɔlɔɓo, yii kpɔ Ną́mu Yai-Laa kaa moi ya Ka: Gɔɔ tɔɔi lɔwai, Eziptə ɓə nwɔ nu huwui ə li laa mąąkilɛ pələi, ɲąąkpɛɛi lɔwai, Asiri ɓə kɛa naa nɔ̨nwɔ̨ ɓo.

Bible

⁴ Ká lì Ize lɔii su kákɛ ƃò naa a ŋɔ̃́ya-ŋa. Asiria-ŋai dífe sɛŋ da kpɛ̀ɛ ní kámɛni ma. Ká kɛ̀ naa, díkɛ kálùaŋ.

Azaya 52:4 ပူးပေါင်းရင်းမြစ်များ

Zɛnɛse 46:6

Hɛn kpɔ di ɉɔlɔɓo Kanaan lɔi hu, ə mą kɛ, daatɛlɛɛɠaa kəlee, di gəlee həɠə di li la Eziptə.

Zɛnɛse 46:7

Bələ ɓə Ɉakɔbə da ŋį nu huwui kəlee di li la, di hee Eziptə, yaa, nonnii, ə mą kɛ mąnįn kəlee.

Zôo 2:3

Yai-Laa ə mąąnikɛ, yɛ mą: «Ə́ nwɔ́ tímun Ɉobə kaa? Ɲɔ̨wɔ̨mąn və lɔi mɛ̨i; gaa a nui dúwɔ pələ lɛlɛɛ, ɉaŋąą, yɛ ɲɔw Yálá ɓa, yɛ mąą kwɛa mɛ̨nį ɲɔ̨n dɔwɔ. Aa tɔɔ kpąąn nwɔ túwɔ́ pələ lɛlɛ laa hu, kpɛli kpɔ ka ti ə́ gɛ, ə gɛ, ŋį́ mɛ̨nį nwąnąą laa mą.»

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Mąątɛ̨nɛ̨ 44:12

Yáá ku tɛɛ, yɛ ɓɛlaa lonnii, yáá ku taɠa taɠa lɔiɠaa hu.

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›