Azaya 51:19 - Yálá laawoo hɛɓɛ (dc)

¹⁹ Mɔ̨nɔ̨ hveelɛi daa laa ə́ mɛ̨i, gbɛɛ ɓə pai ə́ wɔ woo laa kɛi? Kɛɛ kalaa da hukala ɓo, pulu da kɔ́ kɔ́ ɓɔwa; gbɛɛ ɓə pai ə́ kpəla ɓoi?

Yálá laawoo hɛɓɛ

¹⁹ Mɔ̨nɔ̨ hveelɛi daa laa ə́ mɛ̨i, gbɛɛ ɓə pai ə́ wɔ woo laa kɛi? Kɛɛ kalaa da hukala ɓo, pulu da kɔ́ kɔ́ ɓɔwa; gbɛɛ ɓə pai ə́ kpəla ɓoi?

Bible

¹⁹ Mɛni kpɔ̂lu seɛ́ɛ gîe mɛi feerɛ ŋánaa a láa kâa. Kɔ́ a kálɔii su kara, puru kɛ́ kápàa, Kámalôŋ káa nuu da fé ŋɔ́nɔ ma.

Azaya 51:19 ပူးပေါင်းရင်းမြစ်များ

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Zôo 42:11

Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Azaya 14:30

Mąąwɛli nuą kaa pai di laa mįi hɔlɔɓoi, yeehowolo nuą diɛ yɛnɛ̨ɛ̨ kɛ liilaa hu. Kɛlaa ə́ wɛi, ŋą́ ə́ hamu paa a pulu, ə́ kpəlii a lɛɛ, ŋį́ yili paa.

Azaya 22:4

Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Azaya 54:11

Yɛ́i kɛ ə́ mąąwɛliɛ, diɛ ə́ hviɛ hviɛ tɔɔ, ə́ kpəlaɓomun və kɛi hɔlɔɓo, Gáá pai ə́ kɔ́wɔ vilɛn gwɛniɠaa kɛi a kwɛni mąąpɛ̨ɛ̨ɠaa, gɛ́ ə́ kɔ́wɔ hvilɛn Kúwɔ́-kwɛni mɛ̨i,

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Azaya 9:20

Manase a wolo Ɛfraimə ɓa, Ɛfraimə ə wolo Manase ɓa, ɉuwu hee hveelɛi tii da di muhəɠə di wolo Ɉuda ɓa, Kɛlaa ə mą kɛ tii, Yálá nwɔ liiɲąnwąną hvo pai kpɛla li bələi, gaa lɔ pai kɛi ni a ɲee haŋąą di pɔ, yɛ haŋą diɛ.

Ɉeremi 15:5

«Ɉerusalɛmə! Gbɛɛ ɓə pai ə́ mąąwɛli kaai? Gbɛɛ ə́ mąą liihɛlɛn gaa mą? Gbɛɛ wolo kpɔ ɓə tii nwoo laai ə́ mąą mɛ̨nį ɓai; yɛ tɔɔ, yɛ ə́ kɛ pələ gɛɛ mąąni kɛ?»

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 3:47

Ku wɛi aa lɛɛ a ɲɔw da hulowaɓo, a ku mąą kpoloonŋaa, da kɛɛ kalaa kuɔ.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Nahumə 3:7

Yili mąą mɛ̨nį ɓa, nui lɔpee pai ə́ kaa, gaa pai pui, yɛ tómą yɛ kɛ diɛ: «Daa Ninivə pu! Gbɛɛ wolo ɓə pai ɲɛ̨imąąwɛli kaai?» Mįnɛ̨ ɓə ŋą pɛli ə́ kpəla ɓo nuą kaai laa?

Korɛntə veelɛ 7:13

Yili ɓə ku liilaa, niilaa mɛ̨nįi tii a həɠə laa, ku kwəi ə nɛ̨ɛ̨ nwɔ̨nɔ̨, a Titə kwəinɛ̨ɛ̨i ká mo, mąąhɔlɔɓo, ká niilaa, ká nįilɔ kpɔ kɛnɛ̨.