Azaya 46:7 - Yálá laawoo hɛɓɛ (dc)

⁷ Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Yálá laawoo hɛɓɛ

⁷ Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Bible

⁷ Gɔli ɣâle-ƃelai da kpɛ̀ɛ zãâi ŋí kpɛ̂tɛi, da dɛ̀ɛ ǹamela pɔ́, dí ǹáa díkarâŋ ŋá, dí lí a dia dípɛrɛ-ŋai lá, dí dítɔɔ dílôŋpo-ŋai su. Da kɛ̂ tɔɔ̂ni naa, dífa pɔ̂ri díkpono tûmoi. Da dífɛ̀li, dífa díwoo su tòo, kpaa máŋ dí díkula mɛni kpɔ̂lu da su.

Azaya 46:7 ပူးပေါင်းရင်းမြစ်များ

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Azaya 37:38

Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Azaya 40:20

Nui ɲee hva lɔ, hvo yili ta kɛ, ɲįnįįn naa kpɛli ta ɓə a gwɛli, ə li la yɛlɛkɛmun nɛlɛɛ ta pɔ, yili yɛ ɉaɠa a halii hva dumo.

Azaya 41:28

Ŋą́ ɲɛ̨́i laa, və́ nui lɔpee ta kaa li, nui kpɔ nu ə nwun dɔɔ la, hvo kɛ di lɔwai, ŋį́li kɛ nwún dɔɔ a diɛ, diɛ nwóó pulu pənə.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 41:7

Gwɛli yɔw mun gaa vulɔ hvɛɛ mun vaŋą lɔi, nui mądalan gaa ɲəi, yɛ ɉumu nąmu hvaŋą lɔ, a ɉali mąą nįnįn nąą kəlee hee kɛa gee la, yɛ diɛ: «Aa pɛli.» Ə gəlee kpɔn kɛa gee ɓa a nɛlɛɛ, hvo pa nee kulɔ gee la.

Azaya 44:12

Gwɛli-yɔwmun a nwɔ tɔ̨nɔ̨i ɲąąli hulɔ-nwɔ̨n ɓa, a gwɛli lɔ nwɔ̨n ɉu, a kpɔlu, yɛ gɛlɛ a humu, nu yeekɔn vąŋą kɛnɛ̨ nwɔ kóló li. Kɛlaa pulu a ɉon, vąŋą kəlee a kpɛɛ! Awala gbələ, aa mąn kpɔlɔɔn.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 46:1

Bɛlə aa pu ɉimįnįn ma, Nebo aa hviən: huwɔɠaa ɓə da di mąąnįnįn gbəŋə, daa kɛ a tiɛ̨ wiaa, ɉuwɔɠaa hvįi aa kpɛɛ di mu.

Azaya 47:15

Bələ ɓə ə́ wɔ tɔlukpɛ nuąi kaa pai kɛi la yɛ́, diɛi ə́ ə́ kpɔwɔ hviikpɛɛ di pulu ə həɠə ə́ muhəɠə yələ ɓa, di kəlee di kaa pai lii di nwun mą, di ta lɔpee hva pɛli ə kulɔi mɛ̨nįi.

Ɉeremi 10:5

Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Ɉeremi 11:12

Nąąlɔwai, ɉaliɠaa tii Ɉuda taaɠaa, da Ɉerusalɛmə taa, di kɛi ɉaláá hɛnŋaa kələn di lííla, di kaa pai lii di pɔ, diɛ di hvɛlii, kɛlaa, yiliɠaa di hvo pai pɛlii di kulɔi mąąwɛli mɛ̨nį tii hu.

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Danîa 3:1

Tɔɔmun Nabukodonosorə ə mąąnįnįn ɉaɠaa ta pɛli a hɛni, dɔɔmɛ̨i yɛ ɓo a mɛtɛlɛ pow haaɓa, mɛlaŋa kɛnɛ̨ pələ yɛ ɓo a mɛtɛlɛ haaɓa. Ə dɔɔ ɓɛi ŋɛ̨i da kɛ mą: Dura, nɛ̨ŋɛ̨ hu, Babilonə nɔi.

Zôna 1:5

Gələn ɉiɛ nuą di ɲɔw kpɔ kɛnɛ̨, nu kəlee yɛ nwoo laa həli nwɔ Yálái ɓa. Di nɛ̨ɛ̨mą diɛ diɲɛ taɠaa kulɔ gələn ɉu diɛ bili ɲai, ə gɛ, ə lɛɛ howa-howa. Ɉonasə nwɛi, ə yɛɛ gələn gbon ŋą, ə laa yɛ yii kpɔ a mɔlɔ.

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Samuɛlə dɔlɔɔ 5:3

Mąą yələ laaɓoɔ, yələ wala pɔ, Asdɔdə nuą di di ɲįnąąɓo, di Dagɔn kaa bɛlɛɛ niiɓa Yai-Laa nwɔ mįnɛ̨ kəhii lííla. Di ɉaŋą di dɔɔ.