Azaya 5:16 - Yálá laawoo hɛɓɛ (dc)

¹⁶ Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Yálá laawoo hɛɓɛ

¹⁶ Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Bible

¹⁶ Kɛ́lɛ Ŋ̀wála-wâla kélee Yâwɛɛi maa fa wɔ́lɔ yèŋ. Gáa a Ɣâla Maa Waa. A ŋɔteniŋ ƃô-laai lɛ̂ ŋɔmɛni ŋá-teɛɛ sã́ai su nyii a gɛ̀ ŋɔnûai samai.

Azaya 5:16 ပူးပေါင်းရင်းမြစ်များ

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Mąątɛ̨nɛ̨ 21:13

Mąąhɔlɔɓo, yá di too di kpowoɲɛ̨i ɓa pələ, yɛ́ di hɛŋi di ɲɛ̨ilain a ə́ wɔ kilɛn.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:9

Nu kanŋaa kaa pai pɛlɛi, nuą di di mąą yɛɛ, di di laa pɛlɛɛ pɔ́lɔ́ ɓa! Hvó pai di mąą hvaa lɛɛi.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 29:23

Mąąhɔlɔɓo, yii ŋį́ gɛ diɛ, da gaa, nonnii kaa pai Náá mąąhəɠəi, di kaa pai Ɉakɔbə nwɔ Mąąhəɠəmun laa mąąhəɠəi; di kaa pai kpɛlin ɉii Israɛlə nwɔ Yálái lííla.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 33:10

Yai-Laa yɛ diɛ; múhəɠə hiɛ li kɛa, gáá kɛa haŋąi ŋį́ tɔɔ, Náá mąą kaa kɛa pai wiɛi.

Azaya 33:5

Mąąwiɛ kaa Yai-Laa ɓa, mąąhɔlɔɓo, gaa heeni yələi pələ; aa Siɔn laahvɛɛ a tɛ̨ą mɛ̨nį da tələnmolaa.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Azaya 8:13

Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Izikiɛ 20:41

Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Izikiɛ 28:22

'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Izikiɛ 36:23

Gáá pai náá kɛnɛ̨ɛi ŋɛ̨i mąąhəɠə pələ lɛi; yai daa mąąliɓi nɔiɠaa hu. A náái tii ka mąąliɓi lɔiɠaa hui; lɔiɠaa kaa kɛa pai gbaɠala kaai, diɛ kɛ, ɲą́ą́ ɓə gáá a Yai-Laa. Mɛ̨nį kəlee ŋą Hééɓomun Yálá woo li. Ɓɛlɔwai gáá pai mą́ą́həɠə pələ lɛi la ká mąą mɛ̨nį hu, di ɲɛ̨i ɓa.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Lonon mo 20:13

Di ɲái tii laa hee a Meriba yá, mąąhɔlɔɓo nąą ɓə Israɛlə lonnii di hvaa laa Yai-Laa ɓa. Yili yaan yɛ nwɔ mąąwiɛ lɛ laa.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Piɛrə dɔlɔɔ 1:16

hvo gaai, bɛ̨ɛ̨i yɛ mą: Mą́ą́həɠɛɛi, káá kpɛlimąn, ká mąą ə həɠə tii…

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»