Azaya 46:3 - Yálá laawoo hɛɓɛ (dc)

³ 'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Yálá laawoo hɛɓɛ

³ 'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Bible

³ “Káai a Eezuɛ-ƃelai pù ká kúla gɔ-sôŋ-laai sui, ka káwoli tɔ́ɔ ḿâ. Ńyãa ƃé kákpɛ̀tɛ. Ŋ́gbaaŋɔɔ̂i kámɛni ma é síɣe kámaa sɔlɔ ƃó tãi ma.

Azaya 46:3 ပူးပေါင်းရင်းမြစ်များ

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Mąątɛ̨nɛ̨ 71:6

Ə həɠə gáá yələ ɓa, yɛ́ lɔ ɓə ŋą gílitɔɔ yɛ́, ŋį́ lɛɛ néé kwəi, ə́ ɉəɠə ɉu a dee; yɛ́ lɔ ɓə ə́ mąątɛ̨nɛ̨ woo kaa ná.

Lɛɛ gbɔwɔ ɓa 19:4

‹Mɛ̨nii ŋą́ naa Eziptə ɓa, kaa kpinįi ka gaa, bələi ŋį́ ka kpəŋə la, Kuwɔ́ koon ɉu, gɛ́ pa a kaa bɔ́ pələ.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 10:20

Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Azaya 10:21

Nu kpulu wolo kaa pai pənəi ə pa, Ɉakɔbə nwɔ nu kpəlii pai lɛɛi, da pənə di pa Huwal-awla Yálá pɔ.

Azaya 10:22

Israɛlə, ə mą kɛ, ə́ wɔ nuąi tamąąi yɛ gboloyá hu ɲɛ̨ą kɔ́w, gbəli wolo lɔ ɓə a pənə ə pa; daa ka hukala mɛ̨nį mąą kili tee di kwəi, yili ɓə pai giti mɛ̨nį ɲɛ̨i kulɔi, yɛ pɛli ɉu.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Azaya 4:3

Nąąlɔwai, nuąi pai kulɔi ɉu, Siɔn daai nuąi kpəli woloi pai lɛɛi, Ɉerusalɛmə daai nuąi pai lɛɛi a di hvulú, di kaa pai di laa heei a: nu mąąhəɠɛɛɠaa, di kaa pai di kəlee di laa pɛ̨ɛ̨i Ɉerusalɛmə, diɛ pɛli lɛɛi yɛnɛ̨ɛ̨.

Azaya 44:21

Ɉakɔbə, mɛ̨nįi ɲɛ̨i kili ə too ə́ ɲą, Israɛlə, nwɔ tímun mąą a yɛ́, ŋį́ ə́ pɛli a nwɔ tímun, Israɛlə, 'hva pɛli yá laai gɔ́lɔi.

Azaya 46:12

'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Dutɛrɔnome 1:31

Yai-Laa ka wɔ Yálái ə ka kpəŋə yɛ bələi nu a non gbəŋə la, bələɠaa kpɔ ka tɛɛ la gəlee hu; ə lɛɛ ɉu ka həli gɛɛnąą ŋɛ̨i ɓa.»