Azaya 51:18 - Yálá laawoo hɛɓɛ (dc)

¹⁸ Non kpɔ ə gaa, da hvo kɛa laa, yɛ pɛli lii a yaa, yɛ kpələ wɛli kulɔ mą, non kpɔ ə gulɔ ɉu, da lɔpee hvo laa, yɛ pɛli ɉon ɉii a ɲee.

Yálá laawoo hɛɓɛ

¹⁸ Non kpɔ ə gaa, da hvo kɛa laa, yɛ pɛli lii a yaa, yɛ kpələ wɛli kulɔ mą, non kpɔ ə gulɔ ɉu, da lɔpee hvo laa, yɛ pɛli ɉon ɉii a ɲee.

Bible

¹⁸ Kálaa túɛ-nuu fé ma é káteniŋ tɔ́ɔ. Núu da fé kásama é sía a káa. Kálônii-sinaai ká dímaa sɔlɔ ƃoi, da fé dísama é káyee sóŋ, é sía a káa.

Azaya 51:18 ပူးပေါင်းရင်းမြစ်များ

Zôo 8:20

Yálá hva wɛli kpɛɛ mąą laa kulɔ a nu haŋąą. Hva kpɔmąą tɛɛ mɛ̨nį ɲɔ̨n gɛ mun bɔ.

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Mąątɛ̨nɛ̨ 88:18

Yələ kəlee, mą́ą́ tinɛ̨n ŋąąi lɔ a mąąɲɔw hɛnŋaa, di kaa yɛ yáhvɛɛ, daa mą́ą́ tinɛ̨n, daa doo gee hu.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Azaya 49:21

Nąąlɔwai, ə́ kaa pai kɛi ə́ kpɔwɔ mąąni kɛi, yɛ́ kɛ diɛ: «Kwa gbɛɛ ɓə yiiɠaai kaa? Ɲą́ą́i lon və kɛa kɛ mą́ą́, ŋį́ ɓo a kpomąnɛą, daa kɛ gúlɔ lɔwɛi, ŋį́ ɓo luwɔlaa hu, gbɛɛ ɓə yiiɠaai kulɔ ɉu? Ŋį́ kɛ dɔ́nɔ́ kon ɉu, yiiɠaai di kɛ mį?»

Azaya 54:11

Yɛ́i kɛ ə́ mąąwɛliɛ, diɛ ə́ hviɛ hviɛ tɔɔ, ə́ kpəlaɓomun və kɛi hɔlɔɓo, Gáá pai ə́ kɔ́wɔ vilɛn gwɛniɠaa kɛi a kwɛni mąąpɛ̨ɛ̨ɠaa, gɛ́ ə́ kɔ́wɔ hvilɛn Kúwɔ́-kwɛni mɛ̨i,

Ɉeremi 10:20

Daa nwɔ pɛlɛ́i pu, daa bɛlɛ hɔlɔɔn gəlee kulɔ, nónnii-o nwɔ́ taatɛlɛɛɠaai-o, dɔ̨nɔ̨ kpɛli hvo kɛa laa; nu hvo mą́ą́, hvo nwɔ́ pɛlɛ́i tɔɔ; hvo nwɔ taa kɔ́wɔ hvilɛn!

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Izikiɛ 34:6

Nwɔ taatɛlɛɛ kpului kaa lɔ lii nwun ma, ɲeeɠaa kəlee nwuɔ̨; yee kpu kpu kəlee nwuɔ̨. Nwɔ taatɛlɛɛ kpului hu a taɠa nɔi kɔ́lɔ kəlee, ɛlɛɛ, nu hvo mą, yɛ di kwɛli; nu hvo mą, yɛ hvilɛn di pulu.

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Markə 8:23

Jesus ə́ ɲɛ̨ipumun tii hon a ɲee, ə kulɔ la taai. Ə nɛaya pu ɲɛ̨i, ə ɲee laa mɛ̨i, yɛ mą: «Ə kaa kɛɛ kaai?»

Gɛlaɠaa 13:11

Yiihu kɛa, Ną́mu Yálá yee kaa ə́ mɛ̨i, ə́ ɲɛ̨i pu hiɛ ka, ɛlɛɛ, yíikuu hveelɛ yee mu, hvó kɛa pai hvóló kaai. Ɲąąɓa, Elimasə ɲɛ̨i ə nɛɛmą ə pu; yɛ tínɛ̨n, yɛ nu kwɛli mą, əgɛ, ə dənən dɔɔ.

Gɛlaɠaa 9:8

Solə ə haŋąn ə tɔɔ, ə ɲɛ̨ilaaɓo, kɛlaa hvo kɛa pɛli kɛɛ kaai, hvo kɛli di ɉon a ɲee diɛ tɛ la Damasə.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.