Azaya 48:1 - Yálá laawoo hɛɓɛ (dc)

¹ 'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Yálá laawoo hɛɓɛ

¹ 'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Bible

¹ Káai a Eezuɛ-ŋai kùla Zuda ŋɔsuui sui, ka káwoli tɔ́ɔ ḿâ. Ká káfòo a Yâwɛɛ láa a gɛ́ɛ Eezuɛ Ŋɔɣâlai ǹyaa tɔnɔ nɔ́ ƃé ka pâi kɛ̂i vɛlîi. Kɛ́lɛ ka lɛ́ɛ kɛ̂i.

Azaya 48:1 ပူးပေါင်းရင်းမြစ်များ

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Zɛnɛse 35:10

Yɛ mą: Ə́ laa ɓaa a Ɉakɔbə, di hvo kɛa pai kɛi yɛ́ Ɉakɔbə, ə́ laa ɓaa kɛa Israɛlə. Bələ ɓə Yálá ə Ɉakɔbə laa hee la a Israɛlə.

Tɔɔɓɛlaa veelɛ 17:34

Ə mą kɛ háákələi, bələ lɔ ɓə da kɛ túwɔ́i la, di hvo kɛi ɲɔw Yai-Laa ɓa. Di hvo nwɔ̨nɔ̨ hvilɛn díɓoɠaa da ɉaláá kulɔ pələɠaa pulu, ə mą kɛ, dɔ́n nwoo da mɛ̨nįɠaai Yai-Laa ə naa Ɉakɔbə lonnii nwuɔ̨, yaai ə Israɛlə laa hee Ɉakɔbə mą.

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Mąątɛ̨nɛ̨ 63:11

Kɔ́ kɔ́ ɓowa ə tɛɛ di hu, 'di lɛɛ a lɔwɔ-yilɛɠaa kɔ̨nɔ̨n.

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Mąątɛ̨nɛ̨ 68:26

Nwələ too nuą di ɓo tɔwɔ, vɛ́likɛ nuą di ɓo nąą pulu, nɛ̨ɛ̨lɛa di ɓo di pɔ, diɛ kɛ́ɛ́ yɔw.

Mąątɛ̨nɛ̨ 68:27

'Ka Yálá mąąwiɛ ɲąąkpɔnŋaa hu, 'ka Yai-Laa mąąwiɛ yai a Israɛlə nwun dɔɔi.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Hanwon 5:16

'Hvó nɛɛ laa ə́ yəi ɲáləɠi hu yá gboloon hvo laa ɲɛnɛ̨ɛ̨, ɲá yɛ taɠa taɠa gwəliɠaa lɔwai.

Azaya 26:13

Yai-Laa ku wɔ Yálá, ku ɲąąwooɓo nuą takpɛliɠaa daa hee ku mɛ̨i, Kɛlaa, Ə́ laa tɛ mɛ̨nį lɔ ɓə ku kaa pənəi kuɔ mo.

Azaya 44:5

Di tɔ̨nɔ̨ kaa pai kɛi diɛ: «Yai-Laa nwɔ nu ɓaa a ɲą́ą́», diɛ dakpɛli laa hee a Ɉakɔbə, dakpɛli yɛ bɛ̨ɛ̨ ɲee kɔ̨nwɔ̨n mɛ̨i, yɛ kɛ mą: «Gáá a Yai-Laa nwɔɔ», ɛlɛɛ yɛ gbɔwɔ laa hee a Israɛlə.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 46:12

'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 44:26

Ə həli kɛa kaa! Ka ká wəli tɔɔ Yai-Laa woo ɓa, kaai a Ɉuda nuą, kaa ŋɛ̨i pa heei Eziptə lɔi hu. Gáá gwɛ́lai a náá mąąwia! Ɲą́ą́ Yai-Laa nwóó li! Gɛ́ diɛ: Náá hvo kɛa pai kɛi Eziptə lɔi hu Ɉuda mun da lɔpee la, yɛ kɛ diɛ: ‹Yai-Laa ɓə mo!›

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Levetekɔ 19:12

Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Mise 2:7

Yɛ́i a Ɉakɔbə nwɔ pɛ́lɛ́i, akɛtii ə́ nɛ̨ŋɛ̨n naa ɓə tii mɔ̨ɔ̨i? Yai-Laa nwɔ liilaai hvii aa mɔ̨ɔ̨ kpɛɛ? Nwɔ mɛ̨nį kɛ pələ li mɔ̨ɔ̨ a bɔlɔ? Nui a hiɛ a ɉaŋąą, wɛlikɛmąą woo hvo mɔ̨ɔ̨ a kɛ moi mą?

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Zakari 5:3

Ya ɓə a kɛ mą́ą́: «Nɛ̨ŋɛ̨n naa ka tii taɠai nɔi kɔ́lɔ kəlee. «Mɛ̨nįi bɛ̨ɛ̨ bələ tɔ̨nɔ̨, ya ɓaa, di nwuɔ̨mun nɔpee, gəlee kulɔ nɔi hu. Ɛlɛɛ, bələ tɔ̨nɔ̨ yɛ mą: Nui lɔpee a gwɛla a lɛɛ, di gulɔ nɔi hu.»

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Lonon mo 24:7

Di wɔ yá haɠa hɛnɲąŋąɠaai laa a hvɛɛ, yɛ pu mą, tulɔ yɛ di wɔ hihɛnŋąąi lɛlɛ. Nu wala wala ta kaa pai kulɔi Israɛlə huwu hu, di kaa pai heei lɔi tamąą mɛ̨i. Israɛlə nwɔ tɔɔmun hvaŋą kɛnɛ̨i Agagə ɓa. Nwɔ tɔɔlaai hvaŋą kaa pai tɛi.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Ɉaan 4:24

Yálá kaa a Kili. Ya ɓə gɛi, nuąi da kwɛli hvilɛn mą, da vilɛn mą a nwɔ Kilii da tɛ̨ą.»

Lomaŋ 2:17

Yɛ́i Ɉuifə laa kaa yɛ́, ə́ kilitɔɔ Moisə nwɔ tɔ́n ma, yɛ́ ə́ kpɔwɔ ɲąą kɛnɛ̨ Yálá laa hu,

Lomaŋ 9:6

Və́ kɛli diɛ: Yálá nwɔ mįnɛ̨i kalaa li. Kɛlaa yaamun, gaa má, nuąi kpɔ Israɛlə pɛlɛ́i mui, gəlee hvəə a Israɛlə lonnii.

Lomaŋ 9:8

Yili mukulaa ɓaa: Lonŋąai da hɔlɔɓo lɔ a kɔ́lɔ liiɓa, diɛ hvəə a Yálá lonni, hvə kɛi yiiɠaai da hɔlɔɓo yɛ bələi Yálá ə naakwɛlanmo la, diɛ ɓə a Yálá lonni leeleeɠaa.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 33:28

Ə́ hvįįtɔɔ a ə́ wəli pulu laɠiɛ, Ɉakɔbə nwɔ yá nwun gulɔi kaa laai a dee; yɛ li ɓɛi mɔ̨nun da lɔɔ nįnɛ̨ di kaa laa nɔi; yələkɔlɔn yɛ tulɔ pu mą.

Dutɛrɔnome 5:28

Mɛ̨nįɠaai kpɔ tii ka kɛi mo mą́ą́, Yai-Laa ə gəlee mɛ̨n, Yai-Laa yɛ mą́ą́: «Mɛ̨niɠaai kpɔ nuą di mo yɛ́, ŋą́ą́ gəlee mɛ̨n, di gɛ a nɛlɛɛ di mɛ̨nįɠaai tii kəlee ɓo.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.