Azaya 47:8 - Yálá laawoo hɛɓɛ (dc)

⁸ 'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Yálá laawoo hɛɓɛ

⁸ 'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Bible

⁸ “M̀ɛni ma, íwoli tɔ́ɔ m̀ɛnii ŋí ma. Sɛŋ wɛli kɛ̂tɛi yâ. Yá gâai nɔ́ íŋuŋ ma ƃôɔɔi. Ya gâai nɔ́ yɛ̂ɛ kwa yá kúpɔrîɛɛi, núu fé naa zeríɛɛ ípɔ. Íkɛ̀ gâai ífe pâi wɔ́lɔ kɛ̂i a pɔɔ-nɛni. Kpaa máŋ ílônii da mɛni fé pâi wɔ́lɔ pilîi zu.

Azaya 47:8 ပူးပေါင်းရင်းမြစ်များ

Azaya 14:14

Gáá pai tɛi tulɔ kpinįnŋąą mɛ̨i, gáá pai kɛi yɛ Hɛn Gəlee mɛ̨imun Yálá.»

Azaya 32:11

Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Azaya 32:9

Nɛ̨ąą! Kaai mɛ̨nį ta hva ka lii kulɔ kaai, 'ka ka wəli tɔɔ, nɛ̨ɛ̨lɛa kaai kiliŋąhiɛ hvo kaai, 'ka ka wəli tɔɔ ka nwóó mɛ̨n;

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Azaya 45:6

Ə gɛ, ə həɠə hvóló ɓɛlai pələ, ə həli la hvoló tooi pələ, ə kulɔ Ɲą́ą́ búlu, hɛn da hvo laa! Ɲą́ą́ ɓə gáá a Yai-Laa! Da kpɛli hvo laa.

Azaya 47:10

Ə́ kilitɔɔi kɛ ə́ wɔ gbąnąlaa ɓa, yɛ́ kɛ diɛ: «Nu ta hvo gáái.» Ə́ kili da ə́ wɔ mɛ̨nį kɔ́lɔn ŋąą ɓə ə́ pulu kulɔi. Ɛlɛɛ, yɛ́n, yɛ́ kɛ diɛ ə́ kwəi pələ: «Ɲą́ą́ lɔ gáá laa, akɛ ɲą́ą́ hvəi, nu takpɛli hvo nąą pulu, gəlee kaa a kpɛli!»

Ɉeremi 49:31

«'Ka ka muhəɠə ka li, nɔi liihɛlɛn və mą, gili hvo mɛ̨nį ta hu, ka kɔ́ pɛlɛ mą. Ɲą́ą́ Yai-Laa nwóó li. Kpón və di yəi. Kpón naa kpulu kwɛli hvo di yəi. Di kaa lɔ di tɔ̨nɔ̨ kon ɉu.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Ɉeremi 51:53

Ə mą kɛ, Babilonə aa tɛ yələi, yɛ mąąkpɛ hįį tɔɔ, yii nu hva pɛli tɛi mą, ŋą ɉuwolo nuą ɲąątɔɔ mą, di yee ə lɔ. Ɲą́ą́ Yai-Laa nwóó li!

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 30:9

A mąą yələi ti; wɛlɛɛ ɓo nuą da həɠə ɓɛ, bɔ́ɔ́ li, diɛ li hiɛ kulɔi kələn ɉu; diɛ Nubi mąą kpɛlin; yai gaa laa, nwəli pulu laɠiɛ. Di mąą kaa pai kɛi kpɛlin ɉi a Eziptə ŋą yələi. A tɛ̨ą, ɲələ kaa pai.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Danîa 4:4

Yili ɓə gɛ, ɉalə nąmįnąai di kaa ɲə́ə́ mu, nuąi da kwɛli hvilɛn pɛmɛ̨nɛ̨n gɔwɠaa diɛ, Kilimąą nuą, da tɔlikpɛ nuą di pa. Ŋą́ nwɔ́ hįi mąą mɛ̨nį hukulɔ diɛ, di hvo pɛli mukulaa lɛi mą́ą́.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Nahumə 3:4

Dúwɔ pələ ɲɔ̨n gulɔ nɛ̨ɛ̨nui nwɔ nɛ̨ŋɛ̨nŋaai laa pɔɔ li, nwəlɛɛ kɛ nuą ɲɛ̨i kwɛlii, nɛlɛɛi kɛ kɛnɛ̨, ə kɛi hee lɔiɠaa mɛ̨i a nwɔ túwɔ́ pələ ɲɔ̨n, yɛ hee nuą mɛ̨i a nwɔ tɔlukpɛ mɛ̨nį.

Habakukə 1:7

Di ɲɛ̨i mąą ɲɔwuɔi, di hvaŋą kɛnɛ̨. Di wɔ huɲąŋą kɛnɛ̨ laa hu, di wɔ tɔ́n mąą a di wɔ huwalawala.

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Nwun mąąɓo 18:27

Dan nuą di wɛi, yii kɛa Mika nwɔ hɛnŋaai ə bɛli, di ɉəɠə da nwɔ haláá laa hɛlimun kɛ ɲəi a nwɔ tímun, di həli Laisə daai, ɉu nuą di ɓo liilaa hu, di wəli pulu laɠiɛ, di di kəlee di paa, di nwɔ̨n nɔ daai.

Nwun mąąɓo 18:7

Ɉinąą lɔɔli tii də li, di həli Laisə. Di gaa diɛ nuą di kaa daai tii hu, di kaa liilaa hu, yɛ bələi Sidɔn nuą kaa la, di wəli pulu laɠiɛ, mɛ̨nį ta hvo kɛ di pulu, ɛlɛɛ nwɔ̨nɔ̨, di hvo tɔɔmun da yee mu, di mąą kwɛaa Sidɔn nuą diɛ.