Azaya 52:10 - Yálá laawoo hɛɓɛ (dc)

¹⁰ Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Yálá laawoo hɛɓɛ

¹⁰ Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Bible

¹⁰ Yâwɛɛ a pâi tíi kɛ̂i a ŋɔwála-wala laa maa waai, é ŋɔnûai ŋuŋ ma ƃó, ŋ̀éniɛi gwaa kélee su-ƃelai dí ǹaa káa.

Azaya 52:10 ပူးပေါင်းရင်းမြစ်များ

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 33:13

Kaai tii kwɛaa la, ka ka wəli tɔɔ yii ŋį́ gɛ mą; kaai ka mąąkpua, 'ka nwɔ́ huwalawala kɔ́lɔn.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Azaya 63:5

Ŋą́ ɲɛ̨i laa, və́ mą́ą́ kpɔn mąąɓomun gaa! Ŋį́ nwóó laa, nu hvo tɔɔ búlú. Yili ɓa, ɲéé lɔ ɓə kɛa mą́ą́ kɔ̨nwɔ̨, ɛlɛɛ, nwɔ́ líiholi lɔ ɓə tɔɔ búlú.

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Lukə 2:30

Hvó gaai, ɲɛ̨́i aa tɔɔ ɓalomun ma,

Lukə 3:6

Yálá nwɔ nwun mąąɓo laa yii aa dɛɛ, nu kəlee kaa pai gaai.»

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

Zasua 4:24

Ə yili kɛ tii, ə gɛ, nu kəlee di gɔlɔn diɛ Yai-Laa ɓə ɲee wala-walaa, ə lɛɛ ka ɲɔw mą, yai gaa a Yai-Laa ka wɔ Yálá a yələ kəlee.»

M̀ɛni-lɛɛi 14:6

Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»