Azaya 49:18 - Yálá laawoo hɛɓɛ (dc)

¹⁸ Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Yálá laawoo hɛɓɛ

¹⁸ Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Bible

¹⁸ Íŋɛi láa í m̀ɛnii káa kɛ̂i íkɔlɛ mai! Ínûai da díŋaa tɛ́ ma da pâi a ípɔ-taai pere. Tãi nɔ́ ŋ́gaa la a gɛ̀ ɣele-ma Ɣalai, ŋa pâi gɛ̂i ínûai maa mɛni é íŋɛi kúla, yɛ̂ɛ berei ǹɛnîi da pá dɛɛ̂i surɔ̂ŋ pɔ́i, m̀aa ɣiri-sã̂a da ŋ̀ɛ́i kùla lai.

Azaya 49:18 ပူးပေါင်းရင်းမြစ်များ

Zɛnɛse 13:14

Yii kɛa Lɔtə da Abramə di di ɓɛlaɓo, Yai-Laa yɛ Abramə ɓa: «Ɓɛi tii ə́ kaa laai, ə́ nwun muhəɠə, ə́ ə́ ɲɛ̨i laa nɔi tii ə́ kaa ɉu mɛ̨i, ə həɠə ɲánwuɔ̨ pələ, ə yɛɛ ɉɛɠɛɛ pələ, ə həɠə voló həɠəi pələ, ə li voló tooi pələ.

Zɛnɛse 22:16

«Yai-Laa aa gwɛla a gbɔwɔ, yɛ mą: Ɲą́ą́ ɓə gáá a Yálá hvulú, mɛ̨nįi ŋɛ̨i yáá gɛ, yii kpɔ hvo kɛ lənə li ə́ lon gɔw tɔ̨nɔ̨i ŋɛ̨i kulɔi mą́ą́ a haláái,

Hanwon 17:6

Hulɔgoloɠaa di mąą hon mɔlɔ ɓaa di mąnįnni, lɛapɛlɛɛ ɲɛ̨i pɔ̨nɔ̨mun mąą di nąn.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 49:12

Di kaa pai; di kaa həɠəi kwɛaalaɠaa, daɠaa diɛ həɠə ɲələi pələ, da hvóló tooi pələ, dakpɛliɠaa diɛ həɠə Asuan lɔi hu pələ.

Azaya 49:22

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: gáá pai ɲee lɛi hįį takpɛliɠaa diɛ, gáá pai huu pilii nuą diɛ, di kaa pai pənəi diɛ ə́ lon ɉinąą hee di yee kɔ̨nwɔ̨n ɉu, diɛ pa a diɛ, diɛ ə́ lon nɛ̨ąą hee di kalan ŋą.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 54:7

Ŋą́ ɲéé kulɔ lɔ ə́ mu a lɔwai logolo, Kɛlaa, gáá pai pənəi gɛ́ ə́ lonnii ɲąąkpɔn a wɛli kɛmąą laa; vįi hvo pai kpɛɛi yili kɛi.

Azaya 54:9

Gáá gɛi lɔ yɛ Noe nwɔ ya mɛ̨nįi, ŋį́ gwɛla mɛ̨nįi tii hu, gɛ́ diɛ ya hva kɛa pənə hvo lɔi mɛ̨i kpulu yɛ Noe nwɔ tulɔi, gáá lɔ nwɔ̨nɔ̨ gwɛ́lai tii, gɛ́ kɛ vá kɛa níí holi ə́ pɔ, vá kɛa ə́ mąąɲɔw.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Ɉeremi 31:8

Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Ɉeremi 43:12

Gaa pai nwɔ̨n bilii Eziptə yáláɠaa di mąąwiɛ pɛlɛ́ɠaa hu, yɛ ɲáláɠaa tii kələn; a wala kɛ tii, yɛ li a diɛ. Gaa pai Eziptə lɔi mąą hɛnŋaa kulɔi mą, yɛ bələi taatɛlɛɛ mɛ̨i kaamun a kala kulɔ la nwɔ həɠəi hu. Ɛlɛɛ gáá pai pənəi ə li a nwəli pulu laɠiɛ.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Lonon mo 14:21

Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Ɉaan 4:35

Ka hvo ka kiliŋąhiɛ kaa kɛ diɛ: ‹Aa lɛɛ a ŋą́lən nąąn mɔ̨nun dee lɔwai yɛ ɉəli.› Kɛlaa, gáá moi kaa, ka ka nwun muhəɠə, ka díiɠaa kaa, mɔ̨nun gəlee daa mɔn.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!