Azaya 48:4 - Yálá laawoo hɛɓɛ (dc)

⁴ Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Yálá laawoo hɛɓɛ

⁴ Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Bible

⁴ Ŋá kɛ̀ a gɔ́lɔŋɔɔ a gɛ́ɛ kákaa a wolii kpɔ̂lɔ-ƃela. Káŋuŋ su kpanaŋɔɔ̂i yɛ̂ɛ kɔli da ƃara.

Azaya 48:4 ပူးပေါင်းရင်းမြစ်များ

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Nehemi 9:28

Kɛlaa, da liilaa hɔlɔɓo lɔ kɛ, diɛ pənə diɛ túwɔ́ pələ ɲɔ̨n gulɔ a yɛ́. Ə lɛɛ, yɛ di lɛɛ di yowoɠaa yee kɔ́nma, yiliɠaai diɛ hee di mɛ̨i. Diɛ nwɔ̨nɔ̨ tomą ə́ pɔ pələ, ə lɛɛ, yáán yɛ́ lɛɛ yələi pələ, yɛ́ di woo mɛ̨n, yɛ́ di kulɔ mɛ̨nįi gee mɛ̨i tamąą, ə́ wɔ ŋɛ̨i mąąwɛli kaa hu.

Mąątɛ̨nɛ̨ 75:5

Nuąi da kɛ di nwun dɛi, ŋį́ kɛ diɛi: «'Ka wɔ nwun dɛi aa kpɛɛ!» Nuąi di hvo Yálá kɔ́lɔn, gɛ́ diɛ: «'Ka hvo kɛa ka nwun dɛ!

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Lɛɛ gbɔwɔ ɓa 32:9

Yai-Laa yɛ nwɔ̨nɔ̨ Moisə ɓa: «Ŋą́ą́ nuąi ŋɛ̨i mąąkpɛɛ, di kaa a nuąi di wəli walawalaa.

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Lɛɛ gbɔwɔ ɓa 33:5

Yai-Laa yɛ Moisə ɓa: «Mo Israɛlə lonnii diɛ, yɛ́ diɛ: ‹Nu huwu nwun nwalawala ɓaa a kaa, ŋį́ mą kɛ diɛ, gáá lɛɛi ka lɔwai, ə mą kɛ a hvóló tɔ̨nɔ̨ kpɛli, ŋą́ nəi ka hu kala. Ə həli kani kaa! Ka ɉɛli həɠəɠaa kulɔ ka kwąną, bələi gɛ́ ŋį́ pa ka hon na, gɛ́ pɛli bələ kaai.›»

Lɛɛ gbɔwɔ ɓa 9:7

Eziptə tɔɔmun ə nuą tɔɔ diɛ li Israɛlə lonnii pɔɔli kaai, nuą di pa diɛ mą, Israɛlə lonnii di wɛi ta hvo haa li. Bələi mąn ə kɛ la tii, ə gili walawala, hvo ɓo diɛ.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 46:12

'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Izikiɛ 2:4

Nu huwu nwun nwala walai tii, da gili wala wala nuąi tii ɓə gáá ə́ tɔɔi di pɔɔli, yɛ́ diɛ: ‹Ną́mu Yálá woo ka!›

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Dutɛrɔnome 10:16

Yili ɓa, ka ka kpɔɔ lɛɛ kan Yai-Laa ka wɔ Yalai yee kɔ́nma, ka hvo tɔɔ na.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.