Azaya 51:4 - Yálá laawoo hɛɓɛ (dc)

⁴ 'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Yálá laawoo hɛɓɛ

⁴ 'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Bible

⁴ “Ka káwoli tɔ́ɔ ḿâ, ŋánûa. Ka ŋ́oo mɛni, lɔii-ŋuŋ. Ŋa pâi ŋátɔ̂ŋ tɛɛ̂i ǹɔii-ŋuŋ-ŋai pɔ́, ŋátɔ̃yâ mɛni ŋá-teɛɛi kɛ́ ƃò a kwaa ponoɔɔ dímɛni ma.

Azaya 51:4 ပူးပေါင်းရင်းမြစ်များ

Mąątɛ̨nɛ̨ 106:5

Gɛ́ pɛli ə́ liiɓa nuą di wɔ nwun na nɛ̨ɛ̨i kaai, Ə́ gwə́inɛ̨ɛ̨ nwɔ́ nu huwui nwɔ kwəinɛ̨ɛ̨ hu, gɛ́ nwɔ́ɔ́ hɔlɔɓo ə́ kwɛlin nwɔ ɲɛ̨i ponoi hu.

Mąątɛ̨nɛ̨ 147:20

Hvo ta lɔi ta lɔpee hon ni tii, dai lɔpee hvo ta nwɔ tíɓoɠaai kɔ́lɔn ni. 'Kánikookwəi!

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Mąątɛ̨nɛ̨ 50:7

Nwɔ́ nu huwui! 'Ka ka wəli tɔɔ, gáá mɛ̨nį ɓoi, Israɛlə, gáá ə́ hɔn moi; «ɲą́ą́ ɓə gaa a Yálá, ə́ wɔ Yálá ɓaa a Ɲą́ą́!»

Mąątɛ̨nɛ̨ 78:1

Asafə nwɔ nu mąąkwɛli wələ. 'Ŋą́ nu huwu, 'ə́ wəli tɔɔ nwɔ́ tɔ́n nwooi ɓa, 'ə́ wəli tɔɔ nwooɠaai kulɔi ná, ə too ə́ wəlii.

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Lɛɛ gbɔwɔ ɓa 33:13

Yii hu, akɛ ŋą́ą́ ə́ líí hon a neelee, mɛ̨nįi ə́ kaa bɔ, nɛ mą́ą́, əgɛ, ŋą́ ə́ kɔ́lɔn a neelee, yá gɛ ti, akɛti ŋą́ą́ Ə́ líí hon gbɔ a tɛ̨ą; Ɛlɛɛ, Ə́ nu huwui ŋɛ̨i kaa a Yɛ́ nu huwu.»

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Azaya 1:27

Mɛ̨nį haŋąą kaa pai Siɔn taa nwun mąąɓoi, ɉu hee ɓo nuą di di pulu tɔɔ mɛ̨nį ɲɔ̨n ma, diɛ mɛ̨nį haŋąą kɛ.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 26:2

Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 42:21

Yai-Laa ə hvaa tii mą, mąąhɔlɔɓo, dələnmoɔi, yɛ nwɔ tɔ́n laa tɛ, yɛ ɲɛ̨i pɔ̨nɔ̨.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 63:8

Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Korɛntə dɔlɔɔ 9:21

Nuąi di hvo Moisə nwɔ tɔ́n yee mu, ŋį́ kɛ yɛ di pɔ, yɛ ŋą́ wala kɛ tɔn yee mu, yá pa, gáá Yálá ŋą́ tɔn yee mu; hvo gaai, Kristə ɓə a nwɔ́ tɔn, ə gɛ, gɛ́ pɛli nuąi di hvo tɔn mu, di hɔlɔɓoi a Kristə nwɔɔ.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,