Azaya 45:14 - Yálá laawoo hɛɓɛ (dc)

¹⁴ Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Yálá laawoo hɛɓɛ

¹⁴ Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Bible

¹⁴ Yâwɛɛ è mò Eezuɛ mà ǹyɛɛi, “Ŋa pâi Ize da Itiopia-ƃelai dítɔɔ-sãai kulâi díyêei ŋá dɛɛ kápɔ. Seba kɔ-kuluƃa-ŋa kôya-kôyaa wála-wala-ŋai da pâi kɛ̂i a kápɔɔ. Da pâi kɛ̂i a luɛ-ŋa káyêei. Ka pâi dítoôi yɔlɛ ŋá, ƃɛ́i kélee ka lì naai dí ƃò kápôlu. Da pâi pɛlɛ̂ɛi a kákɔɔ dí kɛ́ mò, dîyɛɛi, ‘Káɣâlai nɔ́ ƃa dɔ̃yâ Ɣalai. Ɣâla da kpɛ́ni fé naa é kúla bôlu.

Azaya 45:14 ပူးပေါင်းရင်းမြစ်များ

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Samia Veerɛi 21:20

Di kɔ́ takpɛli kɔ́ Gatə, kɔ́kuláá ta ə kɛ laa, ɲeekpiɛ ə ɓo mɛ̨ida mɛ̨ida, gɔwɔ kpiɛ ə ɓo lɔ mɛ̨ida mɛ̨ida, ɲeekpiɛ da gɔwɔ kpiɛ kəlee pɛlɛɛ gee ɓa, ə kɛ pow hveelɛ kɔ́w nąąn. Yaa kpɛli ə kɛ a Harafa huwu ta.

Zôo 1:15

Saba nuą di pa di too di mɛ̨i di di həɠə, di ə́ wɔ tínuąi kəlee paa, ɲą́ą́ dɔ̨nɔ̨ lɔ ɓə kulɔ gɛ́ pa nwɛlɛɛ ɓoi yɛ́.»

Zôo 11:19

Yá kɛi ə́ hvįįtɔɔ, nu ta hva ə́ hviikpɛɛ. Ə lɛɛ, nu tamąą kaa pai kɛi ə́ ɲɛ̨i kələi.

Mąątɛ̨nɛ̨ 149:6

'Di Yálá laa tɛ kpɔ hɔ̨ɔ̨ a di woo, liikpakpa ə ɓo di yəi.

Mąątɛ̨nɛ̨ 149:8

Diɛ tɔɔɓɛlaa pu yɛli ɓa, diɛ di wɔ kulááɠaa kpulɔn a yɔwɔn.

Lɛɛ gbɔwɔ ɓa 11:8

Nąąlɔwai, ə́ wɔ nu kpɛa-kpɛa kəlee kaa pai pɛlɛi gɔ́wɔ́ mu di kwɛli hvilɛn mą́ą́, diɛ kɛ mą́ą́: «Yɛ́ ká ə́ wɔ nuąi, ka kulɔ ku wɔ lɔi hu», a kɛ lɔ tii ŋą́ą́ mą li.›» Moisə ə kulɔ tɔɔmun bɔɔli a líiholi kɛnɛ̨.

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Azaya 18:1

Kpalo ɓɛlaai yɛ́! Nubi yáɠaa kwɛlɛ lɔi, yá ɲą kələn ɉu tín a tɔɔ laa, yɛ kwɛlɛɛn goon ɉu tín.

Azaya 18:7

Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Azaya 19:21

Yai-Laa kaa pai gbɔwɔ lɛi Eziptə nuą diɛ, Eziptə nuą diɛn, da Yai-Laa kɔ́lɔn a volói tii, diɛ gɔ́ a halááɠaa da mɛ̨inɛ̨ɛ̨ɠaa; diɛ mɛ̨nįɠaa laakwɛlanmo Yai-Laa ɓa, ɛlɛɛ, diɛ bɔ mɛ̨nį kɛ.

Azaya 19:22

Akɛ, Yai-Laa ə Eziptə nuą kɛlɛ a nwala-walaa, bələ lɔ ɓə gaa pai di ɓaloi la; da pənə da pa Yai-Laa pɔ, gaa pai ɲee heei di mu, yɛ di ɓalo.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 54:3

mąąhɔlɔɓo, ə́ huwu hu kaa pai kɛnɛ̨i, ə́ ɓa-mįi-yee hu pələ, da ə́ kɔ́ɓɛyee hu pələ. Ə́ huwu kaa pai hįį tapkɛliɠaa yəi hɛn gɔw hɔlɔɓoi a nwɔɔ, ə́ lonnii diɛ taa kpoloonŋąą laahvɛɛ a nu kan.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Izikiɛ 23:42

Di kɛi nu kpulu kɛnɛ̨ tin mąn, diɛ kwəinɛ̨ɛ̨ kulɔ, mɛ̨nį hvo kɛ di wəli pulu; nu kpulu kɛnɛ̨ ta kpɛli ə pa ə pɛlɛ yiliɠaai diɛ, diɛ həɠə nɔi pun ɉu pələ kəlee pɔ; di kɛi yee kwąną kwɛli too nɛ̨ąą yee ɓa, diɛ tɔɔɓɔlɔ lɛlɛɛɠaa lɔ di nwuɔ̨.

Izikiɛ 31:3

Ə́ kaa yɛ Liban kpitili, nwonwo hu wia, nįnįn ɉu kɛnɛ̨, a hɛan gɛnɛ̨, yai don na ə kɛi hee tulɔ kpinįn ma.

Lonon mo 13:32

Di tɔɔ kɛa diɛ nɔi tii di tɛɛ ɉu, diɛ mąą kun ɲɔ̨n vaa ɓo, Israɛlə nuą diɛ, diɛ kɛ mą: «Nɔi ŋɛ̨i kwəli nɛ̨nɛ̨ɛ̨n naa kɛi ɉu, gaa a lɔi da kɛ di kee mįi ɉu, ə lɛɛ nuąi kpɔ di kaa laa, di kaa a nu kpaɠala kpaɠalaɠaa.

Korɛntə dɔlɔɔ 14:25

Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.