Azaya 51:13 - Yálá laawoo hɛɓɛ (dc)

¹³ Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Yálá laawoo hɛɓɛ

¹³ Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Bible

¹³ Ya nia íkpɛtɛ nuui Yâwɛɛ ma íkɛ̀-ɣéniɛi su. Ǹyaa ƃé ŋ̀elei kpɛ̂tɛ, é ǹɔii zônoŋ su kɔni-ŋai lâa ǹâai. Lé ƃé yao káa nɔ́ la kákɔlɔi kákpɔara-ƃelai mɛ̂ni ma nyíi-ŋai díkpîŋ kpɛtɛɛi a gɛ́ɛ dí kásu-karai? Dílii ŋwânai fé pâi sɛŋ da kɛ̂i a kâa.

Azaya 51:13 ပူးပေါင်းရင်းမြစ်များ

Zôo 37:18

Yá pɛli ə́ yee haŋąi yɛ́ tulɔ kpinįn ɉiɛ voló ɲɛ̨i nąąlɔwai, yɛ da kɛi kwɛli ɓɛla hiɛ ɲɛ̨i?

Zôo 9:8

Yaa tɔ́nɔ̨ ɓə yələkɔlɔn bɛli, yɛ hiɛ gboloyá mɛ̨i.

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 106:13

Ɉu hvo kpɛli kwɛa, daa mą lɛ̨ą gɛ mɛ̨nįɠaa diɛ, mɛ̨nįi kɛ gwəi, di hvo naa kulɔi mąąkpɔn ni.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 14:4

ya nwələi ŋɛ̨i too a Babilonə tɔɔmun naa, yɛ kɛ mą: Nuą mɔ̨nɔ̨ ɓomun tii nwɔ yɛnɛ̨ɛ̨ laa ə kulɔ pələ kɛ ləi yoo? Nwɔ ɲɛ̨itɛlaai ə kulɔ pələ kɛ ləi ɲəi yoo?

Azaya 16:4

Moabə nuąi di mąąkilɛi, di pɛli heei ə́ kɔ́wɔ mɛ̨i, 'kɛ a di mąąkilɛ pɛlɛ, nɔi hu kalamun ŋɛ̨i tɔwɔ. Nwɛ̨ą mɛ̨nį ə kpɛɛ, nɔi hu kalamun ə həɠə laa, nuąi hee ku mɛ̨i di kulɔi nɔi.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Azaya 40:21

Ka hvo yili kpaɠala kɔ́lɔn, ka hvo ta bələ mɛ̨n ni, di hvo ɉukulɔ kaa a gɔwɔ tɔɔ yələ, ka hvo nii lɔi kɔ́wɔ hvilɛn ɉɛnŋąą kaa li?

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 48:13

Teą li, ɲą́ą́ ɓə lɔi pɛli, má mįi yee ɓə yələkɔlɔn naa, ŋį́ di təli, di kəlee daa mą pa a gee.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Azaya 7:4

ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Ɉeremi 38:19

Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Ɉeremi 41:18

Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Ɉeremi 51:15

Ya ɓə lɔi pɛli a nwɔ huwalawala, ə yɛnɛ̨ɛ̨ hee kpəlin na kɛ a kilikɛɲəi, ə yələkɔ́lɔn ɉu lɛan a nwɔ mɛ̨nį kɔ́lɔnŋąą,

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Danîa 3:18

Akɛ yili hvəi, Oo tɔmun! Laa na yɛ́ diɛ, ku hvo pai gɛi, ku hvo kwɛli hvilɛn ə́ wɔ yáláɠaai diɛ, ku hvo mąąwiɛ tɛɛi ə́ wɔ mąąnįnįn ɉaɠaai pɔ.»

Danîa 3:19

Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Korɛntə dɔlɔɔ 1:20

Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Korɛntə dɔlɔɔ 15:55

«Haa! Ə́ wɔ yeetɛɛmąąlaa kaa kɛa mį? Haa! Ə́ təli kaa mi?»

Dutɛrɔnome 32:18

«Ee, Israɛlə! Gwɛnii ŋɛ̨i ə́ mɛ̨i kaai yáá lɛ̨ą mą. A yaai ə́ kɛ yɛnɛ̨ɛ̨! Yálái ŋɛ̨i yɛnɛ̨ɛ̨ tɛɛ ə́ pɔ yáá mąą mɛ̨nį viikpɛɛ kulɔ!»

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 8:11

Ka gɛ a nɛlɛɛ, ka hvo lɛ̨ą Yai-Laa ka wɔ Yálái ɓa, ka hvo nwɔ tɔ́n da nwɔ lɔi hu yíi ɓo pələɠaa lɛɛ; diɛi gáá di tɛɛi ka pɔ háákələi.

Hebreu 11:15

ɛlɛɛ, akɛ ɓɛi di həɠə laa nąą kili ə lɛɛ di ɲą, də li kɛ pənə di pulu.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 20:9

Di kaa pai lɔi mɛ̨i kəlee kpɛɛi mą, di nu mąąhəɠɛɛɠaa heei mąątínɛ̨n, da nwɛlikɛmąą taa kɛnɛ̨i. Kɛlaa, nwɔ̨n da kaa pai kulɔi yələi, ə di kələn.