Azaya 45:5 - Yálá laawoo hɛɓɛ (dc)

⁵ Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Yálá laawoo hɛɓɛ

⁵ Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Bible

⁵ “Ńyãa ƃa Yâwɛɛ. Ɣâla da kpɛ́ni fé naa é kúla ḿbôlu. Ŋa pâi íkponôi kpanánîi, berei máŋ ífe ŋ́gɔlɔŋ lai.

Azaya 45:5 ပူးပေါင်းရင်းမြစ်များ

Tɔɔɓɛlaa dɔlɔɔ 8:60

Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Zôo 12:18

A tɔɔɓɛlaa hąą yili kɔ́lɔ tee di hąą, yɛ yilimaa həɠə yili diɛ.

Zôo 12:21

Yɛ nwumɛ̨ tɛ a kalanɉonŋąą, yɛ kulaaɠaa di wɔ kulaa laa kulɔ di yəi.

Mąątɛ̨nɛ̨ 18:31

Mąą kulɔ hvo Yálá nwɔ pələi ɓa, Yai-Laa woo hu pɔ̨nɔ̨ɔ̨i. Nuąi kpɔ da di mąąkilɛ vaŋąn mu, gaa a di mąąkpɛ gbala.

Mąątɛ̨nɛ̨ 18:32

Gbɛɛ ɓə a yálá, ə kulɔ Yai-Laa pulu? Gbɛɛ ɓə kani a gwɛni kɛnɛ̨, ə kulɔ ku wɔ Yálái pulu?

Mąątɛ̨nɛ̨ 18:33

Ɲálái tii ɓə a ɉú yili a huwalawalalaa, yɛ ɉíɛ pələ lɛlɛ.

Mąątɛ̨nɛ̨ 18:39

Ŋą́ di hu kala, di hva pɛli di muhəɠəi, daa too gɔ́wɔ́ mu.

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Lɛɛ gbɔwɔ ɓa 9:14

Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Azaya 22:21

Gɛ́ ə wɔ həɠəi too gwąną, gɛ́ ŋą gbaawii hɛ̨ą yili, a ə́ wɔ hɛ̨ą yili kɔ́lɔi, gɛ́ ə́ wɔ huwalawalai tɛɛ bɔ. Gaa pai kɛi a Ɉerusalɛmə nuą di nąn da Ɉuda nwɔ pɛ́lɛ́i nąn.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Azaya 45:6

Ə gɛ, ə həɠə hvóló ɓɛlai pələ, ə həli la hvoló tooi pələ, ə kulɔ Ɲą́ą́ búlu, hɛn da hvo laa! Ɲą́ą́ ɓə gáá a Yai-Laa! Da kpɛli hvo laa.

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Azaya 47:8

'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Izikiɛ 30:24

Kɛlaa, gáá pai Babilonə tɔɔmun ɲee huwala walai, gɛ́ nwɔ́ kɔ́ kɔ́ ɓɔwai lɔ ɲee ŋą. Gáá pai Faraɔn yeeɠaa yalii, yɛ ɲiŋɛ yɛ nui daa ɉaɠa baa pələ pɔ.

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Ɉaan 1:1

Gɛɛ Yálá hvo yɛnɛ̨ɛ̨ pɛli, tɔlɔɔ, woo ə gbɛa kɛ laa. Nwoo tii, ə kɛ Yálá pɔ, gaa a Yálá.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 4:39

Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.