Azaya 49:25 - Yálá laawoo hɛɓɛ (dc)

²⁵ Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Yálá laawoo hɛɓɛ

²⁵ Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Bible

²⁵ Yâwɛɛ a m̀arê kɛ̂ɛ-ŋai ŋí su-kula a tɔ̃yâ woo-ŋa ǹyɛɛi, “M̀ɛni-ŋai ŋí ƃé pâi kɛ́ tí-ti ƃôi. Da pâi gɔ-kûluƃai ŋɔkɔ-sôŋ-ŋai kulâi ǹyêei, dí gâloŋ wála-walaai ŋɔtoo maa sãai kélee kúla ǹyêei. Ŋa pâi kɔ̂i diai kélee pɔ́ pâi kɔ̂i kápɔi, ŋá kálônii ŋuŋ ma ƃó.

Azaya 49:25 ပူးပေါင်းရင်းမြစ်များ

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Mąątɛ̨nɛ̨ 35:1

Davidə nwɔ wələ woo. Ee kə Yai-Laa! Nuąi ɉɔ́n moi, 'di hɔn nɛ, nuąi kɔ́ pɛlɛi mą́ą́, 'kɔ́ pɛlɛ diɛ.

Azaya 10:27

Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 14:2

Lɔiɠaa kaa pai di yee heei Ɉakɔbə nwɔ pɛlɛ́i mu, diɛ pənə diɛ li a diɛ di kaa lɔi hu. Israɛlə nwɔ pɛlɛ́i kaa pai Yai-Laa nwɔ lɔi hɔlɔɓoi a nwɔɔ, di nwɛ̨ąą tii kɛ a di nwɔ luwɔ nɛ̨ą da luwɔ hinąą; a diɛi tii di kɛ di yəi luwɔlaa hui; Ɉakɔbə a pənə ə nuąi tii kɛ a di wɔ luwɔɠaa, ə hee nuąi kɛi di mɔ̨nɔ̨ ɓo di mɛ̨i.

Azaya 19:20

Di kaa pai kɛi a Yai-Laa Mɛ̨nį Kəlee ŋą Hééɓomun mąą kɛla da gɔlɔn ɉɛn Eziptə lɔi hu. Nuą pai woloi Eziptə ɓa, diɛ kɛ di hee di mɛ̨i, Eziptə nuą da tómą Yai-Laa pɔ pələ, gaa pai di ɓalomun dɛɛi di pɔ, yɛ di mąą kɔ̨nwɔ̨, yɛ di kulɔ ɲəi kɛ.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 5:29

Nwoo kaa tɔɔi yɛ Yala haa, gaa huluun ɉi yɛ Yala laŋą lon, a tómą, ə wolo gɔ̨nɔ̨n mą, yɛ li la, nu hva hɔlɔɓo hvo gulɔ ɲəi.

Azaya 51:14

Nui kɛ tooni a hviikpɛɛ, ya ka muhəɠəi, hvo pai haai, kámą nwɔ mɛ̨nį hvo mą, ɛlɛɛ, hvo pai hvɛɠɛi kɔ̨nɔ̨n ɉu.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 31:11

Ɉakɔbə kaa a Yai-Laa nwɔɔ, gaa nwun mąąɓoi, ə gulɔ ɲeetɛɛmąą mun ɲəi.

Levetekɔ 25:54

Nwun mąą a wala pɛli ɓoi a pələ lɔpee ta, nwun mąąɓo kwɛlan a ɉəlii, a lɛɛ gbɔwɔ ɓa da nonnii.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Zakari 14:12

Nɔiɠaai tii gɔ́ pɛlɛ Ɉerusalɛmə ɓa, vaɠai Yai-Laa kaa pai di kɛlɛi la, ya ka: Di kaa pai lɛɛi di hvulú kɔ́wɔ ŋą, kolo ə pu di hu, di ɲɛ̨i kɔ́w yɛ luwun galai, di nɛ̨n yɛ luwun di la.

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Zakari 9:11

Ə́ wɛi, mįnɛ̨i gwa yɛ́ gu ɉəɠə a ɲąmą, nowai yá hvo ɉu, gáá pai ə́ wɔ luwɔɠaai kulɔi ɉu.

Markə 3:27

«Nu hva pɛli lɔi huwalawala mun ɲei bɛlɛ́n hvo ɲei hɛn gɔw həɠə, akɛ hvo ɉuwalawala mun tii yili li. Akɛ ya ɲili, ya pɛli ə ɲei bələn ɉɛnŋąą kəlee həɠə a ə wɔ.

Galatə 4:26

Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.