Azaya 46:10 - Yálá laawoo hɛɓɛ (dc)

¹⁰ Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Yálá laawoo hɛɓɛ

¹⁰ Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Bible

¹⁰ M̀ɛni-ŋai pâi kɛ̂i é kúla gɔ́ɔ pîlani é tóo gbɛɛ ŋái mai, ŋá wɔ́lɔ dí maa mɛni ƃò kâa. M̀ɛni-ŋai kɛ̂i ŋá dímaa mɛni ƃò kâa tãi su-kôyaa tɛɛ pôlu ma. Ŋá m̀o kâa a gɛ́ɛ m̀ɛnii kélee ŋa m̀ôi, ŋaa see a kɛ̀. Ŋá m̀o kâa a gɛ́ɛ fa ŋ́oo sìɣe pôlu.

Azaya 46:10 ပူးပေါင်းရင်းမြစ်များ

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Mąątɛ̨nɛ̨ 33:11

Yai-Laa kwəi kili kaa lɔ a yələ kəlee mɛ̨nį, mɛ̨nįɠaai a mąąkili tee gwəi, kwɛlan gəlee mɛ̨nį li.

Azaya 43:13

A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Mąątɛ̨nɛ̨ 135:6

Mɛ̨nįi lɔpee Yai-Laa kaa bɔ, a gɛ, lɔi mɛ̨i ɓɛ, ə mą kɛ yələ kɔ́lɔn ɉu, gboloyá hu, ə mą kɛ ɲąmuątaa.

Gɛlaɠaa 5:39

Kɛlaa, akɛ ə həɠə Yálá pɔ, ka hva pɛli ɉu taɠai. Ka gɛ a nɛlɛɛ, ka hvo pa kɔ́ pɛlɛ Yálá ɓa.» Diɛn hvaa nwoo ɓa.

Azaya 44:7

Gbɛɛ ɓə gaa yɛ ɲą́ą́? Mąą-nu ə muhəɠə, ə hvaa! Mɛ̨nį gaa yɛnɛ̨ɛ̨ mɛ̨nį hu ə nɛ, ɛlɛɛ, ə gbaɠala lɛ mą́ą́, ə həɠə kpɔ ɲələi ŋį́ nu kan bɛli la mą, mɛ̨nįɠaa daa tɛɛ, yɛ ɉukulɔ, ɛlɛɛ, yiiɠaai pai kɛi, nu ta ə ɉukulɔ kan kuɔ wɛ!

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Hebreu 6:17

Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Gɛlaɠaa 15:18

A gwəi kiliɠaa ti kɛ ə kɛ a di kɔlɔnŋąą wɔlɔ-wɔlɔ ɓa.›»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Gɛlaɠaa 3:23

Nui lɔpee a wala nwəli tɔɔ Yálá kwəi mɛ̨nį hukulɔ mun ti woo ɓa, da naa kulɔ nɔi lonnii lɔwai.›

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Azaya 40:8

Kala tiliin a kpala, bowa ə yohva; Kɛlaa, guɔ Yálái woo nwɛi gaa lɔ laa a yələ kəlee.»

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Azaya 48:3

Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Azaya 48:14

'Ka kəlee ka ka ɲąąkpɔn, ka ka wəli tɔɔ, di nɛlɛ ɓə a mɛ̨nįɠaai ŋɛ̨i lɛɛ tɔwɔ, ə di hukulɔ, yɛ kɛ diɛ: Nui Yai-Laa a nwɛli la kɛ, gaa pai niiɓa mɛ̨nįɠaa ɲɛ̨i kulɔi, yɛ hvilɛn na Babilonə da bulu nuą diɛ, diɛi a Kalde nuą?

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 55:11

bələ lɔ ɓə nááwoo a túwɔ la, ɓɛlɔwai a kulɔ la ná, hva pənə hvo pa bɔ́ kpɛli kpɛli, yii hvo kóló kɛ li, Kɛlaa, mɛ̨nįɠaai kpɔ gáá bɔ, a gəlee kɛ, ɛlɛɛ, gólóɠaai kpɔ ŋį́ dɛɛ di kɛ mɛ̨nį ɓa, a gəlee ɲɛ̨i kulɔ.

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.

Osia 5:9

Ɛfraimə kaa pai kɛi a lɔi pun, a ɉu tɔɔ yələ. Gáá gbɛa yili hu kulɔi Israɛlə pɛlɛ́ɠaa diɛ, yili hva ɉəɠə mą.

Zôo 23:13

Mɛ̨nįi a giliŋąhiɛ mą, gbɛɛ ɓə a ɉəɠə mą? A mɛ̨nį kəlee kɛ lɔ a niiɓa.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 41:21

Yai-Laa yɛ diɛ: 'Ka pa ka ka wɔ mɛ̨nįi too, Ɉakɔbə nwɔ tɔɔmun yɛ diɛ; 'ka pa ka ka woo hukulɔ.

Izikiɛ 39:8

Ya ka, gaa pai, aa pa; volói ŋį́ vaaɓo, yaa li. Mɛ̨nį kəlee ŋą Hééɓomun Yálá woo li.