Azaya 49:24 - Yálá laawoo hɛɓɛ (dc)

²⁴ Hɛn kɔ́kuláá a ɉəɠə da mɔ̨ɔ̨ pənə di gulɔ ɲəi? Nui tɔɔmun a ɉon a kɔluwɔ, da pɛli di gulɔ ɲəi?

Yálá laawoo hɛɓɛ

²⁴ Hɛn kɔ́kuláá a ɉəɠə da mɔ̨ɔ̨ pənə di gulɔ ɲəi? Nui tɔɔmun a ɉon a kɔluwɔ, da pɛli di gulɔ ɲəi?

Bible

²⁴ Ka pɔ̂ri kɔ-kuluƃa ŋɔtoo-maa sɛŋ kulâi ǹyêei? Kpaa máŋ ká pɔ̂ri kɔ-sôŋ kulâi kâloŋ wála-walaa yêei?

Azaya 49:24 ပူးပေါင်းရင်းမြစ်များ

Ɛsdrasə 9:13

Yili ɓa, mɛ̨nįɠaai kpɔ laa kuɔ, ə kulɔ ku wɔ túwɔ́ pələ ɲɔ̨n da ku wɔ nɛ̨ŋɛ̨nŋąą mąą mɛ̨nį hu. Kɛlaa, Yɛ́i ɓaa ku wɔ Yálá, ə́ ku wɔ nɛ̨ŋɛ̨nŋąą lɛɛ kuɔ a kpɛli, ə́ ə́ kili kulɔ ku wɔ nɛ̨ŋɛ̨nŋąą hu, hvó ku hon ni yɛ pələi ku túwɔ́ la. Ɛlɛɛ, yɛ́ gbəli wolo lɛɛ a vulú, yɛ́ naahɔn mo.

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Nehemi 9:37

Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Azaya 42:22

Kɛlaa, nu huwu ta ka ŋɛ̨i, daa too di mɛ̨i, daa di yəi hɛnŋąą kulɔ di yəi, daa di too gaho ŋą kwɛni woloɠaa hu, daa di lɔ gaho pɛlɛ́ɠaa mu, diɛ di paa, kɛlaa nu ta hvo kɛi di kulɔ ɉu, diɛ too di mɛ̨i, ɛlɛɛ, nu ta hvo kɛi kɛ diɛ: «'Ka pənə ka dɛɛ di pɔ!»

Azaya 5:29

Nwoo kaa tɔɔi yɛ Yala haa, gaa huluun ɉi yɛ Yala laŋą lon, a tómą, ə wolo gɔ̨nɔ̨n mą, yɛ li la, nu hva hɔlɔɓo hvo gulɔ ɲəi.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Izikiɛ 37:3

Nąąlɔwai, Yai-Laa yɛ mą́ą́: «Hulɔnu lon, nu kɔ́wɠaai ŋɛ̨i di nɔ̨ɔ̨ a pɛli mɔɔ tooi di hu?» Ŋą́ nwoo ɲąąpənə, gɛ́ mą: «Mɛ̨nį kəlee ŋą Hééɓomun Yálá, yɛ́ ɓə yili kpaɠala kɔ́lɔn.»

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Markə 3:27

«Nu hva pɛli lɔi huwalawala mun ɲei bɛlɛ́n hvo ɲei hɛn gɔw həɠə, akɛ hvo ɉuwalawala mun tii yili li. Akɛ ya ɲili, ya pɛli ə ɲei bələn ɉɛnŋąą kəlee həɠə a ə wɔ.