Azaya 45:15 - Yálá laawoo hɛɓɛ (dc)

¹⁵ Kpɔ a tɛ̨ą leelee, ə́ kaa a Yálá loɔ, Israɛlə nwɔ Yálá, lɔ ɓə nu ɓalo!

Yálá laawoo hɛɓɛ

¹⁵ Kpɔ a tɛ̨ą leelee, ə́ kaa a Yálá loɔ, Israɛlə nwɔ Yálá, lɔ ɓə nu ɓalo!

Bible

¹⁵ Eezuɛ Ŋɔɣâlai nyii a ŋɔnûai ŋuŋ ma ƃòi, ǹyaa ƃ Ŋ̀âlai nyii a gbîŋ lòoi.

Azaya 45:15 ပူးပေါင်းရင်းမြစ်များ

Zôo 10:13

Kɛlaa, yii ə́ kɛi ə́ kiliŋąhiɛ mą, ya ka: Ŋą́ gɔlɔn gɛ́, mɛ̨nį ta ə kɛ ə́ kwəi, yɛ hvilɛn na mą́ą́,

Zôo 23:3

Ee kə! Ɓɛi gaa laa, ŋį́ kɛ kɛ a naa kɔ́lɔn ŋąą-o! Ŋą́ li pa həli nwɔ tɔɔ kpəlin ɓa.

Zôo 23:9

Gaa kiɛ koló ta ɓa ɲələi pələ? Və́ gaa li. Aa now kiɛ ɉɛɠɛɛ pələ? Və́ gɛi kɔ́lɔn!

Mąątɛ̨nɛ̨ 44:24

'Ə́ muhəɠə, Hɛn gəlee-Nąmu, lə yíi ɓə ə́ kaa moi? 'Ə́ ɲínąąɓo! Yíi ə tee ə́ ɲɛ̨i! 'Hvó ku pili a ɉukwɛa!

Mąątɛ̨nɛ̨ 68:26

Nwələ too nuą di ɓo tɔwɔ, vɛ́likɛ nuą di ɓo nąą pulu, nɛ̨ɛ̨lɛa di ɓo di pɔ, diɛ kɛ́ɛ́ yɔw.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 19:20

Di kaa pai kɛi a Yai-Laa Mɛ̨nį Kəlee ŋą Hééɓomun mąą kɛla da gɔlɔn ɉɛn Eziptə lɔi hu. Nuą pai woloi Eziptə ɓa, diɛ kɛ di hee di mɛ̨i, Eziptə nuą da tómą Yai-Laa pɔ pələ, gaa pai di ɓalomun dɛɛi di pɔ, yɛ di mąą kɔ̨nwɔ̨, yɛ di kulɔ ɲəi kɛ.

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Azaya 60:16

Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Ɉaan 13:7

Jesus ə nwoo pulu pənə yɛ mą: «Mɛ̨nįi ŋɛ̨i gáá gɛi hva pɛli ɉu gbɛɛ ɓoi. Kɛlaa, ə kaa pai mukulaa kɔ́lɔn ɉi.»

Ɉaan 4:22

Hɛn ka kwɛli hvilɛn ma, ka hvo gɔlɔn. Ku wɛi, yii kwa kwɛli hvilɛn ma, ku gɔlɔn. Mąąhɔlɔɓo, nwun mąąɓo ə həɠə Ɉuifəɠaa pɔ pələ.

Ɉaan 4:42

Nɔi nuą di mo nɛ̨ɛ̨nui tii ɓa, diɛ mą: «Kwaa laa na, yii ŋɛ̨i ə́ mo kuɔ mąą mɛ̨nį ɓa; ə lɛɛ, da yiiɠaai kuɔ kpinįi ku mɛ̨n mąą mɛ̨nį ɓa. Yili pulu, kwaa gɔlɔn gbɔ a tɛ̨ą kuɔ: ya ɓə gaa a yɛnɛ̨ɛ̨ ɓalo mun.»

Gɛlaɠaa 13:23

Davidə huwu hu ɓə Yálá ə Jesus kulɔ laa, yɛ gɛ a Israɛlə nwun mąąɓomun yɛ bələi ə naakwɛlanmo la.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!