Azaya 48:3 - Yálá laawoo hɛɓɛ (dc)

³ Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Yálá laawoo hɛɓɛ

³ Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Bible

³ Kɛ́lɛ Yâwɛɛ a m̀ôi kâa ǹyɛɛi, “M̀ɛnii ŋa gɛ̂i, ŋá wɔ́lɔ m̀ó a tãi su kôyaa. Ǹyaŋ gélee è a m̀aa félaa.

Azaya 48:3 ပူးပေါင်းရင်းမြစ်များ

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Azaya 37:29

Mąąhɔlɔɓo, yáá kpɛlin mą́ą́ a líiholi, ɛlɛɛ, ə́ wɔ tɛɠɛɓoɉu wooɠaai daa too wə́lii, gáá kwɛli tooi ə́ hunwɛ̨i, ŋą́ hoo la kwɛli too ə́ la, gáá pənəi ŋį́ li a yɛ́ a bələi tii ə́ həɠə la.

Azaya 37:7

Mɛ̨nįi gáá pai bui nwəlii ya ka: «Di kaa pai wɛlɛɛ ta ɓoi mą, gaa pai pənəi ə li nwɔ lɔi hu, gáá pai gɛi di baa laa a ɓɔwa kwɛa, gbɔ-kpɔɔ lɔi hu.»

Azaya 41:22

Di pa, mɛ̨nįi pai kɛi di ɉukulɔ, mɛ̨nį tɔlɔɔɠaai tɛɛ, pələi di kɛ pələ ə kɛ la, ka yili kɛ pələ lɛ kuɔ. Mɛ̨nįɠaai di mo, ka nąą kili too ku ŋą, kwa nąą kili lɛɛ ku ŋą, mɛ̨nįɠaai tii ɲələ a ɉəli, ku gbaɠala kaa. A wala kɛti, mɛ̨nįɠaai tinąą pai kɛi, ka yili bələ too ku wəlii, ka gu kəlee, gu nąą mąąkpɔn gu gaa.

Azaya 41:27

Siɔn mąą mɛ̨nį ɓə gɛ, ɲą́ą́ ŋɛ̨i hvaai, ŋį́ kɛ la a nu dɔlɔɔ gɛ́ pələ mo mą, Ɉerusalɛmə ɓə ŋį́ wɛlɛɛ lɛlɛɛ ɓomun dɛɛ laa.

Azaya 42:9

Tɔwɔ-tɔwɔ mɛ̨nįɠaa di wɛi, daa tɛɛ, ɲą́ą́ nwɛ̨́i, mɛ̨nį nįnɛ̨ɠaa ɓə gáá di lɛɛi tɔwɔ, gɛ́ di hukulɔ; gɛɛ di hvo teɠa kɛ pai həlii, diɛ ka tii gáá di mąą mɛ̨nį hukulɔi kaa.

Azaya 43:9

Lɔi kəlee di mąnn di ɲąąkpɔn a gee ɓa, taaɠaa kəlee di mąn di yee lɔ geei, di nɛlɛ ɓə, nu ə hɔlɔɓo ɉu, yɛ mɛ̨nįɠaai ŋɛ̨i lɛɛ tɔwɔ, yɛ mo, ɛlɛɛ, mɛ̨nįɠaai daa gbɛa tɛɛ, di ta nɛlɛ ɓə nu ə hɔlɔɓo ɉu, yɛ di hukulɔ nąąlɔwai tɔwɔ? Di pa a mąą kɛlaɠaa, ɛlɛɛ di dɛ̨ą ɓo, nuą di mɛ̨n, diɛ kɛ diɛ: «Tɛ̨ą li.»

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Zasua 21:45

Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.