Azaya 50:6 - Yálá laawoo hɛɓɛ (dc)

⁶ Nuąi kɛi gɛ́lɛ ŋą́ ɉeą lɛ diɛ, Nuąi kɛi gbɛ́lɛ kulɔ a ɉamu, ŋį́ nɛ̨́ŋɛ̨n nɛɛ di yəi, nuąi kɛi nálan, diɛ di laayá pili ɲɛ̨́i, və́ ɲɛ̨́i kulɔ di laa mu.

Yálá laawoo hɛɓɛ

⁶ Nuąi kɛi gɛ́lɛ ŋą́ ɉeą lɛ diɛ, Nuąi kɛi gbɛ́lɛ kulɔ a ɉamu, ŋį́ nɛ̨́ŋɛ̨n nɛɛ di yəi, nuąi kɛi nálan, diɛ di laayá pili ɲɛ̨́i, və́ ɲɛ̨́i kulɔ di laa mu.

Bible

⁶ Fé kɔ́ ní diai pɔ́ kɛ̀ ńokwâi. Dí ńa-leɣa wèyeŋ dí ńarâŋ, dí dílâya pú ŋ́ɛi. Dí kɛ̀ dílâya pûi ŋ́ɛi, díkɛ ɣɛ́lɛ-maa kûla ŋ́gbonôi.

Azaya 50:6 ပူးပေါင်းရင်းမြစ်များ

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Zôo 16:10

Nuą diɛ di laa taɠa mą́ą́, diɛ nwə́li lɔwa a lalan, daa kpɔn di kee ɓa, diɛ pa woloi mą́ą́.

Zôo 30:10

Da gáá, diɛ di laakpan ɲali a ɲą́ą́, diɛ di mąą kwɛa mą́ą́, di mą kɛ di laayá pilii mą́ą́, di mąą hva kpɛlin.

Mąątɛ̨nɛ̨ 129:3

Kɛɛhin nuą di kɛi kɛɛhin búlu hɛ̨ą; diɛ kali pɔɔ laa laa a gbɛa-kpɛa.

Mąątɛ̨nɛ̨ 69:7

Nąmu Yai-Laa Mɛ̨nį Kəlee ŋą Hééɓomun, nuąi da di kilitɔɔ yɛ́, 'gɛ́ nwumɛ̨ hvo tɛ diɛ, mą́ą́ mɛ̨nį hu, ɛlɛɛ, nuąi da ə́ kwɛli, 'gɛ́ ɓáá hvo kulɔ diɛ, Israɛlə nwɔ Yálá.

Mąątɛ̨nɛ̨ 69:8

Ə́ mąą mɛ̨nį ɓə ŋą́ nííkpələ la lalan mu, ɲɛ̨́i mąą yɛ luwu, diɛ ɓáá kulɔ mą́ą́.

Azaya 53:5

Ya pa di mɔ a gu wɔ kulɔ nwoo mu laa laa pɔɔ, di giin gu wɔ kwɛlitee laa mąą mɛ̨nį ɓa, gɛlɛɓoi mąąnɛ̨ɛ̨ kɛ ə liilaa tɛɛ gu pɔ, ya ɓə ə həli mą, ɛlɛɛ vaɠa palaɠaai tii ɓə kɛ a gu kɔ́lɔi pɔ̨nɔ̨ hɛn.

Azaya 53:7

Di naanɔ̨nwɔ̨ ɓo, kɛlaa ə gbɔwɔ mąąyɛɛ, pələ ta hvo kulɔ na, ə kɛ yɛ ɓɛlaa lon di kaa lii baai, yɛ ɓɛlaa haai gaa nəɠa tee nuą yəi, naa pilaa lɔ kɛ, hvaa hvo kulɔ na.

Woolaa 3:30

'Ə́ nwəli lɛɛ nowa mun ɲəi, ə niikpələ lalan ɲəi.

Mise 5:1

Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Lonon mo 12:14

Nąąlɔwai, Yai-Laa ə mo Moisə ɓa, yɛ mą: «Akɛ nąn a naa ya taɠa kɛ ɲɛ̨i, nwumɛ̨ hvo li mɔ̨ɔ̨ tɛ la hvóló mɛ̨ihveelɛ yee mu? Yili ɓa tii, ka gulɔ ka lɔwai, ə hvóló mɛ̨ihveelɛ kɛ daa pulu, yili pulu, a pɛli ə pənə ə tɛ taai.»

Maafîu 26:67

Yili pulu, daɠaa diɛ di laayá taɠa ɲɛ̨ilaai, daɠaa diɛ duwɔ a di yee kpun, daɠaa diɛ nwun nowa.

Maafîu 27:26

Nąąlɔwai Pilatə ə tee Barabasə ɓa, ə Jesus tɛɛ di gɛlɛ a hvaɠa, ə dɛɛ diɛ li gbanwoi.

Maafîu 27:30

Diɛ di laayá taɠa mą, di veen gbaɠai tii kulɔ ɲəi, diɛ gɛlɛ nwuɔ̨.

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Markə 14:65

Nu taɠaa di nɛ̨ɛ̨mą diɛ di laayá taɠa ɲɛ̨i. Di ɲɛ̨i yili a həɠə ɓɛla ta, diɛ di yee kpun gɛ, diɛ gɛlɛ la; diɛ kɛ mą: «Nui ə́ kɛlɛ, naa ɓo kuɔ?» Yili pulu, holahiɠaa di Jesus hon, diɛ gbɔnwɔ̨nɔ̨n nwuɔ̨.

Markə 15:19

Yili pulu, diɛ gɛlɛ nwun ma a hveen gbaɠa, diɛ di laayá taɠa mą, diɛ pu di kpəlin na, diɛ kwəli hvilɛn mą.

Ɉaan 18:22

Moi Jesus ə mo tii, galidə tɔ̨nɔ̨ ə nwun nowa, yɛ mą: «Bələ ɓə ya ɉaláá laa həli mun gɛnɛ̨ woo pulu pənə la?»

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.