Azaya 47:12 - Yálá laawoo hɛɓɛ (dc)

¹² 'Lɛɛ kani ə́ wɔ tɔlikpɛ mɛ̨nįɠaai pulu, da ə́ wɔ ɲeąkpɛ mɛ̨nįɠaai, diɛi wɔlɔ yáá ə́ kpɔwɔ hviikpɛɛ di pulu, ə həɠə ə́ muhəɠəi lɔwai ɓa, ə kɛ ə́ kwəi ə́ kaa pai tɔ̨nɔ̨ hɔlɔɓoi ɉu, diɛ pɛli ə́ kulɔi mɛ̨nįi.

Yálá laawoo hɛɓɛ

¹² 'Lɛɛ kani ə́ wɔ tɔlikpɛ mɛ̨nįɠaai pulu, da ə́ wɔ ɲeąkpɛ mɛ̨nįɠaai, diɛi wɔlɔ yáá ə́ kpɔwɔ hviikpɛɛ di pulu, ə həɠə ə́ muhəɠəi lɔwai ɓa, ə kɛ ə́ kwəi ə́ kaa pai tɔ̨nɔ̨ hɔlɔɓoi ɉu, diɛ pɛli ə́ kulɔi mɛ̨nįi.

Bible

¹² Kɛ́ nɔ́ íponiŋ mɛni-ŋai da dɛli kpɛ́ mɛni-ŋai kɛ̂i. Ƃa lɛ̀ɛ díkɛ̂i é síɣe íloloŋ tãi ma. Tãi da da pâi kpɔŋ mâa tɛɛ̂i ípɔ. Kpaa máŋ dí kpɔ́ŋ mâa tɛɛ ípɔ í íkpɔara-ƃelai maa yáo.

Azaya 47:12 ပူးပေါင်းရင်းမြစ်များ

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Lɛɛ gbɔwɔ ɓa 7:11

Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Lɛɛ gbɔwɔ ɓa 8:7

Gbəŋəɠaa mąą kaa pai kwɛai ə́ wɔ pɛ́lɛ́i ɓa, ə mą kɛ ə́ wɔ nu kpɛa-kpɛa da nɔi nuą kəlee; ɲa lee hu lɔ ɓə da kaa pai lɛɛi laa.»

Lɛɛ gbɔwɔ ɓa 9:11

Bənən gɛ nuą di hvo pɛli tɔɔi Moisə lííla, dɔɔhɛnŋąą tii kɛ diɛ mąą mɛ̨nį ɓa. Mąąhɔlɔɓo, dɔɔhɛn ə tɔɔ bənən gɛ nuą da Eziptə nuą kəlee diɛ.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Izikiɛ 21:26

Babilonə tɔɔmun gaa tɔɔni bələ tąŋąną; bələ hveelɛi ti kee kaai, yɛ tɔlu kpɛ. Gaa dɔ́nwąɠaa hutɔɔi, yɛ ɉaliɠaa mąąni kɛ, yɛ huwɔ yɛlɛɠaa hu kaa.

Danîa 2:11

Mɛ̨nįi ŋɛ̨i tɔɔmun gaa ɉu hvɛlii, nwalawalaai, nui lɔpee ta hva pɛli gɛi; nui lɔ a pɛli ə mɛ̨nįi tii kɛ, ya ɓaa: Yáláɠaai di hvo ɓɛ lɔi mɛ̨i nuą lɔwai.»

Danîa 2:2

Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Danîa 5:15

Kilimąą nuąi di kaa ɓɛ da nuąi da kwɛli hvilɛn pɛmɛ̨nɛ̨n gɔwɠaa diɛ, daa pa ɓɛ, ə gɛ, ɉɛɓɛ́i ŋɛ̨i bɛ̨ɛ̨, di mo, di ɉukulɔ. Kɛlaa, di hvo pɛli nwoo kɔ́w tɔ̨nɔ̨ kpɛli mukulɔi.

Mise 3:7

Nwumɛ̨ aa tɛ a gwɛlɛɛn gɛɛ kaa nuą, dɔlukpɛ nuą hu aa pu diɛ, di kəlee di kaa pai di yee pɛlɛi di ɲɛ̨i, mąąhɔlɔɓo, Yálá hvo di woo mu hon ni.

Nahumə 3:4

Dúwɔ pələ ɲɔ̨n gulɔ nɛ̨ɛ̨nui nwɔ nɛ̨ŋɛ̨nŋaai laa pɔɔ li, nwəlɛɛ kɛ nuą ɲɛ̨i kwɛlii, nɛlɛɛi kɛ kɛnɛ̨, ə kɛi hee lɔiɠaa mɛ̨i a nwɔ túwɔ́ pələ ɲɔ̨n, yɛ hee nuą mɛ̨i a nwɔ tɔlukpɛ mɛ̨nį.

Lonon mo 22:25

Ɉoohvaalən ə Yai-Laa nwɔ malakai kaa, ə tiliin gala ɓa, ə Balaamə kɔ́wɔ kiin gala ɓa. Yili ə pənə nwɔ̨nɔ̨ ə gɛlɛ.

M̀ɛni-lɛɛi 9:21

Nuą tii di hvo gɛ, di hvo kpɛla, nu paa ɓa, di wɔɔ wulu mɛ̨nįɠaa, di wɔɔ wɛlikɛɛ, ə mą kɛ, di wɔɔ nwuɔ̨ kɛ mɛ̨nįɠaa.