Azaya 49:6 - Yálá laawoo hɛɓɛ (dc)

⁶ Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Yálá laawoo hɛɓɛ

⁶ Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Bible

⁶ Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Azaya 49:6 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Tɔɔɓɛlaa veelɛ 20:10

Ezekiasə ə Esai woo ŋąąpənə, yɛ mą: «Pɛlɛ kɔ́n nįnįn gwɛa laa nɛɛi, kɛlaa, kpuɔ la hvo nɛɛ li.»

Tɔɔɓɛlaa veelɛ 3:18

Yili hvo kpɛli pai kɛi Yai-Laa ɲɛ̨i ɓa a mɛ̨nį wala wala, kɛlaa, gaa nwɔ̨nɔ̨ pai Moabə lɔi ka yee ŋą.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 67:3

Əgɛ, nuą di ə́ wɔ pələi kɔ́lɔn, ɓɛ yɛnɛ̨ɛ̨, bələi ə́ ku ɓalo la, diɛ gbaɠala kaa lɔi kəlee hu.

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 51:4

'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Zakari 8:22

Nu huwu tamąą, da lɔi kpɛa-kpɛaɠaa, di kaa pai pai Ɉerusalɛmə, diɛ Yai-Laa Mɛ̨nį Kəlee ŋą Hééɓomun kwɛli, diɛ Yai-Laa líi laa.

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Gɛlaɠaa 26:23

Di mo diɛ: Nwun mąąɓomun Yálá ə naakwɛlanmo, gaa pai mɔ̨nɔ̨ mįi, ə haa, ə nwun, ə kɛ a nu tɔlɔɔ yɛ kulɔ haaɓɛlaa lɔwai, ya ɓə pai kɛɛ pono laa həlii nɔi lonnii da huwu takpɛliɠaa diɛ.»