Azaya 47:11 - Yálá laawoo hɛɓɛ (dc)

¹¹ Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Yálá laawoo hɛɓɛ

¹¹ Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Bible

¹¹ Kɛ́lɛ mɛni kpɔ̂lu a pâi lâai ya ítɛ̂i-pere. Íponiŋ wala-wala-laai da fé pâi pɔrîi m̀ɛni kpɔ̂lui kperâi. Ísu a pâi karâi a maa félaa, nyíi íkili fé mai.

Azaya 47:11 ပူးပေါင်းရင်းမြစ်များ

Nehemi 4:11

Nuąi kɛi ɉin tɔɔ koló kɛ, da nuąi kɛi ɉɛnŋąą tiɛ̨, di kɛi ɉɛnŋąą həɠə di yee tɔ̨nɔ̨ ŋą, gwɛli hɛnŋąą di ɓo di yee tɔ̨nɔ̨ ŋą.

Mąątɛ̨nɛ̨ 35:8

Nu kala mɛ̨nįi ɲɔ̨nwɔ̨nmąn və ta kɛli, 'ə həli diɛ, di tɛɠii, ɉɛlɛn diɛ kpinįi di dɛ, 'di kɔ́ la, 'di nwun ə lɛɛ mɛ̨nį ɲąąnwąnąąi tii hu.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Mąątɛ̨nɛ̨ 55:15

Nɛ̨ɛ̨laa ɲąąnɛ̨ɛ̨ aa kɛ gu yili gu kee ɓa, gu ɓo gu kee pɔ Yálá yəi bɛlɛ́n guɔ hiɛ gu kee pɔ.

Mąątɛ̨nɛ̨ 73:19

Gaa kpɔlɔ a nu tɛɠii kɛɛ kalaa lɔ poto-poto, daa lɔ gbąi, di hu aa kala a ɲɔw.

Hanwon 13:21

Mɛ̨nį ɲɔ̨nwɔ̨ɔ̨ hva tee nɛ̨ŋɛ̨n ɉəɠə nuą pulu, nwun na nɛ̨ɛ̨ ə ɓo a tələnmo nuą hvɛla.

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Azaya 48:8

Hvo nii ta kɛ bələ mɛ̨nį ni, hvo kɛ di kɔ́lɔn, və́ ni kɛ ə́ wəli lon doo li ɉu nąąlɔwai tɔwɔ, mąąhɔlɔɓo, gbaɠala ə kɛ mą́ą́, gɛ kɛ ya kulɔ nu pulu, ə́ kɛ ni ə́ lee kwəi, diɛ kɛ yɛ́: «Kulɔ nwoo mun lon.»

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Ɉeremi 51:43

Nwɔ taaɠaai daa lɛɛ a taa kpoloon, a gbɔwɔlɔ kwɛni lɔi, da gbalə koloon nɔwɔ. A lɔi yii nu ta hva kɛa hee ɉu, nu ta hva kɛa daa tɔɔ laa, nu ta hva kɛa tɛɛ laa.

Ɉeremi 51:8

Ya ka, Babilonə aa too lɔ ŋɛ̨i tɔ̨nɔ̨, nuą tɛɠii pələ, ɉu aa yali. 'Ka wɔlɔ pu mɛ̨i, 'ka ɉali kɛ, gaa kiɛ pai ɓaloi.

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Maafîu 18:34

Di nwun nąmu líí ə holi kpɔ kɛnɛ̨. Yɛ diɛ: Ka ɉon ka doo gaho ɲą, ə lɛɛ la ɉu, ə ə nwɔ kwələi kəlee kulɔ.»

Lukə 12:59

Gáá moi yɛ a tɛ̨ą, nui tii nwɔ wali tɔ̨nɔ̨ mɛ̨nį hva lɛɛ yɛ, yɛ kulɔ la gaho pɛlɛ́i tii mu.»

Lukə 17:27

Noe ŋą yələi, nuą di kɛi di laa mį́į́, diɛ di kpələ, diɛ nɛ̨ą həɠə, diɛ li hilɛtaai, diɛ di lon nɛ̨ąni ya. Ə lɛɛ ɉu, ɲələi Noe ə lɔ la gələn ɉu, ɲą nwąną yɛ nuą kəlee nwun napili, ɲələ ə ɉəli.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.