Azaya 48:9 - Yálá laawoo hɛɓɛ (dc)

⁹ Kɛlaa náá mąą mɛ̨nį ɓa, gáá nwɔ́ liiholii yalii bulu, gáá ɉu hon ɉii, mą́ą́wiɛ mɛ̨nį ɓa, ə́ mąą mɛ̨nį hvəi; və́ pa nee ə́ mąą mɛ̨nį kulɔ níí hu,

Yálá laawoo hɛɓɛ

⁹ Kɛlaa náá mąą mɛ̨nį ɓa, gáá nwɔ́ liiholii yalii bulu, gáá ɉu hon ɉii, mą́ą́wiɛ mɛ̨nį ɓa, ə́ mąą mɛ̨nį hvəi; və́ pa nee ə́ mąą mɛ̨nį kulɔ níí hu,

Bible

⁹ “Ŋà pâi ńii maa sônii ńaai maa mɛni ma. Fé pâi kásu karâi. Ŋa pâi gɛ̂i tí a gɛ́ɛ ká ńaa maa tɛ́.

Azaya 48:9 ပူးပေါင်းရင်းမြစ်များ

Mąątɛ̨nɛ̨ 106:8

Kɛlaa, ə di ɓalo, Naa mąą mɛ̨nį ɓa, yɛ vąŋą lɛ la tii diɛ.

Mąątɛ̨nɛ̨ 143:11

Yai-Laa, ə́ laa mąą mɛ̨nį ɓa, vúlúmąą ə lɛɛ yɛnɛ̨ɛ̨, yɛ́ tələnmolaa haalai, gúlɔ mɛ̨nii.

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Hanwon 19:11

Mɛ̨nį ɲąąkaamun nii kələn naa walaai gwəi, ɛlɛɛ, mąąwiɛ mɛ̨nį ɓaa, ə gili kulɔ lalan ɉu.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 48:11

Ɲą́ą́ gbinįi mąą mɛ̨nį lɔ ɓə gɛ gɛ́ yili kɛ tii, mąą honɛɛli kɛ di hvo náá ɓɛlɛ too. Vá nwɔ mąąwiɛ tɛɛ nu takpɛli pɔ.

Azaya 65:8

Yai-Laa yɛi: Bələi lɔ da towələ keą kaa la towələ wulu hu, diɛ kɛ diɛ: «ka hvo bɔn, mąąhɔlɔɓo, luwɔ kaa ɉu», bələ lɔ ɓə gáá pai gɛi la, nuąi da tí mą́ą́ di mąą mɛ̨nį ɓa, ə gɛ və́ pa nəi gəlee hu kala.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Izikiɛ 36:21

Ə mą kɛ tii, ŋą́ náá mąąhəɠɛɛ mąą mɛ̨nį nwąną, a yai tii Israɛlə nwɔ pɛlɛ́i mu nuą di mɛlɛ too, nɔiɠai də li ɉu a diɛ, di ɲɛ̨i ɓa.

Zasua 7:9

Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.