Azaya 48:6 - Yálá laawoo hɛɓɛ (dc)

⁶ Mɛ̨nįi ŋį́ nɛɛ kwɛaala ŋį́ ɉukulɔ, ka bələ mɛ̨n, yii kɛa mɛ̨nįi tii aa həli, ka ka yee heee mu. A kɛ tii kaa kpɛli, ka hvo mɔ̨ɔ̨ pai naa həlii? Gáá kɛa mɛ̨nį nįnɛ̨ɠaa hukulɔi kaa yiihu, yiliɠaai di kɛ ɲéé pulu, hvo kɛ di kɔ́lɔn.

Yálá laawoo hɛɓɛ

⁶ Mɛ̨nįi ŋį́ nɛɛ kwɛaala ŋį́ ɉukulɔ, ka bələ mɛ̨n, yii kɛa mɛ̨nįi tii aa həli, ka ka yee heee mu. A kɛ tii kaa kpɛli, ka hvo mɔ̨ɔ̨ pai naa həlii? Gáá kɛa mɛ̨nį nįnɛ̨ɠaa hukulɔi kaa yiihu, yiliɠaai di kɛ ɲéé pulu, hvo kɛ di kɔ́lɔn.

Bible

⁶ “M̀ɛni-ŋai ŋá m̀o a gɛ́ɛ da pâi kɛ̂i, da kɛ̂. Káa kpîŋ kákaa a maa sêre-ŋa. M̀ɛni-ŋai pâi kɛ̂i ŋa pâi m̀ôi kâa. Fé niî fúlɔi da maa kili ŋa pono tɛ̀ɛ ní káta pɔ́.

Azaya 48:6 ပူးပေါင်းရင်းမြစ်များ

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Azaya 21:10

Yɛ́i ŋɛ̨i Ną́mu aa ə́ tan, yɛ bələi da mɔ̨nun dan na, mɛ̨nįi ŋį́ mɛ̨n, yɛ kulɔ Yai-Laa Mɛ̨nį Kəlee ŋą Hééɓomun la, yai a Israɛlə nwɔ Yálá, ya ka ŋɛ̨i gáá ɉukulɔi yɛ́.

Azaya 42:20

Yáá mɛ̨nį tamąą kaa, kɛlaa hvó ə́ kili lɛɛ li da hu, ə́ wəliɠaa laaɓoɔi, kɛlaa hva mɛ̨nį mɛ̨n.

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Azaya 42:9

Tɔwɔ-tɔwɔ mɛ̨nįɠaa di wɛi, daa tɛɛ, ɲą́ą́ nwɛ̨́i, mɛ̨nį nįnɛ̨ɠaa ɓə gáá di lɛɛi tɔwɔ, gɛ́ di hukulɔ; gɛɛ di hvo teɠa kɛ pai həlii, diɛ ka tii gáá di mąą mɛ̨nį hukulɔi kaa.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 48:7

Di pɛliɛ lɔ ka yiihu, mɛ̨nį hukwɛaa hvəli, yələɓɔi lɔwai, hvo nii kɛ bələ mɛ̨nį ni, hvo pa nee kɛ diɛ: «Di kpaɠala ə kɛ mą́ą́.»

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Mise 6:9

Yai-Laa kaa húú pilii daa ɓa; nuąi da ɲɔw naa ɓa, gaa pai di ɓaloi, «Nɔi lonnii, da kaai ɲąąkpɔn ɉu, 'ka ka wəli tɔɔ!

Maafîu 10:27

Yii ŋą mo kpinįi, ka mo hvóló ŋą. Yii da mo kaa a ɲįį-ɲįį woo, ka mo a lolo.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Korɛntə dɔlɔɔ 2:9

Kɛlaa, yɛ bələi bɛ̨ɛ̨i la, diɛ kɛ: «Mɛ̨nį lɛlɛɛɠaai Yálá aa bɛli nwɛlikɛmąą nuą mąą mɛ̨nį ɓa, ɲɛ̨i kɔ́w ta hvo ni gaa li; hvə ni too li wəli ta hu, ɛlɛɛ, mąą gili hvo ni too li nu kan ɲą.»

M̀ɛni-lɛɛi 1:19

Mɛ̨nįɠaai ə́ ɲɛ̨i ə gaa, yiiɠaai kɛi yiihu, ɛlɛɛ, yiiɠaai pai kɛi yili nąą pulu, 'bɛ̨ɛ̨.

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»