Azaya 52:12 - Yálá laawoo hɛɓɛ (dc)

¹² Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Yálá laawoo hɛɓɛ

¹² Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Bible

¹² Káfe pâi kulâi naa a kîrɛ lônii ma, kpaa máŋ ká kɔ́ a gɛ́ɛ ká pú. Káɣâlai Yâwɛɛ a pâi tɔɔ̂i kátuɛ. Eezuɛ Ŋɔɣâlai ǹyaa kpîŋ a pâi kámɛi kâai.

Azaya 52:12 ပူးပေါင်းရင်းမြစ်များ

Kɔlɔnikɔ Maa-ŋuŋ 14:15

Ɓɛlɔwai ə́ kaa pai nu kɔ́wɔ mu tín mɛ̨n ɉii la nwuluɠaa tonna, nąąlɔwai ɓə, yá kulɔ la, ə́ pɛlɛ diɛ. Mąąhɔlɔɓo, Yálá a kɛ kɛa hvilɛn ni ə́ tɔwɔ, yɛ Filisti nuą di wɔ kɔlaɠai huwolo.»

Lɛɛ gbɔwɔ ɓa 12:11

Bələi ka káá pai mįi la, bələ ka; ka kɛi mįi, nu kəlee a yala tɔɔ ɉąą, ka kɔlɔ lɔ ka kɔ́wɔ ŋą, hiɛ tunwɔ̨n ɉon ŋąą ka yee pɔ ka mįi a mąąhulaa. «Yili ɓə pai kɛi a Yai-Laa nwɔ pakə hɛli.

Lɛɛ gbɔwɔ ɓa 12:33

Eziptə nuą di Israɛlə lonnii mąąwələən di kulɔ mɛ̨nį ɓa nɔi, mąąhɔlɔɓo di kɛi kɛ diɛ: «Ku kəlee ku kaa pai haai!»

Lɛɛ gbɔwɔ ɓa 12:39

Nɛɠɛ kpɔlɔi ti kɛ di yəi diɛ həɠə la Eziptə lɔi hu, di kɛi kɛa bɛli bələ ɓa a nwɔ̨nmii. Mąąhɔlɔɓo, di hvo lɛɛ laa hvo tɛ. Ɓɛlɔwai di di kpɛ la Eziptə lɔi hu, di hvo pɛli bələ pɔ kɔ̨nɔ̨n ɉəɠəi.

Lɛɛ gbɔwɔ ɓa 14:8

Yai-Laa ə Eziptə tɔɔmun gili walawala, ə həɠə ə hvilɛn Israɛlə lonni pulu. Yaan, Israɛlə lonnii kɛɛ kulɔi Eziptə lɔi hu, di hvo pu.

Azaya 26:7

tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 45:2

Ɲą́ą́ gbinįi, gáá pai kɛi hiɛi ə́ ɲɛ̨i tɔwɔ, gɛ́ gbu-kpuɠaa mąą yɛɛ, gɛ́ gwɛli kponŋąą hu yali, gɛ́ bɛlɛ́ laa kpulu kwɛliɠaa hu yali yali.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 49:11

Gáá pai pələ laai yee kəlee nwuɔ̨, diɛ bələ lɔwaaɠaa laa hvɛɛ mą́ą́ mɛ̨nį ɓa.

Azaya 51:14

Nui kɛ tooni a hviikpɛɛ, ya ka muhəɠəi, hvo pai haai, kámą nwɔ mɛ̨nį hvo mą, ɛlɛɛ, hvo pai hvɛɠɛi kɔ̨nɔ̨n ɉu.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Azaya 58:8

Ya gɛ tii, ə́ wɔ kɛɛ pɔ̨nɔ̨i a ɓɛla yɛ yələ ɓɔɔ nįnɛ̨, ɛlɛɛ, yɛ́ pu ə́ nįnɛ̨ kɔ́lɔi a mąą hulaa, ə́ wɔ tələnmolaa kaa pai kɛ hiɛi ə́ ɲɛ̨i tɔwɔ, Yai-Laa nwɔ mąąwiɛ yɛ ə́ mąą kpɛ ə́ pulu pələ.

Mise 2:13

Nui wolo ɓɔ daa mąąkpɛ hį́í ɓa, aa tɛɛ di ɲɛ̨i tɔwɔ, daa wolo ɓɔ ɉį́i ɓa, daa tɛɛ a pɛlɛ́ laaləi tɔ̨nɔ̨, daa kulɔ nąą bələ, di wɔ tɔɔmun aa tɛɛ di ɲɛ̨i tɔwɔ, Yai-Laa ɓə di nwun na.

Lonon mo 10:25

Nuąi lɛɛ a nu gbəliɠaa, diɛ ɓaa Dan lonnii di wɔ kɔlaɠai, nui kɛ gɔ́laɠai tii ɲɛ̨itɔwɔ, ya ɓaa Amisadai lon Ahiezɛrə.

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Dutɛrɔnome 20:4

Mąąhɔlɔɓo, Yai-Laa ka wɔ Yálái ɓə vilɛn ŋąą ka tɔwɔ, yɛ gɔ́ kɔ́ da ka yowoɠaa, yɛ kpɔnmąą tɛɛ ka pɔ.»

Zasua 4:11

Ɓɛlɔwai nuą kəlee di ɲá teen na, ɉaláá laa həli nuą di tɛɛ nuą tɔwɔ a mįnɛ̨ kəhi.

Zasua 6:9

Kɔ́kuláá taɠaa di tɔɔ ɉaláá laa həli nuą ŋɛ̨i kɛi mɛlaa mįnɛ̨ hvɛɛ di tɔwɔ, daɠaa di lɛɛ mįnɛ̨ kəhi pulu, diɛ li, diɛ mɛlaa mįnɛ̨ hvɛɛ.

Nwun mąąɓo 4:14

Debora yɛ Barakə ɓa: «'Ə́ muhəɠə, volói Yai-Laa aa Sisera lɔ la ə́ yee ŋą, voló ka. A tɛ̨ą, Yai-Laa kaa pai kɛi ə́ tɔwɔ.» Barakə ə Tabɔrə yee yɛɛ, nu waa pow hvilɛnŋaa bulu.