Azaya 47:5 - Yálá laawoo hɛɓɛ (dc)

⁵ 'Ə́ mąą yɛɛ! Woo tɔ̨nɔ̨ kpɛli hvo kulɔ ə́ la! 'Lɔ kpinį pɛlɛ́ mu, Kalde nɛ̨ɛ̨gbɛla! Mąąhɔlɔɓo, di hvo kɛa pai kɛi ə́ laa ɓa: «Tɔɔ lɔiɠaa ɲąąwooɓomun.»

Yálá laawoo hɛɓɛ

⁵ 'Ə́ mąą yɛɛ! Woo tɔ̨nɔ̨ kpɛli hvo kulɔ ə́ la! 'Lɔ kpinį pɛlɛ́ mu, Kalde nɛ̨ɛ̨gbɛla! Mąąhɔlɔɓo, di hvo kɛa pai kɛi ə́ laa ɓa: «Tɔɔ lɔiɠaa ɲąąwooɓomun.»

Bible

⁵ Yâwɛɛ è mò Babelɔŋ ma ǹyɛɛi, “See kpînii í ímɛi sáa. Dífe pâi ŋɔ́nɔ wɔ́lɔ ítôlii a lɔii-ŋuŋ da ŋɔkâloŋ-nɛni!

Azaya 47:5 ပူးပေါင်းရင်းမြစ်များ

Mąątɛ̨nɛ̨ 31:17

'Ə́ ɲɛ̨i lɛlɛɛ hee ə́ wɔ tímun ma, 'málo, mąąhɔlɔɓo yá kulɔ ə́ woo ɓa.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Azaya 13:10

Yələkwəi pɛmɛ̨lɛ̨n-gɔwɠaa, da di kpulu heeiɠaa, di hva kɛa lən, hvóló hu a kpinį a muhəɠəi lɔwai, ɲąnįn va kɛa hvələ.

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Azaya 14:4

ya nwələi ŋɛ̨i too a Babilonə tɔɔmun naa, yɛ kɛ mą: Nuą mɔ̨nɔ̨ ɓomun tii nwɔ yɛnɛ̨ɛ̨ laa ə kulɔ pələ kɛ ləi yoo? Nwɔ ɲɛ̨itɛlaai ə kulɔ pələ kɛ ləi ɲəi yoo?

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Azaya 23:2

Gboloyá hɛ̨ąi lɔi hu nuą, 'ka tɔɔ tín a ɲɔw, kaai Sidɔn yɔw kɛ nuą da kɛ tɛɛi gboloyá ŋą, diɛ hɛnŋąą tɛɛ ka pɔ.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Azaya 47:7

Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Ɉeremi 25:10

Gáá kwəinɛ̨ɛ̨ da lono nɛ̨ɛ̨ kpɛɛi di pɔ lɔi, gáá hilɛtaa wələ, da dooɲəi wələ kpɛɛi, ə mą kɛ, kwənąi hiɲɛ tin, ŋį́ nwulɔ nwɔ̨n nuwun.

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Habakukə 2:20

Kɛlaa, Yai-Laa kaa nwɔ pɛlɛ́ mąąhəɠɛɛ mu. Lɔi kəlee, ka ka mɛ̨i haa nííla.

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

M̀ɛni-lɛɛi 17:18

«Ɛlɛɛ, nɛ̨ɛ̨nui tii ə́ gaa, daa-lee kɛnɛ̨i hééɓolaa kɛi, lɔi mɛ̨i tɔɔɓɛlaa kəlee mɛ̨i, yaa li.»

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.