Azaya 5:24 - Yálá laawoo hɛɓɛ (dc)

²⁴ A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Yálá laawoo hɛɓɛ

²⁴ A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Bible

²⁴ M̀ɛni ma, berei kpɔ́ ŋɔŋ a ŋuŋƃe kpâla da kala kpâla kèreŋ lai, bere ƃé Ɣâla a pâi gɛ̂i la a dia. Díkɔɔ a pâi lûlai dímu, díyee é kpála-kpàla dîa. A pâi kɛ̂i tí, kpɛ́ni fêi, da díyee kúla Ŋ̀wála-wâla kélee Yâwɛɛi nyii gáa a Eezuɛ Ŋɔɣâla Maa Waai ŋɔtɔ̂ŋ-ŋai mu.

Azaya 5:24 ပူးပေါင်းရင်းမြစ်များ

Tɔɔɓɛlaa veelɛ 19:22

Gbɛɛ ɓə ə́ nalan? Yɛ mɛlɛkpɛɛ mą? Gbɛɛ ɓə ə́ ə́ woo həɠəi mą? Yɛ́ gaa a ə́ ɲɛ̨i kpon bələ? Israɛlə nwɔ Yálá Mąąhəɠɛɛ ɓə!

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Zôo 18:16

ɉamuɠaa diɛ kpala lɔi mu, diɛ nwonwoɠaa kəlee tee mą ɲələi pələi.

Zôo 8:17

Ɉamu lɔɔ kwɛni wolo hu, yɛ gɔ̨nɔ̨n ɉɔlɔɓo kwɛniɠaa lɔwai.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Lɛɛ gbɔwɔ ɓa 15:7

Ə́ hvaŋą kɛnɛ̨ pələ aa Ə́ kɔ́yɔwɔɠaa too, Ə́ wɔ liiholi aa gəlee kəlen yɛ dɛ̨ɛ̨ kpalaan.

Lɛɛ gbɔwɔ ɓa 5:12

Israɛlə lonnii di taɠa Eziptə lɔi nąą kəlee, diɛ kala kwɛli.

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 24:6

Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 30:12

Ɛlɛɛ yaan, mɛ̨nįi Israɛlə nwɔ Mąąhəɠə mun kaa moi ya ka: Yii yaan kaa nwooi ɲɛ̨i pili, ɛlɛɛ kaa ka kili lɛɛ wea mun nwoo ɓa, kaa ka kilitɔɔ ka ɓowo mun mą.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 47:14

Di kaa pai kɛi yɛ dɛ̨ɛ̨ kpoloon, nwɔ̨n gaa pai di kələn ɉii, di hvo pai pɛlii kulɔi nwɔ̨n nən ɲəi, hvo pai kɛi a nu kɔ́lɔ ɓo nwɔ̨n dəŋą, yɛ nwɔ̨n goloi lən ɉii, nu yɛ hee mą.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Azaya 8:6

Yii nuąi ɲɛ̨́i kaa lənəi Siloe yai a tɛɛ ɲąą mą, ɛlɛɛ di kwəi nɛ̨́ɛ̨́ mɛ̨nį ə ɓo a Resin mɛ̨nį da Remaliahu lon mąą mɛ̨nį.

Azaya 9:18

Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Ɉeremi 8:9

Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Izikiɛ 15:6

«Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ diɛ: Bələi lɔ ti ŋą́ viɲə too la nwɔ̨n ɉu, və́ gɛli a lɔwɔ kwɛi ta kpɛli, bələ lɔ ɓə gáá Ɉerusalɛmə kələn ɉi la.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.

Osia 5:12

Ɲą́ą́n, gáá pai kɛi yɛ lɔ́wɔ́ Ɛfraimə ɓa, ŋį́ ɓo yɛ ɲį́n nwąną Ɉuda nwɔ pɛlɛ́i ɓa.

Osia 9:16

Daa Ɛfraimə kɛlɛ, di hamu aa kpala, di hvo kɛa pai ɓai. Di mąn lon gaa, ŋą́ di wɛlikɛmąą lon tii paa.

Zooɛ 2:5

Da lɛɛ yee hu, di too dakpɛli hu; di tin ə ɓo yɛ kɔ́ kɔ́ wotoloɠaa, yɛ nwɔ̨n nən aa kɛi pola kɛ́ɛ́ kpalaa hu. Yɛ nwɔ̨n a kɛi kala kpala mįi, diɛ pa yɛ kɔlaɠa hvaŋą kɛnɛ̨; di tɔɔ pələ pɛliɛ ɉu gɔ́ ɓa.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 3:17

Nwɔ laɠai kaa ɲei yɛ paa la, gaa pai gɔw da gala di ɓɛlaɓoi, a gɔw pu nwɔ hɛnŋąŋąi hu, ə gala kələn a nwɔ̨n yii hva luwun.»

Lukə 7:30

Kɛlaa, Farisiɛ̨ɠaa, da tɔ́n galamɔ̨ɔ̨ɠaa, yii Yálá ə kɛ bɔ di gɛ, di hvo yili kɛ, ya ɓə gɛ, di hvo hvaa mą Ɉaan hvo di mąąwaa.

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»

Dutɛrɔnome 28:24

Yai-Laa hvo pai tulɔ pui ka wɔ lɔi ɓa, kɛlaa luwu da muluun gbala ɓə pai kɛi kulɔi yələi, diɛ yɛɛ ka mɛ̨i, əlɛɛ ɉu ka kpɛɛ lɔi mɛ̨i.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Samuɛlə dɔlɔɔ 15:26

Samuɛlə yɛ Saulə ɓa: «Və́ hvilɛn ɉii ə́ pulu, gwa yɛ́ gu hvo li, mąąhɔlɔɓo, yáá lənə Yai-Laa woo ɓa, Yai-Laa aa lənə yɛ́, hvo kɛa a Israɛlə tɔɔmun.»