Azaya 46:5 - Yálá laawoo hɛɓɛ (dc)

⁵ Gbɛɛ ɓə ka pɛli gɔɔn ɉi mą́ą́? Kwa yaa ku kulaa a ku kee? Gbɛɛ ɓə ka kɛ kɛi, gúlɔ mąą li, kwa yaa ku ɓo tanɔ̨n?

Yálá laawoo hɛɓɛ

⁵ Gbɛɛ ɓə ka pɛli gɔɔn ɉi mą́ą́? Kwa yaa ku kulaa a ku kee? Gbɛɛ ɓə ka kɛ kɛi, gúlɔ mąą li, kwa yaa ku ɓo tanɔ̨n?

Bible

⁵ Yâwɛɛ ǹyɛɛi, “Gbɛ̂ɛ ƃé ka pɔ̂ri ŋ́gɔɔ̂ni mai? Núu da káa kásama zeriɛ́ɛ ḿbɔ?

Azaya 46:5 ပူးပေါင်းရင်းမြစ်များ

Mąątɛ̨nɛ̨ 113:5

Gbɛɛ ɓə yɛ Yai-Laa, ku wɔ Yálái? A yai gaa hɛn gəlee nwu mɛ̨i kpɔ ləɠə ləɠə?

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 89:8

Nu mąąhəɠɛɛɠaa di wɔ ɲąąkpɔn hu, da ɲɔw Yálá ɓa diɛ nwumɛ̨ mą, ɲɛ̨i mąą ɲɔwuɔi dɛɛ hɛn kpɔ gwɛlɛ gəlee diɛ.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Azaya 40:25

«Gbɛɛ ɓə ka pɛli Gɔ́ɔ́n ɉii mą, kaa gɛ a bɛ́li?» Mąąhəɠəmun nwoo li

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Filipə 2:6

Yai, bələi mąn Yálá laa kaa ɲəi, hvo giliŋąhiɛ li da Yálá di pɛli mɛ̨nį ɓa, hvo kąnąn yili ɓa.

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»