Azaya 5:29 - Yálá laawoo hɛɓɛ (dc)

²⁹ Nwoo kaa tɔɔi yɛ Yala haa, gaa huluun ɉi yɛ Yala laŋą lon, a tómą, ə wolo gɔ̨nɔ̨n mą, yɛ li la, nu hva hɔlɔɓo hvo gulɔ ɲəi.

Yálá laawoo hɛɓɛ

²⁹ Nwoo kaa tɔɔi yɛ Yala haa, gaa huluun ɉi yɛ Yala laŋą lon, a tómą, ə wolo gɔ̨nɔ̨n mą, yɛ li la, nu hva hɔlɔɓo hvo gulɔ ɲəi.

Bible

²⁹ Díkɔ kuluƃa-ŋai da kɛ̂ lâɣii yɛ̂ɛ yala-sulu-ŋa da sua sôŋ díkɛ lì la díkɛ kpèɣe mɛi nyíi núu da fa pɔ̂ri gulâi díyêei.

Azaya 5:29 ပူးပေါင်းရင်းမြစ်များ

Zɛnɛse 49:9

Nón Ɉuda! Ə́ kaa yɛ yala a laŋą a nįnɛ̨, nón ɉulɔnu, aa həɠə loɉolaa kɛi! Aa pu nwungbəla, aa pɛlɛ yɛ yala, yɛ yala haa; gbɛɛ ɓə a pɛli muhəɠəi?

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 31:4

Mɛ̨nįi Yai-Laa ə mo mą́ą́ ya ka, yɛ diɛ: Akɛ yala hilɛ, a wala kɛti yala lon, a kɛi kpəɠi gɔ̨nɔ̨n mɛ̨i, taatɛlɛɛ pulu nuą di mą pa a di kpulu kɛnɛ̨, di tómą woo hva mąąɲɔw, di tín va nii kulɔ mą. Bələ ɓə Yai-Laa Mɛ̨nį Kəlee ŋą Hééɓomun kaa pai yɛɛi la Siɔn yee nwuɔ̨, nwɔ yee kpu kpui mɛ̨i, kɔ́ kɔ́ mɛ̨nį ɓa.

Azaya 35:9

Nu da yala di hvo pai kwiɛn ɉii laa, lɔwɔ huwɔ kpəɠiɛ ta lɔpee hvo pai gɔwɔ hvilɛn ɉii mɛ̨i, di hvo pai da kaai laa; nuąi a Yai-Laa yee pɔ nuą, diɛ ɓə pai kɛi tɛɛi a bələi tii.

Azaya 42:22

Kɛlaa, nu huwu ta ka ŋɛ̨i, daa too di mɛ̨i, daa di yəi hɛnŋąą kulɔ di yəi, daa di too gaho ŋą kwɛni woloɠaa hu, daa di lɔ gaho pɛlɛ́ɠaa mu, diɛ di paa, kɛlaa nu ta hvo kɛi di kulɔ ɉu, diɛ too di mɛ̨i, ɛlɛɛ, nu ta hvo kɛi kɛ diɛ: «'Ka pənə ka dɛɛ di pɔ!»

Azaya 47:15

Bələ ɓə ə́ wɔ tɔlukpɛ nuąi kaa pai kɛi la yɛ́, diɛi ə́ ə́ kpɔwɔ hviikpɛɛ di pulu ə həɠə ə́ muhəɠə yələ ɓa, di kəlee di kaa pai lii di nwun mą, di ta lɔpee hva pɛli ə kulɔi mɛ̨nįi.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 51:38

Di kaa pai kɛi huluun ɉii mɛ̨i a gee, yɛ yala gbɔnŋaa, diɛ hvaa di nwun ɉu, yɛ yala lonnii.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Nahumə 2:11

Daa gəlee həɠə, daa di laa tɛ gəlee mu, daa gəlee taɠa, nu ta lii hvo kɛa kpələ li; di kɔ́wɔ kaa kɛlɛi gee hu, diɛ kpɛlin nɔ ya-ya, di ɲɛ̨i aa tɔɔ lɔ gamąn.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»