Azaya 5:19 - Yálá laawoo hɛɓɛ (dc)

¹⁹ Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Yálá laawoo hɛɓɛ

¹⁹ Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Bible

¹⁹ Da kɛ̂ môi dîyɛɛ, “Tɔɔ Eezuɛ Ŋɔɣâlai é m̀ɛnii kɛ́ wɛ̀ a maa félaa. Tɔɔ é ŋɔkono-teei ŋàa-see kɛ́ wɛ̀ a maa félaa a gɛɛ kú nàa káa kúa kpîŋ. Tɔɔ Eezuɛ Ŋɔɣâla Maa Waai é ŋɔmɛni kpɛtɛɛi ŋàa sèe kɛ́. Tɔɔ kú m̀ɛni káa gáa gíli-ŋai.”

Azaya 5:19 ပူးပေါင်းရင်းမြစ်များ

Azaya 30:11

'Ka həɠə bələ mɛ̨i, 'ka bələ mąą laa, 'ka Israɛlə nwɔ Mąąhəɠə mun həɠə ku ɲɛ̨i mu.»

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Ɉeremi 17:15

Hvó di kaai diɛ kɛ mą́ą́: mįnɛ̨ ɓə Yai-Laa woo kaa laa? Nwoo pɔ mɛ̨nį ə kɛ kani wɛ!

Ɉeremi 23:18

Gbɛɛ ɓə kɛ Yai-Laa nwɔ nwun dɔɔ kpɔlɔi hu? 'Ə ɲɛ̨i hee, 'ə nwəli tɔɔ nwoo ɓa! Gbɛɛ kpɔ ɓə nwəli tɔɔ nwóó ɓa? Gbɛɛ ɓə nwóó mɛ̨n?

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Ɉeremi 36:23

Yehudi a kpɛɛ lɔ kɛ a ɉɛɓɛ́ ɲɛli haaɓa a wala kɛ ti nąąn ną ɓoɔ, tɔɔmun ə yili nąą tee mą a ɓɔwa lon, ɛlɛɛ, ə bili nwɔ̨n ŋą; ə lɛɛ ɉu ə ɉɛɓɛ́ yili kəlee kələn ə gbɛɛ.

Izikiɛ 12:22

«Hulɔnu lon, lə mɛ̨nį ɓa yai ka kɛ ɉanwon ŋɛ̨i hɔɔi kaa vilɛn Israɛlə ɓa; kaa kɛ diɛ: ‹Voloɠaa kaa lɔ tɛɛi, hįį kaa nuą di hvo gaai.›

Izikiɛ 12:27

«Hulɔnu lon, Israɛlə nwɔ pɛlɛ́i a kɛ kɛi diɛ; mɛ̨nįi ə́ ɉulɔnui ŋɛ̨i kaa gaai, tínąą mɛ̨nį hvəli, mɛ̨nį hu kwɛa mɛ̨nį ka tii gaa moi.

Osia 10:3

Yiihu, di kaa kɛi diɛ; tɔɔmun və ku yəi, mąąhɔlɔɓo, ku hva ɲɔw Yai-Laa ɓa, ɛlɛɛ, lə kpɔ ɓə tɔɔmun a pɛli gɛi ku mąą mɛ̨nį hu?

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»