Azaya 5:25 - Yálá laawoo hɛɓɛ (dc)

²⁵ Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Yálá laawoo hɛɓɛ

²⁵ Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Bible

²⁵ M̀ɛnii ŋí ƃa gɛ́ Yâwɛɛ a ǹíi ŋwána ŋɔnûai dîa. A dísu-kara a lii ŋwâna-pere. A gɛ́ ǹyée kpaya-kpayai da kpɛ̃lîŋ. Ǹûai poma a táa-tâa bere lêe-ŋai dîa. Berei máŋ gáa tí lai, Yâwɛɛ ŋɔlii ŋwânai ŋáa fé niî yeŋ ní ǹyaŋ a pâi dí kula maa kɛ̂i.

Azaya 5:25 ပူးပေါင်းရင်းမြစ်များ

Tɔɔɓɛlaa dɔlɔɔ 14:11

Ɉeroboamə yəi bɛlɛ́n mun lɔpee pai haai taai, yilɛɠaa kaa pai mįi, ɛlɛɛ, bɛlɛ́n mun lɔpee pai haai lɔwɔi, yələi nwɛ̨nįɠaa da mįi.› Yai-Laa woo li.»

Tɔɔɓɛlaa dɔlɔɔ 16:4

Baesa yəi bɛlɛ́n mun nɔpee pai haai taai, yilɛɠaa ɓə da bowa mįi, ɛlɛɛ, ɲəi bɛlɛ́n mun nɔpee pai haai kpomói, yələi nwɛ̨nįɠaa da bowa kpələ.»

Tɔɔɓɛlaa dɔlɔɔ 21:24

Akabə yəi bɛlɛ́n nuąi lɔpee da haa taai, yilɛɠaa ɓə da bowa mįi, yii a haa lɔwɔi, yələi nwɛ̨nįɠaa ɓə da bowa mįi, yii a haa kpomói, yələi nwɛ̨nįɠaa ɓə da bowa kpələ.»

Tɔɔɓɛlaa veelɛ 13:3

Yai-Laa lii ə holi Israɛlə nuą pɔ, ə di lɔ Aramə tɔɔmun Hazaɛlə yee mu a yələ kəlee, ə mą kɛ Hazaɛlə lon Bɛn-Hadadə yee mu.

Tɔɔɓɛlaa veelɛ 9:37

ɛlɛɛ, Ɉezabɛlə kaa pai kɛi yɛ tuluun bɔlɔ Izreɛlə ɲɛɛ kɔ́wɔ hu, nu ta hva kɛ diɛ: «Ɉezabɛlə kámą ka.»›»

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Zôo 9:13

Yálá a níiholi nu hva pɛli gbəlai bələi. Gboloyá hu huwɔ kpɛa kpɛa kəlee da pɛlɛ gɔwɔ mu.

Mąątɛ̨nɛ̨ 106:40

Yai-Laa nwɔ líiholii ə ɓɛla nwɔ nu huwui mɛ̨i, nwɔ nuą wɛli ə kpɛɛ kpɔ mą tɛ̨ɛ̨ tɛ̨ɛ̨.

Mąątɛ̨nɛ̨ 114:7

Lɔi, 'kpɛlin 'ə́ pɛlimun tɔwɔ, yai a Ɉakɔbə nwɔ Yálái, tɔwɔ.

Mąątɛ̨nɛ̨ 18:7

Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Mąątɛ̨nɛ̨ 68:8

Yálá! Ɓɛlɔwai ə́ kulɔ la, ə́ ɓo ə́ wɔ nuąi ɲɛ̨itɔwɔ, ka diɛni kaa hiɛ nɔi pun ɉu,

Mąątɛ̨nɛ̨ 77:18

Tulɔ kpinįnŋaa di tulɔ pu, tulɔ yɛ duwɔ, ə́ wɔ mɛ̨ɛ̨kɔwɠaai diɛ kulɔ pələ kəlee.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 83:10

'Di hon yɛ bələi ə́ Madian hon na, yɛ Sisera da Yavin, Kisɔn yá huluun ɉii.

Lɛɛ gbɔwɔ ɓa 7:19

Yai-Laa yɛ Moisə ɓa: «Mo Aarɔn ɓa, yɛ mą: ‹Ə́ wɔ tunwɔ̨n həɠə, ə́ ə́ yee haŋą Eziptə yaɠaa kəlee mɛ̨i, ɲá pɛlɛɛɠaa kəlee da bowa kəlee mɛ̨i, ə mą kɛ, yiiɠaai di yəi heeni ɉɛɲąŋąɠaa hu, gəlee mąą ə pənə a ɲąmą. Ɲąmą ə kɛ nɔi nąą kəlee.›»

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Azaya 23:11

Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Azaya 25:11

Gaa pai ɲee haŋąi, yɛ bələi yá-kɛlɛmun a ɲee haŋą la. Nwɔ ɲɛ̨i tɛi mąą kaa pai yɛɛi, da ɲee kɔ̨nwɔ̨n ɉu hvaŋą.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Azaya 64:3

Mɛ̨nįi tii kɛ, di hvo ta bələ mąn ni, bələ hvo ta too li wəli ta hu, ɲɛ̨i kɔ́w hvo ta gaa li; ə kulɔ Ə́ pulu, yálá ta a ta aa mɛ̨nį taaleei tii kɛ, nui a gilitɔɔ mąą, yɛ mąą mɛ̨nį ɲɛ̨i kulɔ.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Azaya 9:11

Aramə nuą daa di muhəɠə diɛi voló həɠəi pələ, Filisti nuą daa di muhəɠə diɛi voló tooi pələ, daa Israɛlə ɲąą wolo a di ɲin. Kɛlaa ə mą kɛ tii, Yai-Laa nwɔ liiɲąnwąną hvo kpəla li bələi, ɲee haŋąą ni di pɔ, yɛ haŋą diɛ.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Azaya 9:20

Manase a wolo Ɛfraimə ɓa, Ɛfraimə ə wolo Manase ɓa, ɉuwu hee hveelɛi tii da di muhəɠə di wolo Ɉuda ɓa, Kɛlaa ə mą kɛ tii, Yálá nwɔ liiɲąnwąną hvo pai kpɛla li bələi, gaa lɔ pai kɛi ni a ɲee haŋąą di pɔ, yɛ haŋą diɛ.

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 17:4

Ə́ kaa pai gwələ kəlee kulɔi yɛ tɔ̨nɔ̨, ə́ mąą kwɛaa nɔi ŋį́ dɛɛ ə́ pɔ mą. Gáá pai ə́ lɛɛi ə́ yówóɠaa yee mu, nɔi hvo gɔlɔn ɉu. Mąąhɔlɔɓo, kaa nwɔ́ liiholi nwun, hvo kɛa pai kpɛlai mą.

Ɉeremi 4:24

Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 6:12

Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Ɉeremi 9:22

Yai-Laa yɛ diɛ: Kilimąą mun və gbɔwɔ ɲąąkɛnɛ. Nwɔ kili mɛ̨nį hu. Huwalawala mun hvo gbɔwɔ ɲąą kɛnɛ̨, nwɔ huwalawala laa hu. Hɛn Nąmu hvo gbɔwɔ ɲąą kɛnɛ̨, nwɔ hɛn gɔw mɛ̨nį hu.

Woolaa 5:22

Akɛtii, ku pili kpɔlɔɔ ɓə tii Ə́ moi? Ku túwɔ́ pələ aa ə́ liiholi aa tɛɛ gɛi ɓa? Hvo ku pili kpɔ tɛ̨ɛ̨tɛ̨ɛ̨; pələ laa ɓo kani ku tɔwɔ!

Izikiɛ 15:6

«Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ diɛ: Bələi lɔ ti ŋą́ viɲə too la nwɔ̨n ɉu, və́ gɛli a lɔwɔ kwɛi ta kpɛli, bələ lɔ ɓə gáá Ɉerusalɛmə kələn ɉi la.

Izikiɛ 30:25

Gáá pai Babilonə tɔɔmun ɲee huwala walai, ɓɛlɔwai Eziptə tɔɔmun nwɛiɠaai da kɛ la mą tooni; nąąlɔwai da gili kɔ́lɔn diɛ kɛ ɲą́ą́ ɓə gáá a Yai-Laa, ɓɛlɔwai ŋą́ nwɔ́ kɔ́ kɔ́ ɓɔwai lɔ la Babilonə tɔɔmun ɲee ŋą yɛ ɉaŋa Eziptə lɔ mɛ̨i.

Izikiɛ 6:14

Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Amɔsə 8:8

Yili ɓə gaa mą, lɔi hvo mɔ̨ɔ̨ pai kpɛlin ɉii? Ɉu nuą kəlee di hvo mɔ̨ɔ̨ pai mąąwɛli hee ɓo? Nɔi nąą kəlee kaa pai kɛi hvɛɛ yɛ wolo yɛ ɲa lee ŋɛ̨i Eziptə lɔi hu, diɛ kɛ mą: Nilə.

Mise 1:4

Yeeɠaa diɛ həɠeen gɔwɔ mu. Yee lɔwai lɔiɠaa diɛ həɠeen, yɛ da nwɔ̨n ɉee kwɛ̨in gban ma. Yɛ da yá pu kɛɛnąą hviən ŋąą ɓa.

Nahumə 1:5

Yeeɠaa da kɛ kpɛlin ɉii ɲɛ̨i tɔwɔ, yee kpu kpuɠaa diɛ tɔɔ takpa takpa, lɔi a gaa, ɉu yɛ pu mą, yɛnɛ̨ɛ̨ pilɛɛ gee mɛ̨i da ɉu hee ɓo nuą kəlee.

Habakukə 3:10

Yeeɠaa da ə́ kaa, di mąą a kpɛlin. Tulɔ kpɛa kpɛa diɛ lɔi yɔwɔ. Yaɠaa kəlee di lee yɛ huluun, yɛ tɛ kpɔ yələ liiɓa.

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 31:18

Mąą yələi tii, ɲą́ą́n gáá lɔ pai ɲɛ̨́i lɛlɛɛ həɠəi di mɛ̨i, dúwɔ́ pələ ɲɔ̨n tii di gulɔ a ɲą́ą́, a di hvilɛn mɛ̨nį haliɠaa pulu.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.