Azaya 5:2 - Yálá laawoo hɛɓɛ (dc)

² ə nɔi ɓuwɔ, ə gwɛniɠaa kulɔ ɉu, ə niiɓa hihɛn ɉi laa, ə koloon dɔɔ díi hɛ̨ąi, ə viɲə ya kulɔi pɛli laa, ɲɛ̨i ə ɓo kɛa viɲə ɓá lɛlɛɛ tɔwɔ, kɛlaa ə ɓá a ɲɔ̨nwɔ̨ɔ̨.

Yálá laawoo hɛɓɛ

² ə nɔi ɓuwɔ, ə gwɛniɠaa kulɔ ɉu, ə niiɓa hihɛn ɉi laa, ə koloon dɔɔ díi hɛ̨ąi, ə viɲə ya kulɔi pɛli laa, ɲɛ̨i ə ɓo kɛa viɲə ɓá lɛlɛɛ tɔwɔ, kɛlaa ə ɓá a ɲɔ̨nwɔ̨ɔ̨.

Bible

² Ŋáwɛli kɛ́-maa nuui è gwaai ma sìŋ, é gɔni-ŋai kélee kúla naa. È kpɔmɔ kpâa lɛ́lɛɛ-ŋa sì naa. È yeŋkêŋ tɔ̀ɔ gbâlaŋ sâmai. È lóa tèe ƃɛ́i a pâi kɛ̂i gbɔmɔ-ƃai táŋ-nîi naai. È maa kpɛ̂ŋ kɛ̀ a gɛɛ gbɔmɔ-ƃai kpɔlu tãi é seri, kɛ́lɛ gbɔmɔ-ƃai kélee è kɛ̀ a gbona-kpônaa.

Azaya 5:2 ပူးပေါင်းရင်းမြစ်များ

Samia Veerɛi 7:10

Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Nehemi 13:15

Nąąlɔwai tii hu, ŋį́ nuą kaa Ɉuda lɔi hu diɛ di wɔ viɲəɠaa ya kulɔ a túwɔ́ lɔwɔ yələ, daɠaa daa mɔ̨nun naa di wɔ hoohvaalənŋąąi pulu, da lɔɔ, viɲə ɓáɠaa, ɓɔ́ɔ́laa ɓa, tiɛ̨ huwui lɔpee gəlee, diɛ lɔ la Ɉerusalɛmə daai a túwɔ́ lɔwɔ yələ, volói tii ɓə, di kɛi di wɔ hɛnŋąą tii lɔwɔ too la, ŋį́ haŋą diɛ.

Mąątɛ̨nɛ̨ 80:8

Yálá, Mɛ̨nį Kəlee ŋą Hééɓomun; pənə ə́ ku hee ku kpanɲą, ə́ ə́ ɲɛ̨i lɛlɛɛ hee kuɔ, ku kaa pai ɓaloi.

Mąątɛ̨nɛ̨ 80:9

Nwulu ɓɔn ə́ gulɔ Eziptə lɔi hu, yɛ́ hį́i takpɛliɠaa kpɛ di heei, yɛ́ ɉin naai;

Lɛɛ gbɔwɔ ɓa 33:16

nuą da pɛli gbaɠala kaai ləi diɛ kɛ ɲą́ą́ kwa ə́ wɔ́ nu huwui, kwaa ə́ lii hon? Kɛlaa, Yá kɛ ku lɔwai, kwa ə́ wɔ nu huwui ku hva kɛ yɛ bələi nu huwu takpɛliɠaa kaa la lɔi mɛ̨i, yili ɓə a nɛ yɛ kwaa ə́ lii hon.»

Azaya 1:8

Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 2:21

Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Mise 4:8

Ɛlɛɛ, yɛ́i ɓaa daatɛlɛɛ mąąkpɛmun ɉee pɛlɛ́, Siɔn nɛ̨ɛ̨gbɛla nwɔ yeei, dɔɔi tii wɔlɔ kɛ ə́ yə́i, a pənə ə pa ə́ pɔ, a dɔɔlaai tii bɛ̨ɛ̨ Ɉerusalɛmə nɛ̨ɛ̨gbɛla nwuɔ̨i.

Lonon mo 23:9

Ŋą́ kɛ ŋɛ̨i tɔɔni kwɛni mɛ̨i, gɛ́ gaa, Ŋą́ kɛ ŋɛ́i tɔɔni yee tonna, gɛ́ mąą kpɛɛ. Gáá gaai a nu huwui dɔɔ a dee. Da lɔi takpɛliɠaa di hvo tɔɔ li.

Maafîu 21:19

Jesus ə ɓɔɔlaa wulu ta kaa bələ kwɛlɛ, ə lɛɠɛɛ mą, kɛlaa hvo mą kaa ɉu, naa lɔ ɓə kɛ ɲąąnɛ̨ɛ̨ mą. Ə nwului tii nɛ̨ŋɛ̨n naa yɛ mą: «Hva kpɔ kɛa ɓa tɔ̨nɔ̨ kpɛli!» Mɔɔlaa wului tii ə kpala kpɔlɔ tii ɲąąɓa.

Maafîu 21:33

Jesus ə mo diɛ yɛ diɛ: «Gáá hanwon da kpɛli hɔɔi kaa. Hulɔnu ta ə kɛ laa ə hihɛn ŋɛ̨i da kɛ mą viɲə, ə ɲɛa laa, ə mąąkwəli a hį́i ə viɲə ya kulɔi pɛli, ə pɛlɛ́ tɔɔ Ɉį́i ɲɛ. Ə viɲə yɛa həɠə ə dɛɛ nuą pɔ, ə gə di kólo kɛ ɉu, diɛ gulɔ.

Maafîu 21:34

Viɲə ɓai lɔwai, ɉulɔnui tii ə nwɔ kɛlaɠaa tɛɛ laa ə gɛ yii góló kɛ nuą daa gulɔ di nwɛi tɛɛ.

Markə 11:13

Ə ɓolaa wulu ta kaa kwɛa la, naa tɛlin ŋąą mą. Ə li ə ɉu kaa, akɛ a pɛli kɛ mą kaai ɉu. Kɛlaa, ɉəliɛ kɛa nwului tii ɓa, hvo mą kaa li ɉu, naa lɔ ɓə kɛ ŋą. Mąąhɔlɔɓo, mai lɔwai hvoli kɛ.

Markə 12:1

Yili pulu, Jesus ə hanwon ɉɔɔ diɛ yɛ diɛ: «Hulɔnu ta ə kɛ laa, ə ɉihɛn ŋɛ̨i da kɛ mą viɲə; ə ɲɛa laa; ə mąą tinɛ̨n a hį́i, ə viɲə ya kulɔi pɛli, ə pɛlɛ́ tɔɔ ɉíí ŋą. Ə tínuą həɠə, ə di tɛɛ ɲəi viɲə yɛa, yili pulu ə li hiɛ ɓa.

Markə 12:2

Viɲə ɓai lɔwai, ɉulɔnui tii ə nwɔ tímun dɔ̨nɔ̨ tɛɛ góló kɛ́ nuą pɔɔli, ə gɛ, yii aa hɔlɔɓo di nwɛi tɛɛ.

Lomaŋ 9:4

Diɛi a Israɛlə lonnii, Yálá ə di kɛ a ŋą ɲąąkɔn-nonnii ə di mąąɲįnɛ̨n gɛ diɛ, da diɛni di mįnɛ̨ həɠə, ə tɔ́n dɛɛ di pɔ, da ɉalaa kulɔ pələ, ɛlɛɛ, ə mɛ̨nįɠaa laakwɛlanmo diɛ

Korɛntə dɔlɔɔ 9:7

Gbɛɛ ɓə da ɉon, gɔ̨nɔ̨n ə ɓo gbɔwɔ nwuɔ̨? Gbɛɛ ɓə a tíi kɛ, hva má ta mįi? Gbɛɛ ɓə a taatɛlɛɛ tɔɔ, hva ɲįnįyá kɛ a gɔ̨nɔ̨n?

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Nwun mąąɓo 16:4

Mɛ̨nįɠaai tii tɛɛ pulu, nɛ̨ɛ̨nu ta wɛli ə too Samsɔn ɓa, diɛ kɛ naa ɓaa: Dalila, yai kɛ Sorɛkə daai nɛ̨ŋɛ̨ lɔi hu.