Azaya 5:20 - Yálá laawoo hɛɓɛ (dc)

²⁰ Kpalo ɓɛlaai diɛ, da mɛ̨nį ɲɔ̨nwɔ̨ɔ̨ laa hee a nɛlɛɛ, diɛ mɛ̨nį nɛlɛɛ laa hee a ɲɔ̨nwɔ̨ɔ̨, diɛ kɛɛ pɔ̨nɔ̨ laa hee a kpinį, diɛ kpinį laa hee a kɛɛ pɔ̨nɔ̨; ɉɛn nwąnąą, diɛ naa hee a nəɠən ŋąą, ɉɛn nəɠən ŋąą, diɛ naa hee a nwąnąą.

Yálá laawoo hɛɓɛ

²⁰ Kpalo ɓɛlaai diɛ, da mɛ̨nį ɲɔ̨nwɔ̨ɔ̨ laa hee a nɛlɛɛ, diɛ mɛ̨nį nɛlɛɛ laa hee a ɲɔ̨nwɔ̨ɔ̨, diɛ kɛɛ pɔ̨nɔ̨ laa hee a kpinį, diɛ kpinį laa hee a kɛɛ pɔ̨nɔ̨; ɉɛn nwąnąą, diɛ naa hee a nəɠən ŋąą, ɉɛn nəɠən ŋąą, diɛ naa hee a nwąnąą.

Bible

²⁰ Kpalo-ƃêlaai dîa. Da mɛni lɛ́lɛɛ sìɣe a mɛni nyɔ́mɔɔ, dí kɛ́ mɛni nyɔ́mɔɔ sìɣe a mɛni lɛ́lɛɛ. Kpíni káa díyêei a kwaa ponoɔɔ. Kwaa ponoɔɔ kɛ́ ƃò díyêei a kpíni. Sɛŋ nɛ̃ɛ ŋwânai dí lá. Sɛŋ ŋwánaa nɛ̃ɛ dí lá.

Azaya 5:20 ပူးပေါင်းရင်းမြစ်များ

Zôo 17:12

Di kaa lɔ bɔ di kpinį kɛ a yələɓoɔ, da kɛ kɛi diɛ kɛɛ pɔ̨nɔ̨i lɔwai aa həli, a ɓɛlɔwai kpinį a kɛ pɛlɛi la.

Lɛɛ gbɔwɔ ɓa 23:7

Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.

Hanwon 17:15

Nui a tɔɔ hɔn mąąmun bulu, da nui a tələnmomun gɛ a hɔn mąąmun, nu hveelɛi tii, di wɛli kpɛɛi kpɔ Yai-Laa ɓa tɛ-tɛ.

Hanwon 4:17

Mąąhɔlɔɓo, di kɔ̨nɔ̨n mąą mɛ̨nį ɲɔ̨n, too mɛ̨i ɓə gaa a di kpələ lɔɔ.

Azaya 24:9

Di hvo kɛa wələ tooi lɔɔ mɛ̨i, diɛ gbələ, nɔɔ kpəɠiɛi aa nwąną gbələ nuą la.

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Azaya 32:5

Di hvo kɛa pai kilikpɛɛɲəimun gɛi a lɔi nąmu, di hva kɛ hvulumun mą nu kɛnɛ̨.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Amɔsə 5:7

Diɛi da mɛ̨nį haŋąą mąąhvalin a mɛ̨nį ɲɔ̨nwɔ̨ɔ̨, diɛ tələnmolaa too lɔi ɓa.

Mise 3:2

A kaa ŋɛ̨i, mɛ̨nį lɛlɛɛ wɛli kpɛɛ kaa, kaa mɛ̨nį ɲɔ̨nwɔ̨ɔ̨ wɛlilakɛ, kaa nuą kɔ́lɔɓo, kaa di luwu kalaan di kɔ́w ɓa.

Habakukə 1:4

Nuą di hva tɔ́n mąąwiɛ, nuą di hva kiti tee a ɉaŋąą. Nwąnąlɔɔ nuą ɓə da tɛ̨ą hɔlɔɓo nu haŋąąɠaa mɛ̨i; kiti tee a hvulu.

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Dutɛrɔnome 25:1

Mɛ̨nį ɓo a kɛ nu hveelɛ lɔwai, di pa giti haɠa ɓa, di di kiti tee, nui a kala mą, di gala mą, nui a nɛ̨ɛ̨ mą, di nɛ̨ɛ̨ mą.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.